王力宏（Leehom）同莫文蔚（Karen）曾經合拍張國榮執導嘅《無煙草》，當時Leehom將佢拍床上戲嘅第一次獻畀Karen，後來佢兩個重傳埋緋聞㖭。Karen加盟新力唱片之後，兩個份屬同門，Leehom再獻出第一次，幫Karen做新歌《那可不一定》監製。  <spanclass="arttextboldbig">買定pizza等伊人  Karen話Leehom平時開朗又親切，點知做起嘢上嚟好惡、好嚴肅，之不過對Karen就好體貼，Karen錄音當日，Leehom一早幫佢檢查好所有錄音器材，又準備定佢最鍾意食嘅pizza同越南菜，連佢飲開嗰隻礦泉水都買埋，搞到Karen好感動。 Leehom重自己錄咗段讚美Karen嘅rap歌加喺Karen首歌度，內容係「猜不到，給你一個驚喜，在我心裏，你真是了不起。莫文蔚你的聲音讓我感動，那個唱腔像silk一樣，想欣賞……」，搞到Karen冧到震。  <spanclass="arttextboldbig">劉家良偷閒返港探女  劉家良同姪仔劉永健噚日出現杭州機場，原來佢哋喺內地拍新片《醉馬騮》，但因天雨影響，所以進度受到阻延。佢哋索性返嚟香港唞番幾日，休息吓又可以陪吓屋企人。劉家良話：「內地嘅食物多油同好難食，加上我都好掛住兩個女，所以咪返嚟先囉！」  <spanclass="arttextboldbig">周啟邦夫婦家財拒外洩  周啟邦夫婦屋企雖然收埋唔少山珍海味，但前晚同佢哋傾偈，佢兩公婆話𠵱家治安咁差，唔會講屋企有啲乜。不過周啟邦夫人話好少喺香港買燕窩，多數係自己走去馬來西亞嘅燕窩山度，買最上品嘅燕窩，不過每次買幾多，佢就唔想多講，免得啲賊人打佢屋企主意。

<spanclass="arttextboldbig">宣萱戒食翅保鯊魚  宣萱前晚出現喺一個燕窩晚宴，佢話自己唔係好捨得食燕窩，因為燕窩價錢唔平。以前佢就好鍾意食魚翅，不過宣萱學識潛水後，見人點樣為咗魚翅而殺鯊魚，佢就覺得好殘忍，所以佢就連魚翅都戒食埋，𠵱家改食雪耳。佢話冰糖雪耳一樣好好味，而且價錢又平。  <spanclass="arttextboldbig">蘇永康唔識波經遭冷落  蘇永康（康仔）原來唔鍾意睇足球，每次世界盃有記者問佢鍾意邊個，佢就答碧咸，因為佢淨係識得碧咸，只係知道對方靚仔又有個靚老婆。四年一度嘅世界盃就係康仔最慘嘅日子，因為佢啲老友張衞健、梁漢文、許志安全部都係球迷，人哋好投入咁睇波，佢就坐埋一邊食杯麵，唔知做乜好。  <spanclass="arttextboldbig">黃卓玲着厚戲服唔怕熱  黃卓玲（Ruby）及羅莽噚日喺馬鞍山郊野公園拍無綫劇《繾綣仙凡間》。Ruby初次拍古裝，喺高溫下着四層厚嘅戲服，非常辛苦，佢話：「有風都唔算太熱，而且套衫好飄逸同好靚，熱都值嘅。」不過因為呢套戲服造型好複雜，Ruby每次都要用個幾鐘頭裝扮。  <spanclass="arttextboldbig">台灣孖仔同朱茵影靚相  台灣孖仔組合陳騰龍和陳躍虎，最近決定嚟香港發展，佢哋今日將會同朱茵合作幫「現代經典」專業婚紗攝影拍廣告，而下個月底重會推出唱片同寫真集，搵咗攝影師葉青霖幫手影靚相。 呢對孖仔組合重同自己改咗個名叫做「Toptwinz」，證明佢哋係如假包換嘅孖仔喎！  <spanclass="arttextboldbig">陳慧珊勸失意者多傾訴  陳慧珊噚日喺柴灣為一材料板拍廣告硬照，今次拍呢個廣告有成六位數字酬勞。 對於最近咁多人自殺，陳慧珊就同馮仁昭講：「呢啲係家庭慘劇，其實每個人都會有唔開心嘅事發生，最緊要搵人傾訴，又或者有宗教信仰都可以紓緩壓力，總知搵身邊嘅人開解。」

為緋聞女友獻出兩個第一次 馮仁昭四圍超：王力宏Rap歌討好莫文蔚

陳慧琳（Kelly）的富士菲林電視廣告今晚播出，她會以多個動感造型演出跳舞場面，而她的廣告硬照則以清麗形象亮相。 Kelly透露今次廣告主題乃「色彩舞台」，她會在舞台上盡展活潑有勁的舞藝。為此，Kelly特別抽空與由韓國專程來港的排舞師學舞，務求一舉手一投足都是最精采、最吸引人。 另外，除富士廣告出爐外，Kelly昨日在日本出席一個雪糕廣告的記者會，宣布她正式成為該雪糕牌子的代言人。

Kelly舞出韓風色彩

何韻詩、黎姿及王喜，昨日在電視城為無綫節目《名人飯局》擔任嘉賓，三人更即場示範煮幾味。但兩位女士的烹飪技術竟不及王喜。 何韻詩更笑言自己只會煎午餐肉及煮即食麵，她說：「𠵱家我重未搵到個值得我去為佢學煮嘢食嘅人！」  <spanclass="arttextboldbig">黎姿靠菲傭  黎姿則表示自己閒時都會睇烹飪書，但卻甚少下廚，她說：「我好怕油煙，以前試過煮畀男朋友食，但煮完大家都唔敢食，最後要菲傭搞掂。𠵱家得閒都會睇下啲烹飪書，跟住繙譯成英文，畀菲傭煮。」 採訪、攝影：王崇穎

何韻詩廚藝不及王喜

英格蘭國家足球隊隊長碧咸（DavidBeckham），於本月十一日與拉科魯尼亞對壘時，被對方中場球員杜斯拿鏟傷骨折，其傷勢備受全球球迷關注。 正當碧咸傷勢進展良好，有望趕及出席下月的世界盃決賽周之際，他在上周五駕車卻發生意外，其座駕與一輛私家車相撞，幸好車毀人未傷。  <spanclass="arttextboldbig">前座嚴重損毀  據英國《太陽報》報道，在歐聯球賽時左腳骨折的萬人迷碧咸，上周五駕駛其價值七萬英鎊（約七十七萬港元）的銀色平治S500房車，在其位於赫特福德郡寓所附近一條小路，與一輛由休班警員駕駛的汽車相撞，雙方座駕的司機位置嚴重損毀，而駕車的碧咸及坐在車上的兒子布魯克林（BrooklynBeckham），幸沒在意外中受傷。 雖然碧咸頻頻發生意外，但似乎並未影響其鬥志，前日他由曼聯訓練場地，駕車回到位於柴郡的寓所，可見他並未因日前的交通意外而恐懼駕駛。  <spanclass="arttextboldbig">妻子不受歡迎  此外，碧咸將會成為第一位在女性雜誌《瑪麗嘉兒》（MarieClaire）當封面人物的男士，他早前為該雜誌於下月三日推出的六月號拍攝封面照，可見碧咸在女士們心目中的地位。 然而碧咸受歡迎並未為其妻Victoria帶來多少好處，在早前一個向三千英國女性訪問的最佳身材研究中，身材惹火的Victoria在投票名單中包尾，而澳洲女歌手KylieMinogue則佔據榜首。

英國國寶厄運纏身 碧咸腳傷未愈偕子炒車

時裝題材都是由時光出發，無論是過去、現在或將來，各設計師都在歷史或創新中摸索，找出一個最切合時尚的新方向，但論韌力最持久的一個風氣，必屬女性化不過的浪漫元素。  <spanclass="arttextboldbig">巧妙紮染  法籍設計師MartineSitbon行出的一條康莊大道，便是一份徹頭徹尾的現代新浪漫主義風格。她利用最柔和的色調，散發陣陣詩意，再以形形色色富藝術味的圖案，交織出一片現代的美感，的確是一條令人沉醉而又樂此不疲的路向。 MartineSitbon最新秋冬裝，再度利落地詮釋出新浪漫的定義，泰半是緊貼女模嬌軀的littledress。最亮麗的一組莫如是把布料經過紮染處理的裙子，當中再加進MartineSitbon最為人認識的artisticpattern，使服裝猶如在射燈照射下，光暗有致，意境十足。  <spanclass="arttextboldbig">玩意點綴  另外，MartineSitbon亦有她美麗有心思的小玩意details，一組淨色系列的新裝，領位、膊位或口袋位均有取材自古代武士服特色的精粹，見諸服裝之上，迸發出新意盎然的特色。

當年今日