吳亮星：中央是老母，幫香港人揀老婆為你好
立場新聞 2015/05/07 11:33
行政會議成員陳智思日前與政府官員落區宣傳政改，到酒樓派發政改宣傳單張，被女茶客反問「如果你太太係中央幫你娶嘅，你如何？」陳智思當時回應，「其實即係等如阿媽幫我揀。」吳亮星今早在立法會2017年行政長官產生辦法方案小組委員會會議提到此事，認為陳對中央「有個互信」，並對在座的泛民議員稱，「而家母親節就嚟，我哋信唔信媽媽㗎？信媽媽嘛，媽媽想大家好㗎嘛。」
吳亮星發言節錄：
「陳智思落區時，有人問到，中央同你選個太太係咪點點點；陳智思答得好好， 佢話如果我認為這個係我媽媽。嗱，佢有個互信的問題。
好多朋友聽到，都覺得佢好互信，信得過中央唔係想香港唔好，中央係想香港好的，咁咪即係媽媽那樣的心態。而家母親節就來，我們信不信媽媽？信媽媽嘛，媽媽想大家好㗎嘛。
媽媽想大家好點會…？就算如果真係佢同你揀個老婆呀，又如何？ 不嬲幾千年都有這情況，不過而家更自由啦，呢個就係邁進了一步。」