勤力過牛的練馬師沈集成，這天又繼續操馬，親試「琪麟穎」、「健康歡笑」及「縱橫大地」三駒，其中「琪麟穎」可以話係沈集成的頭號新寵，7月頭由葉楚航加盟沈集成後，近日幾乎成為沈集成的私家馬，除了本周一由徒弟巫顯東主試外，其餘課課都係沈集成自己打理，並不假手於人，可見重視。 「琪麟穎」上季在葉廐取1冠2亞1季，公認後勁凌厲且實力未盡，沈集成擺明想盡快向馬主交代，今季在沈廐一出已可重視。 至於「縱橫大地」，上季尾搵到新出路，在泥地3戰取2冠1亞，升至99分，未來可能是新本港泥地一哩王，估計沈集成必力求此駒在季初泥地大勝，爭取資格跑外地的泥地大賽。

【短片】一匹珍貴轉倉馬榮登沈集成頭號新寵

筆者主張要把賭馬生意做出盈利，應將重點放在「節流」，但仍有朋友會問，有沒有方法「開源」？ 其實要「開源」，辦法不外乎增加中彩次數又或獲得較佳賠率，但前者目前並不易為，原因早前已解釋過不再重述，投資者把心力放在這環節，並不符合經濟效益。所以，筆者的開源建議，重點放在怎樣於馬場內尋找較佳賠率。 哪個不想派彩高，但當冷馬跑出，會說賽前有諗但最終無買走寶的人卻佔多數。出現這個「有分揀、無分中」現象，主要是馬迷大多「見飛行事」，不過並非眼看心水越好分越買得多，賺取更佳邊際利潤，相反是見自己喜歡那匹冷門臨場無飛，就懷疑自己看錯，最終驚到不敢賭。所謂「又要馬兒好，又要馬兒不吃草」，在馬場要搵一匹有明顯優點但又有好分頭的馬談何容易！還要現今香港馬場高手林立，這類「筍盤」難求。 要在馬場扒冷，先不講揀馬技巧，還是請先培養兩種心態，首先不要被電算機票數「大走」，相反要信自己越冷越買；其次要習慣心水馬很大機會有明顯缺點，屬於「市場次貨」，不過因應賠率才較冷。舉例上季田泰安贏六匹20倍以上冷W最多，你要中到的話，請說服自己不要介意馬匹近績，因為對上一仗輸得最近的也跑第六兼多數輸得遠。

【賭馬講呢啲】賽馬筍盤遇到就要敢落手（妙瞳）

莫雷拉被封為「雷神」，確有化腐朽為神奇的神級騎功，不過神亦非無往而不利，原來都有唔少盲門事件，大家睇完呢啲盲門事件，在新季捧雷神嘅時候就可以逢凶化吉啦！ 好多練馬師都鍾意用莫雷拉搏殺，不過唔知係唔係八字唔夾，有四位倉主在上季同雷神合作未贏過，分別係吳定強、高伯新、李易達及容天鵬，前三人上季與莫雷拉只合作四至五次，尚可話次數較少才未勝，不過容天鵬與莫雷拉整季合作13次之多，不單未嘗一勝，就連入Q亦只得一匹「仁愛之友」而已，不少更加係捧成大熱連P都冇，好似「放下自在」、「合作愉快」及「安闖」便是最好例子，所以新季見到莫雷拉騎容天鵬嘅馬亦不宜過份重視。

【短片】【雷神弱點】與四倉主八字唔夾！

與其他馬房一樣，沈集成上季亦與莫雷拉合作贏馬最多，騎練合共交出15W；而兩人上季於谷草合作20次，更交出12冠三亞三季兩次第五佳績。 當然，雷神咁受歡迎，同場可能有唔止一駒選擇權，而當雷神唔揀騎開之沈廐馬，而該匹沈廐馬換上羅理雅卻不代表冇機會。上季同類例子分別有「永旺年年」、「曦世之寶」，俱改配羅理雅勝出，相信此情況新季仍會持續，不妨備忘。

谷戰用雷神最掂

莫雷拉贏馬大小通吃，由五班賽之「四小福」、「友歡笑」等，到頂級大賽憑「幸福指數」和「滿樂時」分別摘下香港短途錦標及冠軍一哩賽，各個班次都見到雷神的頭馬，不過新馬賽卻難倒莫雷拉，畢竟呢類賽事着重質新馬匹的進度，騎功的高低對勝負影響有限。 翻查紀錄，莫雷拉前季三匹新馬賽座騎「東方快車」、「人民武士」及「綫路神駒」均跑入二至四名，與頭馬擦身而過，而上季雷神四度夥拍「秘密武器」列陣新馬賽事，又係悉數跑入二至四名，但係就偏偏與冠軍無緣，似乎莫雷拉化腐朽為神奇的魔力在新馬賽亦無用武之地，大家不妨存記。

當年今日