曾鈺成：長毛好關心人 太太很快對他印象幾好

立場新聞 2016/03/21 08:06

    電訊盈科旗下免費電視台ViuTV，早前上載真人騷節目《跟住矛盾去旅行》的宣傳片，其中曾鈺成與梁國雄的一輯，備受網民關注。立法會主席曾鈺成在《都市日報》訪問中提到節目。他指出，ViuTV是在去年5月聯絡他，原定去巴西，但他認為嫌遠，梁國雄提議改去波蘭。
    曾鈺成說：「初時覺得OK，但後來一諗，若費用自己出，我為甚麼要『捱』長毛？不如和老婆自己去玩？」後來知道費用是由電視台支付，又擔心「瀨嘢」，涉利益衝突，「我諗諗吓，唔掂喎，攞商業機構着數，然後去幫他們做宣傳，分分鐘『瀨嘢』喎，長毛話，咁又係喎咁又係喎，於是推掉了。」
    其後，因電視台找了一個義工組織，請他們去當地做義工兼交流，旅程才成行，「我和太太一齊去，我太太很快就對他印象幾好，因為長毛很會關心人。」

    #跟住矛盾去旅行 曾鈺成 X 梁國雄 曾主席真係好貼心，去到波蘭都諗住買番梘畀長毛（真實動作）… 我覺得暖男應該係咁囉！唔知長毛又買咗啲咩禮物交換呢？ 不如4月6日一齊睇ViuTV一齊交換啦！ Leung Kwok Hung Jasper Tsang Yok-sing #波蘭 #ViuTV #免費電視99台 #4月6日 #全港收看 #唔駛機頂盒 http://www.viu.tv/

    Posted by ViuTV on Wednesday, March 16, 2016