雖然各大手機廠玩直身手機都玩咗好多年，不過直身機向來都有批固定嘅捧場客，睇睇SonyEricsson嘅T系列賣到通街都係就知，所以「美貌與智慧」並重的直身機都一樣可以賣到成行成市。而三菱以往亦有推出直身彩芒機，不過今次新作M350唔單止外形令人煥然一新，機身體積更大大縮水，亦首次於直身機上加入影相鏡頭，大有延續M720的強勁氣勢！

<spanclass="arttextboldbig"><fontstyle="color:orangered;">5MB容量任你影  之前三菱的M720及M750的30萬像素鏡頭，質素令人留下唔錯印象，今次M350雖然「由攣變直」，但係質素一樣Keep得到，反應夠爽夠快，加上機側有影相掣，話影就影。 效果方面就略微顏色較淡，26萬色彩芒似乎仍有改進空間。而睇相可以以四格顯示，搵相亦相當方便，若果想同朋友分享相片，M350亦支援紅外線、MMS及電郵傳送，簡單方便之餘唔會玩「自閉」，最緊要係內置5MB記憶體，唔怕影影吓就要畀部機嗌「Cut」！今次M350水貨開賣價為$2,480，唔單止有26萬色彩芒及30萬像素鏡頭，加埋32和弦、GPRS、Java、MMS等，若將功能與價錢掛鈎，M350相信係今期抵玩之選！

<spanclass="arttextboldbig"><fontstyle="color:orangered;">1.9吋大靚芒  M350風格有別於三菱以往嘅手機，銀色機身搶眼之餘亦令成部機升格唔少，而差唔多佔咗整部機一半面積嘅26萬色彩芒，足足有1.9吋大，無論睇相或者選擇功能，都更加順眼。 雖然彩芒已經佔去一半機身，鍵盤亦理所當然被向下「壓縮」，不過開講都有話「按鈕大大粒、好㩒唔會甩」，所以㩒掣手感就相當唔錯，起碼手指唔會迫住迫住玩打交先。若果有玩過M720或M750嘅用家，相信拎起M350嘅時候都唔會陌生，因為由介面以至操作設定，都同M720及M750一樣，全圖形操作介面，就算新手都唔使喺度盲摸摸。

<spanclass="arttextboldbig"><fontstyle="color:orangered;">Profile  制式：GSM900/1800雙頻 顯示器：26萬色/128×160像素/TFT 鏡頭：30萬像素 功能：32和弦、GPRS、MMS、Java、WAP 備用時間：70至250小時 通話時間：180至300分鐘 體積：107×47×20mm 重量：99g $2,480  全新世界 電話：27872282

<spanclass="arttextboldbig"><fontstyle="color:orangered;">齊齊來搵「直」  直身機由來已久，不論大大細細手機廠商唔多唔少都總有兩三款直身機，再加埋內置影相鏡頭亦唔係難事，想搵直身影相手機，唔怕冇得揀，最怕揀到煩！

查詢： （a）第一網絡（26289090） （b）全新世界（27872282）

當年今日