批狀元全讀醫　林作再解釋：如最叻的人走出嚟，不論幕前或政界影響社會，香港好好多

立場新聞 2017/07/13 13:13

    曾在英國名校留學、早前由大律師轉做補習導師的林作，昨日「爆粗」批評文憑試狀元「全部都TMD話要做醫生」，惹起爭議，他今天再於facebook專頁表示要「再一次解釋我十分堅持嘅呢個睇法」，他寫道：

    「我斗膽講句，如果啲班最叻嘅人走出嚟，幕前又好，政界又好，去影響呢個社會，香港社會係好好多，我係想講香港嘅人力資源配套係錯咗。有人話我講呢啲嘢係呃like，得鬼閒咩，我使做呢啲嘢？有咩好處呀，可以令到社會引發呢個辯論嘅，呢個就係有個價值喺度囉，我唔係偽人，虛偽個偽」

    林作昨日批評六名文憑,試狀元「全部都TMD話要做醫生」，「只懂得選擇做律師或醫生嘅人，也只係narrow-minded嘅讀書機器，難有大成就」，「期待尖子懂得跳出框框對社會真正做出更大貢獻、發揮更大影響而唔係自慰式（masturbatory） 咁埋首喺自己狹窄專業世界嘅一日」。