王國興願情人節「通宵作戰」 張宇人：想攞我命
立場新聞 2015/02/05 11:33
立法會財務委員會續審議成立創新及科技局的撥款申請，建制派批評部分泛民議員拉布阻礙新局成立，當中工聯會王國興更表示，願意情人節通宵開會，「捨命陪君子」，更稱願於情人節當日和財委會主席張宇人「一齊作戰」，張宇人回應稱，「希望你唔係想攞我條命。」
王國興在今早的會議上向張宇人表示，除了通宵開會或剪布外，沒有其他解決拉布的辦法：
「邊個唔想情人節同自己最深愛嘅人過親密嘅一日呢？邊個都想！但邊個令到我哋情人節都不能夠陪自己情人呢？我相信全香港市民都睇到，係反對派陣營嘅議員囉！我願意情人節嗰日同你一齊作戰！你唔係我嘅情人，但係我哋被逼要犧牲情人節係冇辦法，所以如果有需要情人節開通宵，我都願意。」
直至人民力量陳志全提出休會動議後，王國興更拍枱批評，部分泛民議員每次都提休會動議，並作打油詩送給拉有議員：
「休會復休會，休會何其多，但求反對成，懶理浪費多。」
他最後在會上發言重申，要求張宇人通宵開會：
「...我認為你而家只有兩條出路，一係就運用主席嘅權力剪布，一係你就徵詢大家嘅意見，24小時、48小時、72小時馬拉松（開會）開落去！鬥下睇下邊個捱得掂！如果唔係都幾難剪布。」