係咪我眼花？《怪獸公司》入面，阿 Boo 嘅玩具有《海底奇兵》阿 Mo 仔嘅？

唔少 Pixar 動畫迷都曾經懷疑過，明明自己睇緊一套新作品，但好似搵得返啲舊角色咁。唔洗懷疑喇，《反斗奇兵》個 facebook 證實咗—真有此事！！！

《反斗奇兵》的 facebook 專頁，今周突然大放彩蛋，上載一條兩分鐘的串燒短片，點出 Pixar 十七部作品中，其實套套都「藤㨢瓜瓜㨢藤」！

近作《玩轉腦朋友》阿樂係大銀幕入面，搵到 Riley 同《恐龍大時代》的戟龍雕塑合照嘅片段；《恐龍大時代》的主角雷龍阿勞，又化身成《反斗奇兵》入面嘅玩具恐龍......一環扣一環，總有一節勾起你童年偵探嘅回憶～

片段上載未夠一個星期，已經播放超過一千萬次，11.5 萬個讚好，超過 14 萬 share。你仲未睇過？即刻去片！