月底舉行的立法會新界東補選選情激烈，《蘋果日報》今引述自由黨榮譽主席、立法會議員田北俊表示，不會為任何人站台，但他估計，民建聯候選人周浩鼎會當選，因泛民「亂晒大籠」，不少民主派網民會改投本土民主前線梁天琦。

田北俊又大讚梁天琦的網上文章，「講嘅嘢亦都好有說服力，佢（梁天琦）係會影響到楊岳橋嘅票，如果楊岳橋輸，就係輸咗畀呢位梁天琦」。

田北俊指，曾獲民建聯邀請支持周，但他以沒能力為由婉拒，「我係冇能力叫佢哋（選民）支持泛民或者建制」，又直言「民建聯嗰啲蛇齋餅糭亦唔係我嘅強項」，又指「我係絕對冇能力去支持（民建聯）周浩鼎，如果有能力，我係絕對支持民建聯」。