林建岳：中國市場係肥肉　偏偏港人鍾意食齋

立場新聞 2015/12/15 18:43

    旅發局主席林建岳表示，今年聖誕假期酒店整體訂房率達到八成半，與去年相若，但房價比去年同期下跌一成，認為與港人不歡迎內地旅客有關，又指中國是一塊肥肉，周圍國家都爭相在搶，香港人卻偏偏喜歡「食齋」。
    林建岳今日下午宣布旅發局的除夕大型活動後，向傳媒表示：

    「大家都知道中國市場係一舊肥肉，而家周圍國家都搶緊呢舊肥肉，但我哋香港偏偏啲人就唔係好鍾意肥、鍾意食齋咁都冇辦法..... 大家選擇唔食肉嘅，選擇食齋，如果食齋就當然會瘦啦，係咪先？瘦咪大家都箍住個褲頭囉，係咪先？

    而家香港環境，大家知道有很多因素，畀國內旅客覺得我哋唔係好歡迎佢囉，佢哋當然有好多選擇，當然香港只係其中一個選擇。」

    旅發局將於除夕舉辦大型倒數活動，包括一場約8分鐘的煙花匯演。旅發局指，除夕的煙花匯演將會出現多個心形，及超過160個笑面圖案，象徵2016年充滿希望活力，港島7幢建築物樓頂亦會發放許願流星煙花，製作費用約1,300萬元。中環、尖沙咀、灣仔多處當晚會分階段實施特別交通安排，維港海面亦會局部封閉。