《話你戇鳩怕你嬲》創作人新歌　哀香港「只得出機與買樓」太荒謬

立場新聞 2015/03/30 16:49

    近日多份報章以大篇幅報道一些年輕人「死慳死抵」終儲夠錢「上車」買樓的故事，成為網民熱話，主要原因是以香港如今的高樓價，大部分青年如果自己儲錢而不靠父母，都需要過著非人生活。憑一曲《話你戇鳩怕你嬲》撐佔領運動而爆紅的創作人David Cheang，近日就此創作新曲，諷刺青年為買樓「上車」而虛耗人生的悲哀。
    他在歌中高呼「這世界太荒謬／你比佢玩撚夠／沒有樓／沒有以後／靠食屎去打救／食夠三餐／份首期就儲夠」，並質疑港青「誰人為了生活／連應珍惜的都已失去」。David昨日在其個人Facebook分享此曲，一眾網民大表共鳴和感動，有人表示「點解拿左我個故事來寫歌唔話我知」，有人稱讚「唱得好！唱曬港人心聲」，有人更指「心聲，睇L到想喊呀diu」、「sad but true」、「又一笑中有涙之作」等。
    David Cheang昨日在Youtube上載歌曲《這世界太荒謬》時，在簡介中表示：

    「之前睇到篇新聞，講一對80後新婚夫妻點樣買到樓，行路返放工，午餐食塊麵包就算，拍拖就去公園。

    凳佢地開心的時候，我係到諗，當你一心只為左買層樓而生活既時候，你失去左既野既價值可能遠遠大過你層樓。

    有ｄ野，你仲可以等，但好多野，你冇左，甘就一世，冇得話等你買好樓先再慢慢享受，青­春係甘，人生都係甘。我絕對唔係話，『屌人生得意須盡歡，買乜撚樓呃!?』

    年輕既時候為將來打算係必須而且重要既，樓，係要買既。

    要諗既係，一橦樓值得你犧牲幾多？」

    《這世界太荒謬》歌詞：

    同學們聚首 屌點解會有個白粉友
    睇佢皮黃又骨瘦 瘦撚到風都吹得走
    原來為層樓 去咗山西賣賓周
    嘩你咁撚樣賣埋粒睪丸都未必夠

    我們每天奔波 一心想得到幾多
    看誰衝衝跑過 沒有看到失去更多
    這世界太荒謬 夢想太罕有
    大概在這個城市 只得出機與買樓
    這世界太荒謬 你比佢玩撚夠
    沒有樓 沒有以後 靠食屎去打救
    食夠三餐 份首期就儲夠

    慘在你仲有個女朋友 話買唔到樓就分手
    拎住支青島你望唔透 要尊嚴還是自由
    唉屌 娛樂從來沒有 日日喺屋企J女優
    何故當天不羈的心 今天竟變了柒頭

    我們每天奔波 一心想得到幾多
    鳥兒太想高飛 無奈卻已滿身枷鎖
    Wohoo 這世界太荒謬 夢想太罕有
    大概在這個城市 只得出機與買樓
    這世界太荒謬 你比佢玩撚夠
    沒有樓 沒有以後 靠食屎去打救
    食夠三餐 份首期就儲夠

    誰人為了生活 連應珍惜的都已失去
    人生於追趕中一點點的消散風裡

    世界太荒謬 夢想太罕有
    問個五歲小朋友 佢想買樓養番狗
    十年後你我惘然回首
    大概今天想得的已盡有
    但空虛 揮不走 每夜看星宿
    何故已隊三支啤酒仍未夠