影射林榮基是「陳水扁兩粒子彈」　指反對派最想買起他　高志森：林榮基唔死冇用

立場新聞 2016/06/19 15:19

    銅鑼灣書店店長林榮基日前召開記者會，講述自己被大陸扣押的經過後，身在大陸的銅鑼灣書店店員及林之女友先後出來批評林說謊，而向來親建制的導演高志森，也在Facebook發文，揶揄林榮基及協助他的泛民議員，又稱「林唔死冇用」。
    他昨晚在Facebook分享林榮基相關新聞時，諷刺現在最想「買起」林榮基的是泛民，然後「徹底嫁禍呀爺」，以助選舉；又稱「林唔死冇用，佢嘅最後價值就最好係咁用啦」：

    嗱，電影情節就係咁度嘞：依家最想買起林嘅，正係反中亂港反對派一伙，包括林身邊佢口中最「信任」嘅「人」，咁就可以徹底嫁禍呀爺叻，選舉年喎，大家明啦，＂They cant kill us all！＂ 就成為選舉口號啦，對廢青嚟講，煽情又有效；林唔死冇用，佢嘅最後價值就最好係咁用啦，泉下有知，又做烈士了，應該冥目；阿爺要派特工來HK保護林條命仔就真，呢一齣係寫實嘅荒謬喜鬧劇。（PS.個劇本加埋感／姦／騙情線，不可少也！）
    （同場加映短片：「陳水扁兩粒子彈」～ 邊個信係國民黨射㗎？）