【懷仔事件】大成小學遭貼「賣港」標語 女生哭訴：點解要貼呢啲嘢呀？ 校方被指龜縮有責
立場新聞 2015/05/23 16:44
女小學生，在貼滿標語的大成小學問前哭訴。 （蘋果動新聞截圖）
【下午5時50分更新報道】
香港本土力量、熱血公民等組織的數十名成員，今早到工聯會立法會議員陳婉嫻的黃大仙辦事處，抗議她協助聲稱來港九年的12歲無證男童肖友懷（懷仔）爭取居港權，示威者之後到孔教學院大成小學，抗議校方日前表示，如肖友懷取得證件，願意安排他入學。據蘋果日報即時新聞拍攝到的片段，一名大成小學女學生見到學校遭針對，在貼滿標語的學校門前哭訴「點解要貼呢啲嘢呀？」。
女學生在門前哭訴：「點解呀？我哋學校一路淨係想畀啲新嘅同學知道知識，個個人都唔知道……犯咗法又點喎！點解要貼呢啲嘢呀？ 」
有人在社交媒體分享一名在現場採訪的記者的facebook留言截圖，細述小學女生哭訴的前因後果，認為校方處理失職，沒有保護學生：
臨走前遇到妹妹哭訴，作為記者我有以下觀察與感想。
首先，我理解妹妹嘅說話係「點解啊？我哋學校一路係想畀新既同學知道知識，個個人都唔知道…犯咗法又點喎！點解要貼呢啲嘢呀？ 」
細路女喊緊，遣詞用字唔會好準，我理解佢係覺得即使有人犯法，學校都唔應該畀人咁貼。佢只係一個小學生，愛錫學校，大家冇必要聚焦「犯咗法又點喎！ 」一句不斷攻擊。
其次，我覺得學校處理示威完全失職，示威者散咗後，最先清潔學校牆壁的人，係由外面走來的幾個小學生，係佢哋自發向傳媒投訴，係佢哋逐張貼紙撕走，而呢件事應該校方做，點解由小學生挺身而出？
示威者散哂後，我拍校門想搵負責人回應，完全冇人敢出嚟，只搵咗校工幫手清潔。如果要譴責，我覺得校方冇慎重理解肖友懷單案有幾敏感，亦冇保護好學生。