據《ESPN》報道，利物浦已經與修咸頓就羅致中堅洛夫雲一事達成協議，該名克羅地亞國腳即將落實加盟紅軍。利物浦領隊羅渣士今夏一向視洛夫雲為增強球隊防線實力的不二之選，幾經交涉後終於與修咸頓達成協議，有指洛夫雲的轉會費將高達2,000萬鎊（約2.6億港元），是紅軍隊史上的最貴後衛收購。交易一旦完成的話，洛夫雲將步列基林拔和拉爾拉拿後塵，成為今夏第三位離開修咸頓並加盟利物浦的球員。利記去季在聯賽雖獲得亞軍，但失球數字高達半百，令羅渣士決心在轉會市場斥資補強。 【動漫Live不停】一連5天好玩到癲 http://hk.apple.nextmedia.com/livestream/channel/dvlive http://bit.ly/ucg2014Live

【英超星匯】紅軍聖人達成協議
洛夫雲將加盟

巴黎聖日耳門（PSG）完成記者會後，即馬不停蹄轉赴旺角大球場操練，備戰下周二在香港大球場對傑志。不過，短短45分鐘的練習，PSG大軍僅在場內跑圈，來回跑及拉筋。惟缺席世盃的瑞典球星伊巴謙莫域，可能「餓波」太久，不時「的波」及射門頂癮。雖說今課是閉門操練，但仍有熱心球迷在近門外窺看該法甲豪門操練。 【動漫Live不停】一連5天好玩到癲 http://hk.apple.nextmedia.com/livestream/channel/dvlive http://bit.ly/ucg2014Live

【PSG港行】首課操練伊巴過足波癮

新任祖雲達斯領隊艾基利表示，希望能在今夏的轉會窗，再替球隊引入兩名球員。老婦人早前已成功羅致前鋒艾華路莫拉達、中場羅拔圖佩雷拉以及後衛艾拉，惜莫拉達甫加盟後不久便告受傷，需休戰兩個月，令教練艾基利有意繼續招攬新援，他稱：「若我們能夠再購入一名前鋒和一名後衛，球隊的陣容才算完整，但相比之下，我希望能夠先引入一名射手。」 【動漫Live不停】一連5天好玩到癲 http://hk.apple.nextmedia.com/livestream/channel/dvlive http://bit.ly/ucg2014Live

【至net球壇】艾基利：球隊尚欠一名前鋒

《蘋果》馬經動主播Paris陳穎，喺新西蘭探望過兩匹退役名駒「時尚風采」及2012年香港打吡冠軍「陽明飛飛」後，又同大家探望正喺當地告達理兒子馬房享受退休生活嘅「高風格」。 「高風格」可以話係一代忠心鐵馬，就快九歲嘅佢，其實唔算好老，但戰績就好輝煌，服役時出賽43次，攞到9冠2亞5季，田草、泥地及谷草都贏過，累積獎金707萬，雖然未達到級際賽水平，但由於勝出及上名率高，幫過唔少馬迷贏錢，喺大家心目中，係一匹好可靠同可愛嘅馬。 家陣「高風格」唔使再出賽，喺廣大嘅牧場上無拘無束地食草，你睇佢咁自由自在，生活都不知幾優悠！ Paris概嘆香港環境擠逼，無論人馬想要多啲空間都唔容易，佢話好羨慕「高風格」，可以喺咁好嘅環境生活，搞到Paris都心郁郁，希望將來可以同另一半，喺新西蘭享受人生喎！

女主播畀隻馬搞到心郁郁

英格蘭世界盃分組賽出局，之前都有人話領隊鶴臣點兵有問題，好似上季尾大勇嘅韋斯咸中鋒安祖卡路爾（圖）冇份入選，令英軍冇變招能力。不過經過季前熱身賽，應該可以幫鶴臣平反，事關呢位25歲中鋒跟隨「槌仔幫」到新西蘭季前集訓，又整傷足踝，周五已飛到美國做手術，預計要休息4個月，睇嚟今年都唔使再預佢。英國《太陽報》仲計埋數，話佢上季因傷只踢咗15場英超，亦只有兩個入球，以佢10萬鎊周薪加1,900萬鎊轉會費，入一球值1,235萬鎊。

當年今日