傳維基買亞視 阿叻：我都希望朋友發達 遺憾不能跳糟
立場新聞 2015/03/31 22:05
王維基申請免費電視牌照多年，無綫老將「阿叻」陳百祥多次出言揶揄；今日傳出王維基將收購亞視，阿叻則「大方」予以祝福，更指自己「希望佢打出一番功業，我係真心祝福佢」，又可惜自己「唯一遺憾係我唔可以跳糟」。
《蘋果日報》引述陳百祥今日表示：
「恭喜王生，深慶得人，佢咁想做嘅人，又有熱情同動力，我都希望朋友發達，多個人競爭，呢行多人搶，自然身價高，而且佢又有本去做，我都希望佢打出一番功業，我係真心祝福佢，唯一遺憾係我唔可以跳糟，我嘅合約係無年期，我嘅心同身都支持佢，開台都會過去同佢飲杯，只係唔可以出鏡。」
2013年11月，網民發起「熄電視日」，呼籲全港市民於11月19日無綫台慶當日罷睇電視；陳百祥其時表示，不相信行動會有任何威力，揚言「如果可以熄到得番兩、三點（收視），我就跪喺度，一路由將軍澳跪返屋企啦。」台慶後他接受電台訪問時稱，之前他有關台慶收視的挑釁言論，是刻意引人注意台慶夜，一些負面傳媒都用頭版報道他的囂張言論，他已達到目的。
日前，陳百祥在電台評論港視在網上播放劇集的做法：「其實一間酒樓未發飲食牌照，咁快拎點心出嚟俾人食？點食？」，後又在電視節目中補充：「你未有牌，連大牌檔都無，你就炒哂啲嘢出來。」