馬恩國：願效岳飛 做保家衞國嘅擦鞋仔
立場新聞 2015/04/08 13:36
澳洲籍「爆粗大狀」馬恩國，提倡在港立「反港獨法」，更自比岳飛，聲言自己「甘願同岳飛一齊，做個保家衞國嘅擦鞋仔」。
馬恩國今日接受港台《千禧年代》電話訪問，與法律界立法會議員郭榮鏗就「反港獨法」辯論。郭榮鏗認為，有關討論應按23條的框架在本地層面討論，香港本地有立法的權利與空間，毋須上京，形容訪京團不尊重《基本法》，「擦阿爺鞋」。
對此，馬恩國這樣回應：
「可能郭大律師唔了解，宋朝有個大將叫岳飛，佢阿媽喺佢背上刺咗精忠報國四個字，佢後來為宋朝抵禦外敵，保護宋朝國土完整、國家統一，如果你認為岳飛係擦鞋仔，擦宋朝嘅鞋，咁我甘願同岳飛一齊，做一個保家衛國嘅擦鞋仔。講完。
…（主持：宋朝未有一國兩制概念喎？）但係宋朝都要保家衞國㗎？香港仲唔係中華人民共和國一部份？」
馬恩國認為現時港獨情況「猖獗」，港獨言論尚可，但付諸行動者應該被捕。主持指出，警方現時亦可引用現有法例，拘捕「破壞社會安寧」的佔領者、示威者，馬恩國則表示，「但係（現有條例）最高刑罰都係5年，（反港獨法）最低刑罰都五年呀。」