<spanclass="arttextboldbig"><fontstyle="color:darkred;">賣相突出有新感受  往年，日本三菱車廠推出全新Airtrek車系，有不錯嘅口碑同反應之後，早前佢哋重推出呢部頂級AirtrekTurbo-R版；新車備有前後大包圍、全新鬼面罩及霧燈組合之餘，另外重裝有尾定翼同四輪16吋時款跑車合金軨配搭，均教人有脫胎換骨嘅新觀感㗎！  <spanclass="arttextboldbig"><fontstyle="color:darkred;">Turbo-R版賣相有唔同

<spanclass="arttextboldbig"><fontstyle="color:darkred;">車廂烘托有獨特性  既然稱得上係高性能RV，內裏車廂鋪排亦予人有一新耳目之感；時尚嘅雙色座席配搭，重改換上透氣頭枕，而車廂四周面板嘅新裝飾夠In入時之餘，尾排既可摺平令尾廂容量倍增外，配合前排重可以變成卧鋪㖭！除電窗、電鏡及雙天窗外，唔少得重有恒溫冷氣、高級大面板音響同雙安全氣袋㗎！

<spanclass="arttextboldbig"><fontstyle="color:darkred;">2.0Turbo偈勁度十足  全車賣點所在會係一台從LancerEvo.Ⅶ移植過來嘅2.0公升Turbo偈，配合埋Intercooler可保長時間行車嘅穩定性外，恒式四驅及一套5前速半自動波組合，更具跑意同駕駛樂趣，全面強化嘅懸掛結構，重有高效能四輪碟煞、電子ABS連EBD裝置，從而予人有收放自如同循迹性高嘅觀感㖭！

<spanclass="arttextboldbig"><fontstyle="color:darkred;">小豪跟Airtrek再續未了緣  去年年尾，曾替我哋測試三菱最新RV車款Airtrek，而留有深刻印象嘅錢小豪，事隔大半年再重遇頂級版AirtrekTurbo-R，佢話單係造型經已變得辣味十足；全新車廂鋪排重烘托有一份跑車個性。而教佢至難忘會係一台新加入，取材自LancerEvo.ⅦGT-A跑車，編號4G63嘅240匹Turbo偈，加速凌厲有勁之餘，四輪強化後嘅懸掛組合，彎道及凹凸路面表現韌度十足富支持力，而降低車高予人有低重心感覺外，走彎時更覺可靠同穩紮性，加上改換四輪碟煞後，每有收放自如嘅演繹㖭！唯一感到不足，會係尾廂空間有限，每要將後排收摺，方能取得闊落嘅空間；但以唔到22萬換取240匹嘅感受，小豪亦大讚超值。

<spanclass="arttextboldbig"><fontstyle="color:darkred;">三菱AirtrekTurbo-R規格  引擎：1997cc直4DOHCTurbo 馬力：240ps/5500rpm 扭力：35.0kgm/2500rpm 傳動：5前速半自動波，恒式四驅 懸掛：（前）麥花臣支柱（後）多連桿 制動：（前）透氣碟（後）碟式（ABS） 輪胎：215/60R16YokohamaAdvanA046 尺碼：4465×1750×1540mm 軸距：2625mm 車重：1520kg 新車售價：$219,800 車輛提供：環宇汽車（25200636）

當年今日