（以上為《現場 — 蘋果突發》facebook上載的片段，從P牌私家車的司機位角度拍得整場「脅迫」事件。）

大家好！
我是昨日早上P牌司機的車上乘客，
對不起！死者的家人，
請原諒我們未能第一時間將凶（兇）手繩之於法，
對不起！真的，我和朋友都活在內疚和自責中，
不停回想當時每一個細節，希望幫到警察拉人。
另外，各位網民朋友，對不起！
我非常明白大家對我和朋友當時的行為非常不解，會覺得我和朋友怕事、無腦、白痴⋯⋯等等，我非常明白，但希望大家知道，我和朋友都非常希望可以早日拉到人破案！我們都難過，亦非常自責！打這文不是想和大家吵架，亦無意批評任何人，只希望想解釋一些事比大家。
當時，我和朋友收工，經過案法地點，
我們不是見到撞車經過，
我地到既時候，
只看車電單車碎片和正著火的7人車，
朋友見到好驚有人有事，
希望幫手救人，
佢就真的天真到以為佢可以幫到手，
之後我們見到7人車有人落車，以為他想我們幫手救人，
點知佢就強行拉開門上車，（朋友的車無auto lock,亦因工作經常上落車習慣無鎖門）
然後就話自己係“和勝和”要我地車佢走，
這時，我們才知他是有心逃走的嫌疑犯就在這點，
我知道大家都會有好多方法，
“拎車匙落車” “車佢去差館”⋯⋯等等，
但希望大家明白，
我們是被一個自稱黑社會，比我們強健高大的嫌疑犯，
在高速公路上強行上車（不是我們開門），
我和朋友都非常危險，如果是在普通街道上，
當然立即拎匙落車跑走報警，
但我們在高速公路上，我朋友只是個大約110磅的男生，
我們自問不能制止佢，如果我們落車，估計嫌疑犯會強搶，最怕他有武器，到時會否又多一兩名死者呢？
於是我們無奈開車，短短幾分鐘的路程，
我和朋友心裡有一千次一萬次想過將嫌疑犯制服！
希望大家明白，我身後就坐著一個殺人逃走的人渣禽生，
有咩事，佢為左走，乜都做得出既人渣，
如有任何事我們都可以在公路上無命，
我們的確好想好想制服佢，但無奈我們真的無能力！
我們只是兩個工作了廿小時未訓過的普通市民，
不是超級英雄，我們也有家人，
試問我地可以點？
我都好自責自己就是在這刻是如此渺小，
點解我不能勇敢反擊？
咁多個鐘頭我都不停重複問自己這個問題！
但事實就係，我地無，我地怕！
於是個人渣係青衣落車，
我只好立即報警，無奈佢已經逃走，
對不起！
我們的的確確看著他走。
對不起！
之後，記者瘋狂影相，
出了我朋友的樣出了車牌出了住址，
段車cam只得警察有，但都出了街，
但個嫌疑犯係仲未拉到，而我們是唯一同佢有接觸的人！
再者就是網友的辱罵，我不是想說大家不是，
只希望大家明白，我朋友只是出於好心，
他就是如此單純希望救人，真的沒想到會變成咁，
希望大家手下留情！
請我的朋友不要因想幫我們而與別人罵戰，
我只希望解釋比大家知整件事我們的苦衷，
希望大家放我朋友一馬！