立場新聞 2015/04/25 15:52
你話國際標準,咁邊個國家嘅標準?地球嘅標準呀?打個比喻,我度笑話嘅,我度咗個笑話講俾你聽,你話唔好笑,我再講你又話唔好笑…等如我講乜嘢你都話唔好笑。好輪到你講,「哼」,咁你唔好哼我先得架,咁你咩唧?「我要真笑話,你嗰啲係假笑話」咁咩係笑話呢,「欸」,唔好「欸」啦,「國際標準囉」咩係國際標準呢? 你唔好講廢話啦,「我要真笑話」、「我要真愛」,hahahaha,咩叫真愛呢? 到到都有愛,點解你把口嗰啲先叫真愛。你要真普選,乜嘢叫真普選,你又攞唔出(方案),喺到念口簧,...(古怪表情+怪叫)...都叫咗幾年啦,你又冇橋,唔好玩啦,好似細路仔玩泥沙咁。