「我淨係想要波波波波波波波霸，就算你冇你冇你冇你冇珍珠奶茶～」獨立唱作歌手 Serrini 的《蘇菲亞的波霸珍珠奶茶》如是唱。波霸珍珠奶茶，你未聽過都應該飲過～用佢嚟做藝術展，你又點睇？

受到去年美國紐約雪糕博物館（Museum of Ice Cream）啟發，兩名華裔女子決心做一場珍珠奶茶的藝術展覽，介紹返呢個「亞洲特色嘅飲品」。

珍珠奶茶在香港當然流行，但美國卻不是人人聽過飲過。現居美國的華裔女生 Yanz 認為，珍珠奶茶和雪糕同樣是日常甜點。如果雪糕可以做博物館，點解珍珠奶茶唔可以搞展覽？Yanz 與拍檔 Iris 即將於周末在紐約 Open Space Gallery 舉行一場題為「The Boba Room」的裝置藝術展覽。現場放滿彩色汽球，象徵「珍珠」，營造出觀眾猶如置身珍珠奶茶之中的感覺。另一方面，她們亦邀請台灣藝術家 Melody Shih 製作一幅彩虹珍珠牆，以及澳洲藝術家 Natalie Jarvis 為珍珠奶茶創作霓虹裝置。

一場關於珍珠奶茶的展覽，點可以有得睇無得飲？五間當地台式飲料店將會在展覽期間，輪流當值出售珍珠奶茶，實行軟硬兼施推廣亞洲飲食文化。作為主辦方的 Yanz 信心滿滿，並向 amNewYork 說：「珍珠奶茶好紅㗎，喺亞洲簡直係 iconic，但我覺得佢可以再 spread 多啲！」