【藝發局選戰】年逾80費明儀競連任為感情 贊同傳承支持周博賢參選
立場新聞 2016/11/05 18:53
藝發局委員選舉音樂範疇，「樂壇長毛」周博賢挑戰廿年元老費明儀。今日選舉論壇上，費明儀稱再戰藝發局是出於感情，同意應由年輕人接班，又表明支持周博賢參選，更直言如果對手當選「我會好開心㗎，咁你就是接班人囉」。
自藝發局成立以來，歌唱家費明儀藝術一直出任音樂範疇委員，至今已逾廿年。今屆選舉周博賢挑戰其元老地位。業界一度傳出費明儀放棄連任的消息，但最終年過八十的費明儀還是繼續競選，更有指是因為周博賢出戰，而受到業界朋友勸選。
今日舉行的選舉論壇，二人首次正面交鋒。費明儀解釋，藝術發展不斷推陳出新，競逐連任是出於一份感情，「習慣咗過去二十年都去藝發局開會，唔捨得，仲有好多嘢都未做」。費明儀稱，不但表明支持周博賢參選，更一度表示若對手當選，「我會好開心㗎，咁你就是接班人囉」。
費明儀：我係唔捨得，但唔緊要，我好支持你參選呀。
（全場大笑拍手）
周博賢：支持就記得投得我一票喇。
費明儀：如果你選到，我會好開心㗎，咁你就是接班人囉。
（全場大笑拍手）
周博賢：既然費老師咁支持傳承，咁大家就投票俾我做接班人喇。
費明儀：都係幫我囉。只要對音樂、文化、藝術有這份善意和真心，邊個做都好。你做？好呀，應該係由年輕人接班嘅。但我都覺得我好年輕呀，因為我思想永遠都年輕呀。
周博賢：我雖然相對年輕，但我思想上係成熟㗎。