由黃子華、陳法拉同劉俊謙主演嘅舞台劇《前度》噚晚（1/7)正式公演，連埋加場合演35場，醉心演戲嘅陳法拉，在事業高峰期，選擇去美國進修為期4年嘅戲劇碩士課程，被子華稱為「瘋狂的人」。 今年7月迎接新挑戰，同「男神」黃子華合作處女舞台劇《Skylight》（前度），該劇改編自同名英國著名舞台劇《Skylight》，出自英國政治戲劇元老SirDavidHare手筆，劇情唔止著眼於愛情及兩性關係，更探討角色嘅社會背景及價值觀。 法拉今次可以將過去兩年喺課程上學到嘅新技巧大派用場，同時向大師級子華偷師，對於曾於電影飾演夫婦嘅法拉及子華，今次「再續前緣」默契十足，當初亦因為子華無心插柳，先促成今次兩人再度合作，法拉進修期間，子華無意間睇過《Skylight》，發現劇中兩位前度角色非常適合佢同法拉，隨即隔空邀請，子華表示：「我本來不打算做，純粹口痕說角色適合我們，但法拉竟然『大言不慚』，表示4年後才有空參與。」 機緣巧合下，法拉其後於美國睇過《Skylight》公演，好鍾意個劇本，佢就講：「故事很適合香港人欣賞，然後便開始研究可有機會將該劇帶來香港。」結果唔夠兩個禮拜，法拉抵受唔住故事嘅誘惑，答應子華演出，子華就話：「起初我邀請她，她又叫我等4年，最終演技發燒狂都要找人開刀練習，這是很好的巧合及緣份。」法拉亦賣口乖稱：「這是大好機會向前輩學習。」 提到《Skylight》最吸引之處，法拉認為呢套劇故事複雜，但不失輕鬆幽默情節，「話題不只是感情戲或談及社會話題，是將真實生活中的愛情、親情、成長混合一起，視乎觀眾怎樣看，只要覺得某部分有共鳴，便會擊中觀眾的心。我每次看劇本、其他劇團表演也有不同感受，有時候認為愛情或親情是命題，但有時候又會發現命題是社會主義及資本主義的對話。」而子華則透露好辛苦先拎到劇本，「此劇出自大師手筆，雖然演員不多，但濃度高，含水量很低。」

【演處女舞台劇】口痕撩陳法拉再續前緣！黃子華：她又叫我等4年

近來唔少童星出身嘅美國青春女歌手為咗撇甩稚氣形象，都紛紛行性感。繼SelenaGomez喺大碟封面近乎全裸上陣後，另一青春女歌手23歲DemiLovato出新歌《BodySay》亦行性感。 Demi噚日喺instagram公開咗宣傳新歌嘅黑白照，當中見佢全裸上陣，喺床上大擺甫士。其中一張見佢背向鏡頭坐起身，頓時露出玉背之餘，仲露出少少股，相當大膽，不過都算幾有藝術美。

青春女歌手DemiLovato床上全裸谷新歌

明星玩ig越來越勤力，polookoftheday更是常事。阿Sa(蔡卓妍）昨日在ig上po了由造型師搭配的喱士裙全身相，更開心hastag自己是「正菜妍」，相當搞笑。 阿Sa「＃正菜妍誠意推介」的連身喱士裙，其實正是過去一年喪多星著過的Self-Portrait，品牌主打縷空喱士，喱士組合拼貼有新意，時尚優雅中亦帶少女味，最無敵是價位相宜，二三千起跳，成功吸引一眾女星，由有米阿太級郭可盈、顧紀筠，到後生女星名人何超蓮、吳千語都有著過。 更多美容、時尚新聞，即上： http://add.appledaily.com

【短片】【add即時．尚】自封「正菜妍」阿Sa推介中價喱士裙

夏天，為大地帶來美腿，為大海帶來泳裝，今次同大家去到布吉一間酒店，睇下宇宙級嘅泳裝，冇錯！就係宇宙巨G.E.M.鄧紫棋嘅泳裝喇！最近佢就喺facebook貼咗啲佢旅行嘅相。 好似噚日咁，佢就貼咗兩張喺泳池邊嘅相，大晒佢嘅小蠻腰、同唔係好粗嘅大髀，一洗之前佢肥嘅說法，睇嚟為咗夏天落咗一番苦功喎，不過因為件泳裝唔有啲布擋住咗佢好身材，睇唔到佢嘅「偉大」。 不過唔使擔心，今日佢就再貼咗啲新相出嚟，就係佢出海玩嘅相，仲著咗真正嘅三點式，仲好大方咁影咗張相，大晒佢嘅好身材，雖然話佢瘦咗，但係個胸就冇瘦到，都有返咁上下偉大喎！ 其實今次宇宙巨G.E.M.係同佢屋企人去玩，佢仲貼咗張佢同堂哥影嘅相，不過堂哥個樣就用個貓貓公仔遮住咗，但冇遮住宇宙巨G.E.M.就得喇！

【短片】【原來我可以瘦！】宇宙巨G.E.M.三點…式盡露大奶奶仲喺度

「男神」呢兩個字，成日都聽到人講，個個都可以係男神咁，但又有冇一個係大家公認嘅男神呢？今日高登瓊姐就喺facebook搞咗個娛圍男神選舉，實行要搵一個真男神出嚟。 今次瓊姐搞嘅男神選舉，就人人都可以提名，只要提名瓊姐睇完核實咗之後，大家就可以一like一票，嚴格嚟講都算係一人一票(有幾個facebook帳號另計)。 個post出咗短短個幾鐘，已經有好多網民提咗名同投票，被提名嘅有：劉德華、郭富城、金城武、黎明、黃子華、張敬軒、碧咸、周星馳、JohnnyDepp、盧海鵬等等，不能盡錄。 而暫時得票最高就係黃子華，暫時以2304個like領先，黎明就以976個like緊隨其後，網民睇好子華：「子華神應該無對手。」「真係3歲到80歲嘅男同女都會認同佢係男神嘅事實，無得輸。」「黃子華眾望所歸！」連王宗堯都留言話﹕「子華堅啊！」 個選舉7月12號就會截止，7月14號就會公佈邊個係真正嘅男神，到底子華係唔係真係眾望所歸呢？

【一like一票】瓊姐搞「堅係‧男神」選舉子華無懸念領先

「祥嫂」洪金梅前晚現身北角睇粵劇，李居明爆料指無綫打算開戲曲台，還想播祥哥生前在東華籌款時唱粵曲的片段，當祥嫂知道是商業用途，即時表態不同意，問祥嫂無綫可有聯絡她？她說：「未，頭先啱啱阿大師（李居明）同我提過之嘛。」 祥嫂表示支持搞粵曲台，但因片段之前是以慈善方式做，所以不應該包裝成一個商品，或者廣告推出，祥嫂重申：「免費台呢就應該嘅，可以畀大家欣賞，唔好下下講話要畀錢，如果你話TVB攞出嚟播，不論你收廣告好、收其他費用都好，我祥嫂覺得唔同意，亦都唔應該。」 採訪、攝影：馬建華

祥嫂反對無綫借祥哥搵錢

林奕匡前晚在銅鑼灣HMV擔任店長，負責賣自己的新碟，現場還送簽名靚相給買碟的歌迷，做了一個小時，生意都不錯，他說：「我6月生日，已經同歌迷講咗將買禮物啲錢，捐去惜食堂，憑收據就可以得到一杯我沖嘅特飲。」他表示稍後會去台灣兩個星期，行程緊密，現在先要練好普通話，另外因為要專心工作，所以這次不會帶女朋友同行。

林奕匡做店長冧粉絲

榮升準媽媽的陳敏之，一向對小朋友愛心爆棚，經常在fb貼與友人子女的合照，她在3月更與在網絡上有200萬點擊、「爆喊B教子短片」中的「喊咗舒服啲」Ronnie BB見面兼玩facebook live。敏之一見Ronnie即問他是否「喊咗舒服啲」，又送上朱古力豆𠱁Ronnie跳舞唱歌，最後獲Ronnie咀嘴及錫面的她，盡顯一副冧爆樣。

【母愛氾濫】密會「喊咗舒服啲」BB

舊時好，係咪真係好呢？動主播Cathy日前去到銅鑼灣同啲街坊傾吓舊時，仲講咗唔少佢哋嘅童年回憶呀。「嗰陣時錢好矜貴，斗零你都未見過啦。嗰時有句口頭禪『恭喜發財，利是逗來，斗零唔要，一蚊袋落袋」、「細個搭電車好逼」、「雪糕新地以前好大杯，好似4蚊咋喎」。想重拾番呢啲咁珍貴嘅回憶，唔一定要有時光機嘅，依家去銅鑼灣就有啦！

由依家至到7月5日，喺銅鑼灣就可以見到六個由罐頭砌成，充滿童年回憶嘅展品，當中包括豬仔錢罌﹑電飯煲﹑沖涼鴨仔等。呢個展覽由「惜食堂」舉辦，大家仲可以揀出自己最愛，喺網上投票，勝出嗰件作品，更加會代表香港出戰 Canstruction 國際賽。展覽完結後，「惜食堂」仲會將有關罐頭食品配合其他營養食材，製作成飯餐送畀有需要人士。大家一於趁假期嚟個童年回憶大回歸啦！

雖然香港喺回歸呢19年嚟有唔少改變，不過「有衣食，唔浪費」係美德嚟，一定要keep！ 活動詳情 全「誠」罐膳心2016（Canstruction） 地點：希慎廣場及利舞臺 展覽日期：即日至7月5日 投票網址： http://www.foodangel.org.hk/canstruction/school.php?sid=56&lang=zh 記者：植詠珊 Cathy 攝影：Teddy、Neo 剪接／後期：William

當年今日