第N年行七一，第一次嗌咪。撐記協，撐新聞自由。 站上梯台，極目遠望，黑壓壓人頭一片，前不見龍頭，後不見龍尾，念人群仍被困在維園，獨愴然而汗下。 大佬，真係好鬼熱，點解每年七一警察都要把香港市民當小籠包，硬要我們在烈日下九蒸九曬？ 今年還有暴雨成災，人人由乾行到濕再由濕行到乾，但警方的行人路仍然封鎖不動如山。 據說馬路要留給緊急車輛行駛，但我親眼觀察，遊行人士多到像塞爆了的公立醫院急症室，但旁邊車路疏落得如私家醫院豪華病房的人流，好波！香港警察判斷得好公正！香港有車大晒。 與其說警方封了一條行車路，倒不如說，警方封了一條遊行路線招待車輛更貼切。 記協嗌咪，當然要撐新聞自由，但你明顯感受到，挑動遊行人士神經的，還是689政府。 我第一個得到市民和應的口號，便是「俾條路行吓」。塞到爆的遊行人士如雷大叫，俾條路行吓！不單俾條路遊行，也要俾香港一條生路。 第二個挑動市民神經的，便是遊行數字。 夜晚八時三十分，灣仔軒尼詩道，仍然鋪滿了黑色人頭，這簡直和當年03年71的規模一般聲勢浩大。誰知就在此時，即時新聞顯示，警方公布遊行人數為9.2萬人…… 我馬上嗌咪：「各位市民，警方說大家由下午三點遊行到夜晚八點半仍然未見龍尾的遊行，只有9.2萬人喎！」現場噓聲就像球員對住空門單刀橫傳一樣熱烈。 我不明白，警察本佳人，奈何作賊？為何每次遊行示威都要充當政府的打手？我親耳聽到一個只有幾歲的小朋友和他父親的對答：「爸爸，啲警察阻住唔俾人行。」 「嗰啲警犬嚟㗎。」 我不同意，因為我家的狗狗，是很善解人意的。

當年今日