李慧琼五斥反水貨行動「爛仔」行為
立場新聞 2015/02/13 20:06
立法會繼續辯論《施政報告》，民建聯李慧琼在發言時，批評反對派發起佔中，要脅中央政府，又指佔中後出現全面抗爭的新常態，稱有組織藉水貨客等引起中港矛盾事宜，發起光復行動，目的其實是針對內地遊客，影響商舖做生意。
她又5度以「爛仔式」行為形容反水貨行動：
「如果話水貨客或者自由行，影響居民生活，就可以用激烈行為回應，咁合法經營嘅商舖，以至正常購物嘅街坊，同樣會反問，唔通呢啲反水貨客嘅『爛仔行為』，就唔影響居民生活咩？
點解對社會不滿，唔係通過合法方式表達，要用呢啲『爛仔式』行為？而呢啲『爛仔式』抗爭，係有暴力化同常態化趨勢。我哋社會必須強烈譴責呢啲『爛仔式』嘅抗爭行為，因為呢啲『爛仔式』嘅抗爭行為對社會做成嘅傷害，係一步步將香港推向危險嘅地方。」
她質疑，「日日反水貨客，日日搞抗爭，凡事都係政治掛帥，香港經濟係咪就可以向前行？市民生活係咪就可以得到改善？」李慧琼警告，不好好用好背靠祖國的優勢只靠香港的單打獨鬥，要保持香港的競爭力只是痴人說夢，她又稱必須高度重視不斷被挑動的中港矛盾。
她強調，政治是妥協的藝術，互相尊重，才能變成共贏。