<spanclass="arttextboldbig"><fontstyle="color:darkblue;">加多$12,800玩變身  原屬Facelifted新版嘅本田StepwgnSpada，一直走年輕買家路線，但如果重係覺得佢稍欠一份跑味的話，咁就不妨花多$12,800（未連稅），加裝一套原廠Modulo跑車包圍（包括頭尾泵把連擾流器、車身兩側裙腳）、電鍍門邊鏡及電鍍車門把手，再襯埋車身貼紙（須自行購買）、四輪16吋跑車合金胎軨及車尾定翼，望落登時係咪好有東瀛暴走族Feel呢？

<spanclass="arttextboldbig"><fontstyle="color:darkblue;">坐滿8個都唔迫  雖然外觀上變得好跑，但車廂內依舊保留有闊落車廂空間，喺三排以高級真皮鑲嵌而成嘅座椅配合下，乘坐既妥貼又舒適，就算坐滿八位乘客都未覺擠迫，遇有需要時，座椅又可覆摺放平，以增加尾廂載物容量，又或者係營造出一張闊大嘅卧鋪都得！ 設備配搭方面，除備有高級音響及原廠恒溫冷氣連後排送風口外，重有齊冷凍儲存櫃、左邊電趟門、前後雙天窗、門邊電鏡連電摺功能、車門電窗等等，用落方便又容易，當然唔少得重有車廂周圍都係嘅桃木修飾啦！

<spanclass="arttextboldbig"><fontstyle="color:darkblue;">2.4公升偈慳油夠力  由於今次用作試車嘅StepwgnSpada係屬於至頂級嘅2.4Deluxe型號，故此係以一台2.4公升直4DOHC引擎作骨幹，喺本田獨有嘅i-VTEC技術輔助下，慳油好力，再配埋套5前速自動波箱，性能表現自然有番咁上下。同時，由前輪麥花臣支柱及後輪雙搖臂組成嘅懸掛系統，喺四輪16吋輪胎相互配合下，咬地同穩定性都一樣咁好㗎！

<spanclass="arttextboldbig"><fontstyle="color:darkblue;">HondaStepwgn Spada2.4DeluxeProfile  引擎：2354cc直4DOHC 馬力：162ps/6000rpm 扭力：22.4kgm/3600rpm 傳動：5前速自動波，前輪驅動 懸掛：（前）麥花臣支柱 	（後）雙搖臂 制動：（前）透氣碟 	（後）碟式（ABS） 輪胎：205/55R16 尺碼：4680×1845×1725mm 軸距：2805mm 平均耗油：11.2km/L 車輛提供：合群汽車（23802231） 新車售價：$269,880（標準版）

<spanclass="arttextboldbig"><fontstyle="color:darkblue;">其他MPV推介  豐田Previa  售價：$291,600（8座位） 有MPV長青樹美譽嘅豐田Previa，其有如子彈般嘅外形已深入民心，加上備有七座位及八座位版本供選擇，絕能迎合不同用家需要；當然一台輔有VVT-i技術嘅2.4公升引擎，亦有慳油好力嘅表現！

萬事得MPV  售價：$263,900 與豐田Previa一樣，於較早前推出Facelifted新版嘅萬事得MPV，不但賣相變得更富跑意，車廂設備亦見豪華實用，代理方面更於早前推出加裝DVD影音系統嘅特別版，以增強競爭力。

日產Serena2.5  售價：$249,800 經過大變動嘅日產Serena，除外觀及車廂布局與舊有型號有頗大分別外，而且重擁有一個闊落嘅車廂空間，從而為乘客營造出舒適嘅乘坐空間；另外，佢重備有同級至強嘅2.5公升引擎，務求迎合不同用家需要。

當年今日