民建聯幾時出特首？ 譚耀宗：總有一日
立場新聞 2015/02/06 16:42
民建聯主席譚耀宗相信，民建聯總有一日可有合適的特首人選。
譚耀宗今早出席商台節目《在晴朗的一天出發》，被問到民建聯何時會出第一個特首，他認為2017年條件未具備，但表示：
「嗱，我唔想立亂去講，如果我能夠畀到個日子你，話我心目中已經有個人，而呢個人可能10年後合適.... 我哋本來有個人，呢個人大家都討論過，呢個人叫曾鈺成，佢自己都有多少意願，但後來主動話...年紀問題唔再參與，所以我哋再諗嘅時候，可能要啲時間。我唔想講話5年後、10年後，不過我相信，總有一日，我哋希望，能夠有一啲合適嘅人選出嚟，畀香港市民去選擇，我哋認為佢係可以做到。」
至於民建聯的全稱是「民主建港聯盟」，節目主持問到民建聯在民主路上付出過甚麼，為港人爭取民主。譚耀宗未有正面具體回應，只稱很多人以為泛民才是爭取民主，但他認為泛民爭民主是「搞禍檔攤」，又強調：
「...有時有啲嘢，你知道我哋行緊一國兩制，唔係我哋自把自為鍾意做乜就做乜，呢度要清晰嘅個頭腦；一國兩制喎，香港唔係話你鍾意點就點喎；仲有憲制性文件係基本法，講晒寫晒落去，仲有啲嘢要中央批准，唔好當佢死。」