仲捉緊 Pokemon 儲緊小精靈嗎？日本今期流行係「渠蓋卡」（マンホールカード）喎！

日本渠蓋彩繪已經不是新聞，大家旅行時都不忘去打卡影相呃 like。然而，日本人的創意是不會因此而停止的，自去年 4 月為這些渠蓋彩繪製作閃卡，今個月更推出英文版，方便海外朋友加入一齊玩！

日本下水道協會旗下的「下水道宣傳平台」（GKP），去年與玩具生產商合作，推出首批 30 款「渠蓋卡」，提升市民對於下水道系統的關注，並由地方政府的污水處理設施定期免費派發。渠蓋卡設計一點也不馬虎，正面是渠蓋彩繪的相片附位置，背面則仔細介紹彩繪的創作意念；並按照渠蓋圖案分成「花」、「鳥」等不同系列。

渠蓋卡自推出以來深受日本民眾歡迎，先後三次加推新作，現已組成全套 170 張的規模。當地人不但用卡片簿好好收藏，十足儲閃卡一樣；不少人更在網上拍賣交易，換取心儀的渠蓋卡，力求最快儲齊一套。

今年 4 月，GKP 更推出英文版，歡迎不諳日文的海外朋友一同參與。下次去日本，你有新手信喇！（不過提提你，每個派發點，每一人限取一張咋～）