阿Man文家良隻「惜福」月初一落班即時反擊，點知全程被頂出外叠，最終被方仔「準備就緒」head住十倍爆不成，今回升三班杜利萊造唔到磅冇得報仇，變咗雙重損失，最開心嗰個就一定係Alex黎海榮，佢之前響三班騎「惜福」輸咗五場，上次開飯冇佢分，難得家陣失而復得，所謂「有食唔食，罪大惡極」，唔使問都知到時一定砌到贏為止。<br/>講真「惜福」黎海榮過去騎咁多次，無功都有勞，而且半同主隻「無敵」由佢贏過，今次歸位都好正常，亦睇到阿Man同馬主王振武好有人情味，至於啃唔啃得落呢塊肥豬肉，就要睇Alex自己點發揮咯！

黎海榮搶番一塊肥豬肉

大摩周三晚只派「新力飛」及「同個夢想」參賽，事實上，大摩雖然少喺谷草出擊，但係睇番練者一月至今，共交三駒予雷神跑細場，交出兩冠一季上佳賽績，分別是「同個世界」及「風花雪月」贏馬，「盈威勇士」跑第三，顯示佢搵親雷神跑谷草必定有計，呃唔到人！今期大摩交「新力飛」畀雷神操刀，自然惹來憧憬。此駒最近已回勇，前仗喺三班谷草千二同「威威寶貝」及「愛的呼喚」齊入三甲，水準甚高，今仗配雷神亦有能力騎高半班，勢可替這匹今季未代交馬重開勝門。

100%上名的神級組合

今季谷草賽事提早於六月初收咧，現已進入倒數最後五次谷戰，一些擅於在細場搵食之馬房，如方嘉柏、徐雨石及部份細倉必會把握機會。當中方嘉柏周三晚出12駒，保守估計應有一至兩W交出，第四場「光速銀桂」前仗贏谷草一哩締速極佳，總時間1分39秒51，是今季四班同程最快締速，與牠力拼僅敗之「勝算高」再出已補中，可見水準絕對唔差。至於「光速銀桂」上仗再出落飛倒灶，一來增程1800米稍稍嫌長，二來彎位在四叠踩油蝕位極多，拉士只輸半身位其實難度甚高。今仗重返贏馬路程，移入四檔估計唔會再蝕，交回前仗之水準，足以坐亞望冠。

嘩！贏馬時間居然快成咁

今朝一眾出戰明晚賽事的戰駒均以慢試為主，故牠們大多找來助手操練。但沈廐新勝馬「跑馬仔」今朝卻由廐主沈集成親自出馬操練，看來練者對此匹出戰第二場四班一千的賽駒，特別情有獨鍾。查操練表，連續三日均由沈集成摸實，包括周日的最後試跑，可見重視，今回「跑馬仔」原庄配搭再戰勝途，有力連捷。

沈集成偏心邊隻馬？

多年前韋達、高雅志、霍達、史科菲及馬偉昌五位南非騎師同時在港策騎，一位受薪董事曾私下說:「我們要特別留意可能出現的南非騎師聯盟(Cartel)!」而今時今日貝湯美和布文開始在港客串，現役11位外籍大師傅中，澳洲騎師數目增至5名(還有安國倫、柏寶、潘頓)，比率接近一半。<br/>目前不少國家均引入海外騎師，但唯獨香港嚴重偏重澳洲騎師，新加坡騎師數目較香港多，外籍騎師人數則跟香港一樣為11人，包括澳洲、巴西各3位，一位新西蘭、一位南非、一位英國、一位美國及一位巴拿馬，明顯較香港更平均。至於小島國毛里裘斯則有不成交規定，不容許任何國家騎師偏多，甚至鄰國南非騎師亦在限制之列。<br/>86及97年造馬案均有澳洲騎師牽涉在內，甚至新加坡、馬來西亞、毛里裘斯、澳門等地，均曾有澳洲騎師因誠信問題被重罰，因此有聲音指香港馬會應嘗試從不同地區尋找人材。

當年今日