「係係係係唔合法嘅....」 署理行政長官曾俊華 口窒窒回應林榮基爆真相 拒用英文回答
立場新聞 2016/06/17 13:54
背景圖片來源：無綫電視片段截圖
銅鑼灣書店店長林榮基昨晚開記者會，大爆其在大陸被扣押的過程，又透露書店負責人李波之前雖稱自願由香港回大陸，但私下卻承認是在港被擄。署理行政司官曾俊華今日回應事件時，「口窒窒」地表示，港府一直嚴格按照一國兩制和《基本法》辦事，這點很重要，政府亦非常重視香港居民的人身安全。
他又重申，香港以外的執法機構在香港作出執法行動，是不能接受，會繼續堅決依法保障香港市民的權利和自由。曾俊華拒絕以英文重複上述回應，並轉身離去。
...我哋一直都係好嚴格咁按照、嚴格咁按照一國兩制原則同埋基本法，嚟處理香港嘅事務，呢個係、係係係係係重要嘅。
同我哋亦都要知道，喺香港以外嘅執法機構，喺香港作出執法行動，係、係係、係唔合法嘅，呢個都係我哋唔可以接受嘅。
我哋亦都再重申一點，我哋一直都係好、都係好、好重視，我哋非常之重視香港居民的人身安全。
咁我們亦都會繼續，我哋係堅決依法咁保障，香港市民權利，同埋佢哋嘅、同埋佢哋嗰個、同埋個自由。
（英文媒體記者以英語發問）
I'm not going to repeat that again in English. Ok? Thank you very much.