《東張西望》派藝員赴尼泊爾採訪災情

立場新聞 2015/04/30 20:34

    無綫娛樂資訊節目《東張西望》，派出主持及攝製隊前往尼泊爾首都加德滿都，報道災區情況。據無綫新聞部員工透露，無綫新聞部本身反而沒有派出任何記者或攝影師前往當地。
    《東張西望》的外景記者大多未曾受過新聞訓練，多為無綫藝員；黃耀英出身第26期無綫藝員訓練班。他身穿印上無綫標誌的風衣在加德滿都採訪，透過長途電話報道當地情況，他講述災情：

    「（市中心）本身就有好幾座廟喺度嘅，但係而家呢就大部份都冧咗啦，變成一個小山丘咁樣，泥呀同埋石。咁呀，好多人就喺度，好努力咁，er，幫手清理緊、搶救緊，咁但係佢哋嘅方法就比較，er，簡陋啦，er，石頭要一對手一對手咁樣pass去、去、去個地方啦，同埋一啲比較重嘅嘢，佢哋就會攞條繩去紮起佢，然後就幾廿個人咁樣，有啲人直程係冇手套甚至冇口罩，著住對拖鞋咁樣一齊去拉囉，吓。」

    黃耀英又訪問了當地災民，引述他們現時的苦況，有災民向他表示，當地物資極為短缺，26個人要一同睡在一個3米X2米的營帳內。黃耀英又指，有災民表示上一次拿到食物是在前日，只獲派一、兩個即食麪；主持追問是否「攞到一個麪要食足兩日？」，黃耀英回答「係呀，都係㗎」，指災民希望政府盡快派發更多物資。
    主持叮囑黃耀英等人「喺嗰邊萬事小心」後，長約2分的報道結束。
    尼泊爾大地震最新死亡數字已近5,500，世界各地都派出救援隊及醫療隊，及大量物資協助救援，首都加德滿都的機場規模太小，只有一條大型飛機無法降落的跑道，無法負荷；《時代》雜誌引述救援組織呼籲，有意協助災民的人士，應考慮捐款，而非捐贈物資或親自前往尼泊爾。
    empty
    圖：《東張西望》截圖
    empty