台灣組合五月天的鼓手冠佑昨日在台灣去髮型屋剪髮時，其大肚未婚妻王行芝陪伴在旁，已有三、四個月身孕的王行芝，將於25日和冠佑拉埋天窗，而五月天也將在下月於台北巨蛋開演唱會，對冠佑來說快做爸爸、結婚、開演唱會可謂是三喜臨門。

五月天鼓手家庭事業三喜臨門

由亞洲七間電台搞嘅「第六屆全球華語歌曲排行榜」，日前喺廣州舉行記者會，出席者有代表香港嘅衞蘭、台灣嘅TANK、北京嘅水木年華同廣東嘅張敬軒等等，現場頒發第三季15首金曲，張敬軒、王力宏、張韶涵同張惠妹霸咗前四名，衞蘭嘅《心亂如麻》都入咗圍，排第11。

衛蘭好歌入華語榜

許志安同朴恩惠（左）主演嘅電視劇《Silence深情密碼》，喺台灣收視唔錯，安仔知道後好開心，雖然佢𠵱家忙緊錄唱片，但仍然決定聽日去台灣宣傳。劇入面安仔有英雄救美嘅場面，一個打走三個流氓，仲為咗醫朴恩惠嘅病，不惜做苦力賺錢。安仔話呢啲係濕濕碎，佢學生時代大熱天時派傳單，差啲中暑暈低，後來仲試過賣豬肉賺錢㖭。

安仔做慣苦力

三天後世界盃就開鑼，全球狂熱下，有關WorldCup的精品數之不盡，high-end品牌當然也有不少應景之作。繼Tod'S的限量真皮足球後，意國品牌Anteprima剛剛推出的限量版世界盃足球，時裝味更濃。 這個名為Plastiqfootball的足球，基本上如一個戴上毛冷套的足球，雖然觀賞價值高於實際用途，但仍可讓時裝人感受這份狂熱。足球由人手針織了32個國家國旗，靈感來自品牌最signature的Plastiqbag，只在意大利、日本及香港三地發售，全港限量10個。 TextbyM2 本欄逢星期一至五刊出

潮流感：Anteprima盡攬世盃32強

無綫重頭劇《火舞黃沙》收視再度下跌，昨日公布上周兩台收視，《火》劇平均收視只有30點（約193萬觀眾），周二的收視更一度跌至28點（約180萬觀眾），以投資千萬的大製作來看，收視實在未如理想。

至於亞視上周以新劇《情陷夜中環2》對撼無綫的《火舞黃沙》，平均收視雖然只有6點（約39萬觀眾），至周五播出的一集的尾聲，講述陳寶轅將葉璇強行拉入房的強姦戲，雖然尚未到戲肉，但最高收視即升到7點（約45萬觀眾），自知是弱台的亞視期望吸納一班另類觀眾，單是一場葉璇被姦戲，便由星期五拖延至星期一，吸引觀眾追看，收視便可橫跨兩周，認真佩服亞視的剪接人員。 《情陷2》一眾女演員之前雖頻頻以是非及穿比堅尼宣傳，可惜收視仍未有任何大突破，不過能搶走對台《火》劇兩點收視（約13萬觀眾），都算是半點安慰吧！ 至於無綫另一劇集《飛短留長父子兵》的平均收視為31點（約199萬觀眾），雖然比前一周少了六萬觀眾，但收視仍跑贏《火舞黃沙》。而周日播出由鄭中基主持的《美女廚房》收視也不俗，平均收視高達32點（約206萬觀眾），成為上周兩台收視最高的節目。

此外，無綫明珠台在周日晚上播出的《變種特攻2》（X-Men2）平均收視11點（約71萬觀眾），最高收視為13點（約84萬觀眾），暫成為本年度明珠台的收視最高紀錄。 撰文：卓美娟

《火舞黃沙》愈撥愈沉 葉璇被姦搶無線13萬觀眾

Christine：我實揀阿Gill，佢人靚聲正，唔揀佢揀邊個？ 烈女：若果在卡拉ok睇，一定要選鄭融（等佢跳吓舞都好呀）；若果在茶餐廳睇，就要揀千嬅（佢係最唔顧儀態嘅）。 尼斯達：睇完老馮日記即刻要投Tiffany一票，正！ Pinky：首選千嬅啦，又搞笑又玩得。 MatthewLo：玉女組，呢組係老中青之爭，首選梗係Fiona。

May：「梗係梁詠琪啦，我係佢fans嚟，可以同偶像一邊睇波一邊食零食簡直夢寐以求嘅事，最好去間大K房睇，中場時間可以一齊唱吓歌。」 Daniel：「梗係陳慧琳啦，佢係我偶像，最緊要陳慧琳夠靚女，如果可以約埋大班朋友一齊喺酒吧睇就最好啦。」 阿威：「我鍾意阿Sa（蔡卓妍）一齊睇波，一來佢個人夠Cute，二來見佢平時形象都幾活躍，睇波時都會多啲聲氣。」

投票網址：www.atnext.com/footballpoll 投票日期：即日起至本周五（9日）中午12時 揭曉日期：本月11日，刊於《蘋果日報》娛樂版

網友愛千嬅夠放

楊思琦昨日獲廣告商邀請，宣傳全新紙包裝粟米。為配合商品，思琦特意選了一條黃色露肩民族裙現身，當她俯身與兩位小朋友炮製三文治時便不停跌膊，可能思琦太過集中整三文治，直至見到打底紅色tubetop，她才拉高領位。 思琦表示其撚手小菜是黑椒牛仔骨，不過男友李永豪從未嚐過，她尷尬地笑說：「因為我每次肚餓都會胃痛，所以次次我都話不如出街食唔好煮。」 日前楊思琦的私家車被撞花，事情終獲解決，雙方和解，她說：「終於可以整番架車，唔使花晒咁肉酸。」 採訪、攝影：馬建華

當年今日