澳門賭業猛人周焯華（洗米華）因搭上MandyLieu，激到洗米嫂陳慧玲(Heidi)同洗米華離婚。 正當外界以為Mandy可以入宮坐正，點知洗米華早排同洗米嫂現身朋友生日宴時，洗米華忽然情深攬住洗米嫂，高唱《愛我別走》，仲爆咗句：「我只得一個周太！」洗米嫂因為得一眾好友支持，而感動落淚。 日前佢哋又喺機場合體，送大女周梓潼去美國遊學，兩公婆感情似乎有轉機。 同老公關係有緩和迹象，而心情愉快嘅洗米嫂，今日就帶細女一齊游水，仲喺Igpo火辣比堅尼相，唔少網民大讚洗米嫂愈嚟愈索，身材仲越嚟越fit！

【短片】【同洗米華關係緩和】洗米嫂風騷晒比堅尼陪細女玩水

日本J-pop界天后西野加奈一向健康，佢曾經講過靠食咖喱增強抵抗力，超過10年從未染上感冒，最近西野加奈又再教路，表示開騷期間，每日都會趁演出前食醃乾蘿蔔絲來補充體力。 西野加奈憑住唱出少女們心聲而走紅歌壇，被封為新一代戀愛教主，佢第6張個人專輯《JustLOVE》已喺本月中上架，首周銷量達12.6萬張，攀上Oricon大碟榜冠軍，令佢擁有第5張冠軍大碟。《JustLOVE》推出第二周都霸佔住單日銷量榜冠軍，總銷量已賣出超越15萬張，前日西野加奈就現身TOKYOFM嘅澀谷直播室，吸引大批歌迷撐場。 西野加奈下月將展開全日本巡迴演唱會，目前已宣佈開23場唱到11月底，被問到有乜食物令佢有能量應付為期幾個月嘅個唱，自認婆仔嘅西野加奈話：「煮乾蘿蔔絲是我的能量來源。從小時候開始已很喜歡吃，每場公演前都會食一碗份量的煮乾蘿蔔絲。」

【分享健康心得】西野加奈開騷幾個月靠食乜補充體力？

吳業坤下個月10號Oneandonlyone一場紅館騷《KWANGORLIVEINHONGKONG吳業坤演唱會》開騷。 得一場演唱會，咁啲飛梗係好矜貴，預售第一日，的確好誇，貴飛$480幾乎賣晒，$380得番少量，睇睇座位表個「黑洞」就知，得番少於1/4公開賣飛，仲要幾乎9成係背台位。(新聞連結： http://bit.ly/2a7PdQQ ) 咁好賣，咁咪即係一票難求？事後佢都知自己講錯嘢，話好後悔…… 原來…又未必喎！ 坤哥早排幫一隻護膚品牌做代言人，咁呢個品牌最近喺facebook粉絲專同網民玩遊戲，遊戲規則係首先要買呢個品牌嘅產品，俾吓like，講吓呢個品牌有幾好用咁啦，咁呢，得獎者就有機會奪得坤哥兩張價值$280嘅珍貴門票，仲標明有40個名額o架。 噚晚踏正凌晨12點，個遊戲就截止報名，結果數數手指，係…係有6位網民參加咗呢個遊戲！ 咁呢6個幸運兒，應該唔使抽，都肯肯定可以得到坤哥嘅演唱會門票啦啩！ 不過，其餘嗰34個名額點算好？ 有創意網民就喺個fb留言話： 「直接喺到抽多34個留言嘅人啦，無謂浪費啲飛！」 「不如請職業觀眾，可pm小弟，你出飛，我收$80小時，舉牌，大叫另計！」 「可安排40人幫忙，價格$480,$280,$180 $480:FB/IG#tag,鏡頭面前哭，背熟原來他不夠愛我10個version $280:會間中大叫坤哥，會叫ENCORE，留守到11點 $180:只出席20:30-22:30」

【短片】【又話一票難求？】坤哥紅館騷fb散飛又爆關公災難

ViuTV首部自家製劇集《瑪嘉烈與大衛系列綠豆》雖然已經播完，但估唔到播完之後，身為《綠豆》嘅兩位導演FatBall同25，竟然爆大鑊鬧爆ViuTV同《綠豆》原著兼監製南方舞廳(新聞連結： http://bit.ly/29YYFns )。林保怡自爆有演員拍攝時NG二、三十次，又傳廖碧兒被嫌中文差，導演偏幫朋黨周家怡、又傳《綠豆》導演改劇本ViuTV嬲爆永不錄用云云…… ViuTV公關部今日就兩名導演炮轟一事作回應，佢哋就話主張開放平台，樂於與唔同嘅製作人合作，為電視行業出力，佢又指：「一個初生的電視台，我們有不少經驗豐富的電視人，同時也有新入行的初哥，在創意和製作上，需要時間的磨合，求同存異，才能製作出好的節目。」 「《綠豆》就是一個如此的實驗，我們將沒有製作電視經驗的製作人，與熟練的演員放在一起，就是嘗試擦出火花，僥倖地《綠豆》得到觀眾的喜愛。」 「感激為《綠豆》付出過汗水的所有台前幕後，不論是幕前的星光，還是星光背後無聲付出的每一位工作人員，一套電視劇的成功與失敗，不會是一個人的功勞和責任，那必然是團隊拼搏的成果。」 「我們明白在匆忙的製作過程中，總有未能盡如人意的地方，在學習中跌跌碰碰是必然會發生的事情。感謝連日來台前幕後提出的意見、善意的提點，那是讓我們進步的重要元素。ViuTV會繼續努力，為觀眾帶來更多的選擇。」

【《綠豆》導演炮轟】ViuTV公關：資深電視人同入行初哥需要磨合

超人氣手機遊戲PokémonGO今日喺香港上架，經過午飯時間似乎靜咗一輪。不過一到放工時段，港島區人頭湧湧，邊行邊捉小精靈。 有玩家就好熱心，喺中環置地廣場放咗吸引小精靈嘅專用道具－香薰，目測現場至少有10幾人停步玩手機，驟眼所見都係捉緊精靈！ 一班動主播仲發現喺中環玩有個好處，就係中環嘅PokéStops可以拎到多啲罕見道具，比起其他地區有更多着數。

【放工變大師】目測廿幾人聚集置地廣場OL捉得好專心！

電影《十年》因題材敏感，當該片獲金像獎最佳電影提名時，內地官方已聲言要封殺，又禁內地網站轉播金像獎頒獎禮，在如此壓力下，金像獎還是把最佳電影頒畀《十年》，結果惹得親中的香港電影商協會（老闆會）及香港影業協會（影協）為首的金像獎屬會出來炮轟《十》片得獎不合理，提出更改投票機制，要求第二輪評選取消有專業人士投票部份，改為全部由13個電影屬會一人一票評選各大獎項。不過今日開了董事會，改機制動議遭大比數屬會否決，而代表香港電影製作行政人員協會的田啟文就動議微調機制。 田啟文今日接受訪問，指有部份屬會認為第二輪評選，由55位專業人士評選佔去55%評分太過傾斜，容易造成不公，所以他動議由55位專業評審增加至100位，佔評分50%，與13個電影屬會各佔一半分數。田啟文又表示：「我今日只係提議，最終都係要等董事會開完會先有決定，咁董事會首先會先交俾評選小組討論可能性，如果覺得唔需要改，咁可能微調都唔會有，我提出微調都係為團結個會。」

【短片】【老闆會敗走】金像獎董事會否決改制田啟文建議微調評審人數

日日都30幾度，難道只有穿背心短裙？ 大美人李嘉欣昨日罕有現身書展，支持陳善之出版新書《善緣滿佈-回首前塵四十載》，就穿上一條白色通花喱士裙來對抗高溫。這條白色通花裙是紮根米蘭的品牌N°21的出品，內襯白色底裙，手袖裙腳位置都是的仁隱約穿透的，款式優雅但又有透心涼的效果。 更多美容、時尚新聞，即上： http://add.appledaily.com

【短片】【add即時．尚】炎夏透心涼
李嘉欣示範N°21白色通花裙

李彩華(Rain)同過氣「新五虎」何遠恒秘戀近3年，感情穩定，最近更傳佢哋會喺兩年內拉埋天窗，不過Rain接受訪問時就笑住否認﹕「你估抽閃卡咩？咁快，慢慢嚟喇，呢啲嘢唔急得，總之天公叫我閃就快閃，慢閃就慢閃。」 幾時結婚就仲未知，但Rain同男友前晚就好恩愛咁過咗大海，去澳門新濠影滙綜藝館欣賞黎明嘅演唱會，見Rain睇得好high。尾聲時，Rain仲拎住支吹氣棒棒走到台前跳舞，仲離遠同Leon喺影合照，而何遠恒就一直尾隨Rain做跟得男友。當記者要求佢哋合照時，Rain就不停話﹕「唔好啦！唔好啦！」何遠恒亦好聽女友話，企喺Rain後面雙手插褲袋，一臉尷尬咁儍笑。不過見何遠恒個樣就真係比以前脹咗好多，真係成個生意人咁樣。

李彩華老尷拒同何遠恒合照　一講結婚就耍太極

首部自家製的ViuTV劇集《瑪嘉烈與大衛系列 綠豆》兩位導演FatBall和25，日前在網上一個訪問中鬧爆ViuTV及《瑪嘉烈》原著兼監製南方舞廳，指他們不尊重導演創作，又謂劇集出街後才發現監製由製作部副總裁金廣誠換上南方舞廳，更經常被監製改劇本，最不滿是劇集第24集一場周家怡向潘燦良表白愛意及喊爆的重頭戲，播出時被刪走，兩導演直斥如此硬cut是電視史上最核突動作。

但據悉兩導演與監製開火，其實與周家怡和廖碧兒爭戲份有關。ViuTV斟家怡接演《瑪嘉烈》時，只透露角色「很正」，家怡並不知道瑪嘉烈原來是衰女人，家怡於是用自己演繹方式將角色扭轉，其中在第24集，潘燦良走到家怡家中，質問她是否喜歡林保怡飾演的大衛，原本劇本沒有任何交代，給觀眾留白，但家怡為不想演衰女人，自行改劇本加上：「我真係鍾意你，趙子龍！」及爆喊情節。南方舞廳獲悉後大感震怒，因與之後情節也不銜接，於是將有關鏡頭刪走。 其實廖碧兒接拍前，南方舞廳承諾戲份跟女主角周家怡一樣，但廖碧兒不懂中文，故熟讀了劇本去拍攝現場的她，不會願意隨便修改對白，此舉惹起兩導演不滿，要刪減其戲份，結果形成導演跟家怡一黨，廖碧兒跟監製南方舞廳一黨互相角力。

被指偏幫周家怡的導演25，直認家怡起初對瑪嘉烈一角有微言，他昨日在電話中說：「演員好慘，最初只係拎住四集劇本。所以拍攝過程會盡量配合演員，但絕對唔係偏心邊個。」有指南方舞廳不停加碧兒戲份，但碧兒中文不太好，兩導演曾為此與南方舞廳爭拗，並要求每次有碧兒場口南方舞廳就要到場，25解釋：「我覺得同南方舞廳最大分歧，係佢由一開始就叫演員唔使聽我哋講，試過叫廖碧兒呢句唔使講，佢話南方舞廳話要講，咁呢啲位就麻煩囉。減佢對白係幫咗佢，偏心邊個對套劇有乜幫助呢！」廖碧兒的經理人昨日回覆謂：「冇不愉快事件，冇加戲亦冇減戲。」

周家怡昨則說﹕「我哋最初開會時，都唔知瑪嘉烈係咁水性楊花，但我最concern係自己演唔演到一個咁嘅女人。」家怡表示除了最後一場重頭戲，其他都沒有改劇本，問有否與碧兒爭戲份？她高八度說：「梗係冇啦！一套劇好睇唔係一個人嘅事，全部角色都應該要發揮效用。」 對於兩位導演指控及連串是非，金廣誠前日拒作回應，南方舞廳則透過WhatsApp說：「我聽咗兩次《沉默是金》。」而據知ViuTV極不滿兩導演所為，決定今後不再合作。 採訪：魯吉、嵐山

是非停不了　碧兒家怡爭戲引爆導演數臭監製

ViuTV《瑪嘉烈》劇完是非未完 碧兒家怡爭戲份　引爆導演數臭監製

韓劇《愛你的時間》男星李鎮旭日前捲入性侵案，警方昨日發表新進展：「於本月22日及23日再傳喚原告A小姐受查，綜合目前雙方口供，A小姐誣告李鎮旭的可能性好高，將會集中調查是否涉誣告。」早前警方採集李鎮旭的DNA與A小姐提供的內褲做比對，結果顯示DNA一致，證實兩人有發生性關係。而A小姐的代表律師昨日表示因與原告人的信賴關係嚴重受損，所以宣佈辭去代表律師一職。

李鎮旭獲警方撐冤枉

無綫近年鬧花旦小生荒，連舊將林文龍同宣萱都被急召回巢，孭飛參演新劇《不懂撒嬌的女人》，有指呢套劇落重本製作，林文龍同宣萱日前喺將軍澳一個商場拍外景，林文龍未埋位之前，係咁向身邊助手指手劃腳，兼念念有詞記對白。而宣萱都一樣劇本不離手不停猛刨，希望埋位時做到最好。兩位前輩咁勤力，同佢哋合作嘅後輩一定唔敢懶散。 撰文：馮仁昭

當年今日