「神奇小子」曹星如（Rex）上周六大戰日本前WBA超蠅量級世界冠軍河野公平，賽事成為全城的焦點。Rex賽後興奮地將拳套拋給現場觀眾，豈料該拳套其實是要交予負責直播的香港寬頻作大抽獎之用。尤幸工作人員最終成功尋回兩隻拳套，曹星如則為事件致歉。

負責直播今次賽事的香港寬頻，舉辦了一項抽獎活動，稱將會送出Rex賽事中使用過的拳套，並聲言：「無價紀念，打完即入箱。」不過Rex勝出比賽後，未知是否太過興奮，一手就將拳套拋向觀眾席，答謝拳迷支持。

不少網民見到這一幕都大食「花生」，等睇香港寬頻的公關如何應對，「公關塊面即刻黑過關公」、「又一場關公災難」、「唔攪抽獎又死，抽左又死…點算好呢！」

香港寬頻昨日在FB發文，稱當時目擊曹星如拋走拳套時，「我哋都畀佢呢下忘我嘅moment 嚇到一額汗」。工作人員隨即衝往觀眾席，最終幸好尋回拳套：「真心係度同嗰位本來執咗對拳套嘅師兄師姐講聲唔好意思，亦都多謝你哋願意交返拳套出黎畀大家可以繼續參加大抽獎！」

曹星如事後亦在Instagram發文，稱當時並不知道拳套要留作抽獎之用，就此向香港寬頻方面道歉：「我要同@hongkongbroadband講聲唔好意思，我唔知道個拳套原來係要拎黎抽獎，sorry呀。」