闖機場野豬女 漁護署指嚴重受傷 已「人道毀滅」
立場新聞 2016/12/21 14:47
機場特警用盾牌制服野豬（無綫新聞片段截圖）
一隻雌性野豬昨午闖進赤鱲角機場，結果被機場特警用盾牌制服，當場口鼻淌血。漁護署發言人今確認，野豬接受檢查後，發現嚴重受傷，不能站立，昨晚已被人道毀滅。
漁護署發言人回覆《立場新聞》查詢指，署方昨午派員到機場處理野豬，其後將受傷野豬送往新界北動物管理中心，接受獸醫診治。獸醫檢查過後，發現野豬嚴重受傷，主要受傷位置為兩隻後腳腳蹄，不能站立，昨晚已將野豬人道毀滅。發言人指，署方會向機管局和警方了解有關情況。
昨午約2時，該頭雌性野豬於赤鱲角機場出現，在停機坪狂奔，機場特警持盾牌追捕，野豬終被按在地上，口鼻淌血。及至傍晚6時許，於機場碼頭對出海堤，出現另一隻野豬，警方等前往欲捕捉野豬時，野豬跳海逃走。
就野豬被人道毀滅，網民有不同反應：
- 就呢件事，我打過去機場特警了解，換嚟嘅係cut線。
然後我打去警察投訴科開file, 投訴佢地使用過度暴力對待動物。該女警態度係十級惡劣：吓！野豬！ 你喺邊度睇度d圖， 咁又點？ etc， 不斷對本人呼喝。
- 吓！不如你示範下點樣溫柔地捉隻野豬先啦！
- 行錯路都要死 >.<
- 都話啦，有邊次唔死。次次都打橫出。動物無辜呢！