星期日本欄講沽名釣譽應受鼓勵，立即有反應。下午到馬場，碰到一位大學榮譽博士，佢捉住左丁山講：「喂，你篇嘢即係諷刺我沽名釣譽啫，我以前捐錢，大學頒個博士學位畀我，有乜唔啱。」唉吔，左丁山唔係咁嘅意思，啱啱相反，左丁山認為富翁捐咁多錢以供大學發展，攞番個榮譽博士學位，並無不妥，之不過，用咗「沽名釣譽」呢四個字，好可能過份刺激，惹人反感，左丁山喺呢度講句「鎖你，鎖你。」

英國人統領殖民地，最識得用一套誘因制度（incentivesystem），用以鼓勵當地人捐款做慈善或義務為殖民政府做好多工作。嗱，以前凡係做過東華三院、保良局主席、總理，就有OBE、MBE。太平紳士等榮銜頒發，做公職做得多，如乜乜委員會主席、物物諮詢委員會主席、成員，亦都有不同層次嘅CBE、OBE、MBE獎賞，最高最巴閉嘅榮銜就係頒個爵士銜。你話當年冇呢啲荷蘭水蓋頒發，邊度有咁多人爭先恐後咁捐錢做善事，免費為殖民政府效勞呀。特區政府成立後，仍然按以往習慣頒發紫荊勳章，甚麼GBS、SBS、BBS，好多人都不大了了，冇以前咁威風咯，但誘因制度之本質，五十年不變。<BR> 當然，社會上有不少善心人士，為善不欲人知，不望回報，絕對值得尊敬。不過左丁山經常以為，公開捐款人士姓名，給予榮譽、讚揚，可發揮示範性作用，刺激啲有錢人願意捐多啲；捐錢都有競爭一面㗎，為善不甘後人吖嘛。<BR> 或許因為社會制度問題，發展中國家啲窮人往往要靠私人扶貧。在東南亞國家，凡有華人富商之地，就有善堂之設，如泰國之「報德善堂」，專做一啲賑災、派米、扶危、義莊之事，善款來自華人富商，行政管理亦由富商指揮，佢哋嘅大名經常在華文報紙出現。如果有人話佢哋沽名釣譽，佢哋就真係釣得好，佢哋對當地窮人貢獻甚大，乜嘢名譽都應該畀佢哋啦！

做善事應有名譽 - 左丁山

沒有人願意自己受到秘密監察，無論這個人是否有不可告人之事。條例草案沒有清楚地說明，什麼人會在什麼情況下受到秘密監察，此外就不會。剛相反，草案說明，為了預防或偵查嚴重罪行，或保障公共安全，就可以按照草案訂立的方式，名正言順秘密監察任何人。這個人可能是律師，可能是記者，可能是議員，可能是普通人；他們不必涉嫌犯罪，亦不必是意圖暴力推翻政府或擾亂公安，也一樣有可能被竊聽、偷窺、截取電腦通訊，而得到的資料如何使用，被監察的人可能永遠查不出來。即是說，即使政府不遵守法例，也沒有任何有效的制裁。議員哪能接受？

當年今日