【污篾李波偷渡嫖妓】吳亮星：公眾知情權，議員有責，分享消息冇話信唔信 李太：當港人白癡
立場新聞 2016/01/05 21:37
金融界立法會議員吳亮星，今午在立法會會議上引述「老朋友」短訊，指「五條書局友」（銅鑼灣書店失蹤五人）被傳先後分別坐「洗頭艇」，偷渡回內地宿娼嫖妓，被當場逮捕。吳傍晚接受港台節目電話訪問時稱，收到特別資料應該同公眾分享，作為議員有責任讓大家的知情權多一些，又稱「分享消息冇話信唔信」。
因為中午前收到一個短訊、或者傳聞或者消息咁呢，有老朋友，我相信佢都係想我哋知多啲嘢…（主持，是可靠消息人士？）既然有老友send消息，我有感而發，收到特別資料，應該同公眾分享，作為議員呢，有責任讓大家知情權知多啲嘢，好過聽任何一邊，是議員作為公眾人物應該做，本住一個大家一齊分享。
至於啱唔啱，正確唔正確呢，我後面有講，因為消息周圍來，有啲話畀公安帶咗上去，有話佢自己用自己辦法，又係一個消息，我剛才表達咗人哋提供消息，話坐洗頭艇…..佢如何離開香港，似乎消息紛紜…我冇一個消息能盡信，分享消息冇話信唔信。
（吳亮星）
明報報道，李波太太晚上主動傳手機信息給該報記者，回應吳亮星的「嫖妓論」，批評吳亮星污篾，保留法律追究責任，又指：「此人言論如此無恥出乎意料，在立法會這樣莊嚴的場合講如此不負責任的話，不要說嚴重傷害我，也當香港人白癡，有人會偷渡到大陸嫖妓嗎？」