講真，呢部所謂新版的鈴木Every，外形最大不同的地方是尾箱兩旁的玻璃窗，改換上密封鐵窗，以符合香港運輸處對客貨車的要求，惟外觀上由於原先的尾窗玻璃面積並不大，看來又不覺得好Van仔，車價仲有成萬元的優惠，部車夠小巧之餘，車身兩側有雙趟門組合，用來搬運貨物至合適不過。

除尾箱要密封玻璃窗外，原來呢部新版的Every尾廂跟座艙之間，加多一塊用來分隔用的擋板，對需要搬運貨件，帶來不少方便同安全感，但係原本尾排座椅的椅背，就失去可以向前收摺的功能，真係有得又必有失。相比下，座艙空間仍見闊落，而基本裝備諸如原廠冷氣同音響亦無一或缺，最低限度前排雙安全氣袋亦有齊。

筆者第一次試駕這輛Every新版，雖然不講得豪華，但操控感卻不俗，或許低重心車架結構的幫助；再者，一台660cc引擎的反應亦教人有意想不到的好力，尤其係低、中轉的表現至為突出，好切合車本身的需要，在現今燃油價格不斷攀升的情況下，查實這部鈴木Every亦有其存在的價值。 記者、攝影：陳偉林 車輛提供：鈴木汽車（23320091）

車價：$89,000 牌費：$2,312 保險：$8,578（以0NCB計算） 出車總計：$99,890 首期：$9,989 利率：6% 每月供款：	$1,948×48期（以HirePurchase計算）

當年今日