政綱未提《檔案法》　曾俊華稱寫唔晒　強調不會向傳媒發律師信

立場新聞 2017/03/10 11:59

    香港記者協會今早舉辦特首選舉候選人交流會，三名候選人前後腳出席；被問到為何政綱未有如其他候選人寫入檔案法，特首參選人曾俊華稱，「我頭先都講，嗰個係我承諾，我會去做。」但他指政綱太多內容「寫唔得晒」。
    他稱，一直覺得應該去做，「（點解唔放落政綱）我本來個政網有200頁，我本來諗25頁至30頁應該夠，而家都有75頁，所以都係寫唔得晒所有做的事情，真係好難。」
    對於開放網媒採訪權的問題，曾俊華稱應該要制度配合，「開放程度一定要高。」
    主持人區家麟問，曾俊華會否為網媒爭取進入三月底的特首選舉會場，曾俊華指這不是他們候選人的決定，或許更好的做法是記協可以向政府反映。曾俊華同意媒體環境已經改變，要找出公開、公平、公正的方法，如何容納不同的網媒報道。
    被問到特首梁振英屢向傳媒發律師信一事，曾俊華重申自己在政府三十多年都沒發過這種律師信，「我係唔會做呢啲事」。
    附：曾俊華談檔案法節錄

    主持：你認為《資訊自由法》同《檔案法》應否立法？

    曾俊華：…我覺得呢兩樣嘢都係重要，我一直覺得政府要有高透明度，當（法改委）做完研究、公眾諮詢，就會開始立法工作。

    主持：咁點解政綱唔清楚呢？

    曾俊華：我有寫過，你留心啲啦。

    -半小時後-

    觀眾：另外兩位候選人（政綱）一開始就有檔案法存在，但睇返你成份政綱，都見唔到曾生有講《檔案法》，係咪有其他嘢優先過呢件事，所以冇包含落政綱？

    曾俊華：嗰個會係我嘅承諾，我會去做…本來我政綱差唔多二百頁，而家都七十五頁，寫唔得晒要做嘅事情。