港鐵拍片籲放下背囊變公關災難 網民轟離地擬「齊拖篋」抗議
立場新聞 2017/03/07 13:25
港鐵一向有車廂擠迫問題，公司日前推出短片，呼籲乘客上車時放下背囊，以免碰撞其他乘客，卻惹來網民猛轟，質疑是港鐵管理層「堅離地」、「孭個背囊都要畀人批鬥」，更有人指問題出於太多人搭港鐵，有網民稱計劃發起「戒背囊、齊拖篋」行動抗議。
港鐵接受本網查詢時表示，正在跟進事件。
港鐵本月2日於Facebook專頁發布長一分鐘的短片，指乘坐港鐵最怕碰上「孭嘢人」，形容背囊客有如「後波碰碰車」，又會「左擰右擰」、「不動如山」，呼籲背囊客「孭起放得低」，在車廂中放下背囊，避免碰到其他乘客。
短片惹來網民猛轟，有網民指出有乘客拖篋問題更嚴重，阻礙更多空間，「拖晒大喼亂撞人又唔話」，批評港鐵管理層離地：
- 走水貨成棟貨上車嗰d你唔講！！背囊點都唔夠拖喼嘅阻掟！！！！！
- 你唔整短片去閙班拖喼黨，拉車仔黨，bb車黨而走去歧視孭背囊？？？無野呀？？個背囊點嘅空間都大唔過前面3様野呀！！！ ＃地鐵公開歧視孭背囊
- 東鐵拖喼又唔見你叫佢地識do？？
- 後生唔單止唔畀坐，連孭個背囊都要畀人批鬥？
- 請MTR高層唔好咁堅離地！得閒搭吓火車，就知「孭嘢招式」高手一定唔及「行李車仔購物袋」高手咁橫行！
著名博客林忌昨於Facebook專頁指，「為保障各位有需要孭背囊的香港人」，呼籲大家改用行李篋，計劃發起「戒背囊、齊拖篋」行動，「奉港鐵呼籲：戒背囊，齊拖篋，迫爆港鐵！」