做創作，最愁無場地。有場地又太貴？飛雲！機會來了！

位於深水埗鴨寮街的咩事藝術空間，將於八月免費開放，歡迎「各路人士一齊上嚟揾尐嘢搞！」

「咩事」昨晚公佈，八月四至二十八日期間，將會舉行「暑期活動月」，邀請大家借場做自己嘢！至於做咩事？「咩事」的職員 Mary 向《立場新聞》表示，咩都可以做，嚴肅認真的座談會，或者輕鬆的電影放映，甚至 Pokemon GO 格鬥大會都無任歡迎。

「You don’t own the resource, you just keep the resource，正如水一定要流動。」早在空間開幕之初，創辦人之一的李傑形容，「咩事」是一場資源重整。Mary 解釋，「咩事暑期活動月」正是「李傑資源分配論」的產物。事緣，「咩事」下場展覽將於十月舉行，此前只會間中舉行工作坊，「都係照交租，與其放係度唔用，不如開放俾人用」。

Mary 又透露，現時已經有兩個項目「成功申請」，當中更有藝術家主辦的 speed dating。申請以先到先得的方式分配，過程絕無篩選，她直言：「唔揀，除非實行唔到」。有興趣者，無須長長的計劃書，只要簡單交待項目內容則可，聯絡可以 PM 「咩事」的 facebook 或者電郵至 [email protected]。