年輕時忙於接拍電影，近年淡出幕前享受人生兼投資有道的嘅關之琳，噚晚同趙世曾及女伴、顧紀筠、莊思華、袁婭維等出席「愛彼女皇盃」假啟德遊輪碼頭舉行慶祝派對，手戴64萬5千元名錶嘅關之琳跟主辦高層合照後接受訪問。 關之琳笑指自己以前好似病態咁、會戴著錶瞓覺沖涼，可謂「錶不離手」，佢話:「可能以前拍戲嘅關係，成日怕遲到，所以沖涼瞓覺都戴住，好精神緊張。依家放低咗隻錶好耐。我以前係準時到不得了，係最早到片場。」 關之琳又有收藏手錶嘅習慣，有襯衫出街嘅，有朋友送贈啲可愛款式，有具收藏價值嘅，亦有街買價值十蚊嘅手錶。之之話依家唔太捨得買太名貴手錶，最貴嘅，都唔會超過一百萬。 咁最有紀念性嗰隻手錶係人家送定自己買？之之話：「係人哋送，價值好平，最緊要嗰個人有心意送就得。」至於係咪男朋友所送，佢就賣關子唔肯透露。 家中不少具收藏價值或別具意義物品，關之琳每次欣賞時，都會諗下之後點樣處理。佢話：「我又冇小朋友，可能有啲好有意義嘅嘢，將來會拎出嚟做善事拍賣，咁樣會對我更有意義同適合。」 至於過去嘅復活節假，之之就好開心咁話好耐冇試過留喺香港過節。佢話：「難得假期喺香港冇乜人，我周圍行街食飯，都冇人認得我。」假期香港冇乜人？邊區啊？介紹下好嗎？

【戴緊嗰隻都64萬】關之琳收藏10蚊平錶
最貴唔過100萬

第三季《中國好聲音》噚日喺在北京舉記者會，元老級導師庾澄慶已經話唔做，因為暑假要做巡迴所以唔做，之前就傳過話王力宏、李宗盛、劉德華會做，仲有傳有會有韓星助陣，最後係邊位都仲未落實。 導師係邊位未公佈得，但係《中國好聲音》總導演金磊就有料爆。導演話家陣唱到家知巷聞嘅鄧紫棋(G.E.M.)，兩年前已經自己報名參加第一季《中國好聲音》，嗰時仲遞哂資料，不過無俾佢入選。佢哋宣傳總監就話2年前G.E.M.嘅唱功上同依家喺有距離，同埋第一季人才太多，不能盡錄，當中又有同G.E.M.風格唱功似嘅歌手，有啲仲要唱得好過佢，咁G.E.M.咪唔入圍囉！不過，依家人哋紅咗，仲要第三集先提呢件事，好明顯係撐飯蓋同博宣傳喇！

【短片】G.E.M.曾被《中國好聲音》拒諸門外

依家潮流興V煞面，不少圈中女星塊面越嚟越尖，最具代表性嘅就梗係CammiBB啦，人間兇器一樣，殺得死人。但依家CammiBB遇到對手啦，佢就係AV女優神田留美（七瀨里菜），從佢嘅近照可見驚變錐子臉，鼻同下巴尤其尖不甩，而且暴瘦程度令人非常擔心。 神田留美喺2012年出道，後期改咗名做七瀨里菜。一張可愛嘅臉蛋加上Acup微乳，日本仔即嗌晒「萌爆」！憑「骨感美少女」呢個美譽幫佢殺出條血路。 但有傳神田留美近年迷上咗整容，同埋減肥減上癮，佢twitter度都有貼唔少眼皮接受手術後嘅相，但因為真係太血腥，唔貼上嚟。神田留美最近喺twitter上載嘅相片顯示，佢得番34.4kg，睇見都心痛．．． 唔少網民睇完都忍唔住留言話「以前咪幾可愛……」，亦有網民直踩佢依家個樣似《哈利波特》入面隻「多比」，唉……

【短片】【Cammi有勁敵？】AV女優驚變V煞面體重跌剩34kg

何傲芝、莊思華、湛琪清等噚晚跟關之琳等城中名媛淑女出席「愛彼女皇盃」假啟德遊輪碼頭舉行慶祝派對。蔡加讚都有出現，不過低胸現身嘅湛琪清到場後，原來仍未知呢位表姐夫冇等佢，經已先行離開。 何傲芝透露爸爸破產官司仍有變數，希望快啲解決，全家會全力支持佢。咁係咪要搵多啲工作？何傲芝就話:「唔關爹哋呢件事，都想多啲客戶搵我做司儀。舊年司儀工作係少啲，今年就唔錯，暫時都排到十月。」 平日都會下注買馬嘅湛琪清，自爆原來平時都愛賭錢，喺美國讀書時經已跟朋友去賭場玩樂，不過佢指自己只係小賭怡情：「去到賭場我樣樣都會玩，不過我冇乜賭運，好多人話冇乜賭運，喺感情方面先會好運。」至於最多一次輸幾多錢，湛琪清就笑笑口話唔講，免得嚇親大家。暫時有不少追求者，問到若果男友賭得好大會否接受？佢就話:「好玩玩少少可以，賭得太大就唔好。」

老父破產官司添變數
何傲芝急搵客賺多啲

郭晶晶、徐子淇及李英愛三位來自亞洲三地的闊太，個個萬千寵愛在一身，是不少女士夢寐以求的美滿人生。

地區：內地 老公：霍啟剛（34歲） 子女：一子 家族身家：逾350億港元 威水史：04年及08年奧運跳水金牌得主 近況：去年8月誕下囝囝霍中曦後，專心相夫教子。

地區：香港 老公：李家誠（43歲） 子女：兩女一子 家族身家：逾1,556億港元 威水史：曾拍電影《誤人子弟》、《靚女差館》 近況：過着少奶奶生活，閒時出席慈善及名人活動。

地區：韓國 老公：美籍韓國人鄭豪泳（51歲） 子女：育有一對龍鳳胎 身家：約140億港元 代表作：《大長今》 近況：婚後以家庭為重，現正主持韓國文化節目《李英愛的晚餐》。

中港韓鬥威水　闊太大比拼

鬥威水：中港韓闊太大比拼

★金像影后茱迪科士打與攝影師女友Alexandra結婚後，昨日於加州戴婚戒單拖低調外出購物。 ★美國女星米雪威廉絲於主演的百老匯舞台劇《Cabaret》表演獲讚賞。 ★美國女星雅曼達施菲將於真人版《小飛俠》電影中扮演母親Mary一角。 ★日本前AV女優麻美由真前晚獲DMM成人大獎頒贈特別賞，表揚她勇敢抗癌，麻美領獎時激動流淚。 ★日本組合AKB48前成員篠田麻里子及女星益若翼將會為芭比娃娃設計服飾。

外星密碼

睇韓劇最吸引是甚麼？答案何其多，但熟識韓劇方程式的讀者應該明白，愛看韓劇的女性最簡單及直接的答案一定是—「𥄫仔」。對，煲劇不看靚仔簡直是浪費天物，特別是現在多齣韓劇熱爆亞洲，韓劇男星成為最炙手可熱的產品，有金秀賢、李敏鎬這些靚仔長腿oppa助陣，即使韓劇本身不夠出色，有他們搭夠已加分不少。

未知是否韓國本土電視台都發現男星受歡迎程度火熱過女星，以往女星做主導，一女二男配的韓劇竟然減少不少，下月SBS電視台就有兩齣新劇主打「男男couple」配，不過男男配就不是玩斷背，而是以兩位男星做主角，將男性魅力打孖發放，更加吸引女性觀眾的眼睛。而下月出街的新劇，二男配搭都十分新鮮，當中憑《來自星星的你》上位的朴海鎮就夥拍《聽見你的聲音》男星李鍾碩合作月火劇《Doctor異鄉人》，另一齣就由《最佳愛情》的車勝元和《九家之書》的李昇基主演的水木劇《你們被包圍了》，由嫩口的24歲李鍾碩，到型佬43歲的車勝元，加上sell樣的朴海鎮及sell可愛的李昇基，簡直可以照顧到不同階層、不同年紀、不同喜好的女性觀眾，這班oppa相信有排忙。 撰文：施洛冰

筆韓絲打：煲劇𥄫靚仔

李敏貞及朱相昱主演的韓劇《別有用心的單身女》前晚播出大結局，收視微跌1%，有9.2%，成績不過不失。承上集，車政宇（朱相昱飾）為大局着想而離開公司，令前妻羅愛拉（李敏貞飾）極為擔心，跑到他昔日的公司找他，更發晦氣說以後都不相見。 撰文：施洛冰

政宇重新創建自己公司，愛拉為支持他更自薦過檔做其秘書。對政宇因愛成恨的國汝真（金圭麗飾），因失去政宇的技術而令公司陷入困境，為了公司着想，政宇亦答應與汝真再次合作。

政宇於業界站穩腳後再次向愛拉求婚，準備好的心形玫瑰花瓣被大風吹散，令愛拉啼笑皆非。政宇再求婚無奈被拒，原來愛拉想反過來向他求婚，表示深刻反省過後決定不再離開政宇。

最後二人深情擁吻，鏡頭一轉就看到愛拉跟政宇坐在小花園，商量將來孩子的名字，笑言要叫「敏貞」或『相昱」。政宇將頭挨落愛拉的肚問BB意見，二人組織幸福的家庭。

單身女集集追：敏貞相昱終成眷屬

韓風停不了，憑經典韓劇《大長今》紅遍亞洲的韓國女星李英愛接力來港，昨晚她盛裝現身灣仔君悅酒店，出席法國珠寶名牌卡地亞高級珠寶晚宴，同場還有千億新抱徐子淇及「跳水皇后」郭晶晶與夫婿霍啟剛，中、港、韓三地美麗闊太同場較量，艷光四射。愛姐自嫁給從事電訊業、身家過百億的美籍韓國人鄭豪泳後，專心照顧一對3歲龍鳳胎子女，已甚少幕前演出，亦罕有出席商演活動，今次她重臨香港，身穿黑白色的韓國民族服，佩戴近4,300多萬高級珠寶，依然星味十足，令人重溫她經典的「大長今」美態。

在訪問前，大會叮囑傳媒不要提及「歲月號」沉船災難等問題，問愛姐為何以韓國民族服打扮現身？她透過繙譯接受訪問：「今日係特別日子，覺得韓服同卡地亞珠寶好襯，珠寶花喱碌碌好靚，一般都係用黑色晚裝嚟襯先靚，我覺得韓國服更突出味道。」對於珠寶收藏，愛姐笑言不多：「本身喜歡casual，有casual首飾收藏，好似先生送結婚戒指，自己比較喜歡珍珠，今日戴紅寶耳環都鍾意，紅寶代表幸運。」問她會否接拍《大長今2》？她表示：「《大長今2》多人問，要幾個單位配合，導演、音樂、故事內容都要好好先得，諗好劇本再做，唔只劇集、電影，都想多啲活動見大家。」其後繙譯代愛姐回答不會接拍《大長今2》，她表示：「自己遲婚，對小朋友多啲愛心，呢個係好大原因。」

徐子淇以黑色性感晚裝谷胸示人，更笑言要代媽咪與愛姐合照，她說：「佢係我媽咪偶像，嗰時喺英國讀書，佢追得好緊要，有睇佢相，好靚，想見真人，同佢講吓湊小朋友啲趣事。」之前她夫婿李家誠腳傷，她表示丈夫去了內地：「有朋友畀咗老虎骨浸茅台，佢飲完好番好多，又有食田雞，我都唔敢錫佢，因為我好怕青蛙。」 郭晶晶也罕有穿白色低胸裙示人，與霍啟剛手拖手到場，晶晶再澄清懷孕傳聞說：「不是。」提到會否多追一個BB？她笑言：「如果有了一個男孩，當然想要一個女孩，不過再是男孩亦可以。」啟剛透露兒子已八個月大：「好鍾意出街，&#134513;家開始學講嘢，想佢學識叫爸爸先，自己日日放工都有教佢。」 採訪：溫敏芝 攝影：陳慧安

李英愛大長今上身　秒殺谷胸千億新抱

李英愛長今Look 艷壓晶晶子淇

黑木看到坂本的練投後驚覺不妙，只期望他能順利解決一位打者，再更換投手。森岡下了第一球先觀察的指令，黑木原想阻止坂本全力投球，但還是讓他用力投。 想免費睇更多經典動漫畫、原創動畫，即時下載【nxTomo Album動漫集】 App Store下載連結： http://goo.gl/SFiey Google Play下載連結： http://goo.gl/yBiwh

免費娛樂App【nxTomo Album動漫集】由壹傳媒研發，精彩動畫仲有﹕Double Hard熱血雙煞、Mad Box Zombies喪B樂園、Oddbods毛毛頭、Spy Penguin企鵝特工；《Jump》人氣動畫：火影忍者、全職獵人、死神、魔B爸B等！ 《霹靂總教練》簡介： 由三田紀房創作的《霹靂總教練》於1996年至2002年，在漫畫雜誌《週刊漫畫GORAKU》連載，大受漫畫迷歡迎。故事是以棒球隊的監督﹣黑木龍次為主角，於運動類漫畫實屬少見。

當年今日