反擊盧寵茂 陳文敏：不是隨便找助理寫論文 對方人格修養上或需反省
立場新聞 2015/11/26 09:40
資料圖片：陳文敏，圖片來源：朝雲 攝
台灣網上討論區昨晚披露一段錄音，相信是校委會否決陳文敏任命副校長當日的會議內容。疑似校委會成員盧寵茂批評陳文敏學術水平未達標，又斥他未有慰問其腳傷，並要求遴選委員會因此而檢討其推薦。當事人陳文敏接受《明報》查詢指，盧寵茂的人格修養上可能需反省；又指盧有份任命副校一職，若他跌倒而陳文敏去慰問，「人哋咪話你擦鞋囉！」。陳補充，自己不是隨便有個助理寫完，加自己名字，「出事時就話篇文我冇睇過」。
陳文敏接受《明報》訪問反駁稱，盧寵茂有份決定副校任命，若慰問他，反會被指「擦鞋」：
「你話有冇問候，其實呢樣嘢真係完全無關㗎嘛....... 第二，如果當時以我係一個候選人，校委會係任命嗰個人，如果佢咁樣跌倒，我走去問候佢嘅時候，人哋咪話你擦鞋囉！咁佢係咪要人擦鞋？呢種咁嘅文化唔係香港大學有嘅文化嚟㗎囉。（我）唔識做囉。」
（明報訪問聲帶）
對於盧寵茂指出發表論文數目少，陳文敏認為，自己學術水平不應由外行人「亂噏」。陳也形容，盧醫術高明，但人格修養上可能需反省。他強調，人文學科學者每年發表3至4篇著作，數量不是少，「我們不是隨便有個助理寫完，加自己的名，出事時就說篇文我沒看過」：
「佢批評我嘅學術方面嘅成就，我覺得嗰個係比較唔公平。如果我哋喺大學去批評一個同事嘅學術成就，我哋係由專家攞過晒報告，人哋真係去睇過啲文，然後再去作評價。就唔係由一個外行人、完全唔識嘅、亂噏一通咁樣囉。譬如話，喺一般嘅人文科學面，其實一年三四篇文大概係標準啦。
因為人文科學嘅文章，係比較長，需要多啲時間去寫，我哋唔可以話，求祈有個助理寫咗啲文跟住我加個名落去就得喇，到出事嘅時候話原來篇文我冇睇過㗎、我唔知㗎、不過有篇文喺度，即係我哋就唔係咁做法囉。譬如佢話2011年我出咗一篇文咋喎，其實嗰篇係一本書，係成千幾頁嘅書嚟，而且嗰本書到而家仍然係香港基本法入面其中最重要嘅著作啦。」
（明報訪問聲帶）
陳文敏似是不點批批評，盧寵茂捲入早前的醫學院論文「抄圖」風波，盧事後指涉事研究助理已離職返回內地，無法確定圖片問題所在。但盧寵茂承認，所有作者都責無旁貸，不可把責任全推在內地學者身上。