2015歐聯決賽，今早凌晨二時四十五分在柏林舉行，由巴塞隆拿對祖雲達斯，賽前預測當然係巴塞贏面甚高，畢竟前鋒線有MSN組合（美斯、蘇亞雷斯、尼馬），剛好係南美洲三位最佳前鋒，阿根廷人、烏拉圭人、巴西人走埋一齊合作，在剛結束嘅球季，三人共射入120球，係一個空前紀錄。剛好意大利球會係「十字鎖」防衛戰術之發源地，祖雲達斯能夠踢贏皇馬進入決賽，絕非省油的燈，今次MSN圍攻鐵桶陣，即使贏都未必輕鬆，但有美斯助陣嘅隊伍，永遠要睇高一線。 歐聯由歐洲足協UEFA主辦，歐洲國家盃亦然，每次都吸引數以億計全球球迷睇直播，係四年一度世界盃以外，最賺錢嘅足球賽，因為歐洲足協有最多錢，最多世界級球星在歐洲踢波，UEFA嘅影響力其實好大，足與國際足協FIFA抗衡。FIFA主席白禮達在任17年，在佢眼底下，FIFA成為一個貪腐機構，目前陷於公信力危機，UEFA公開反白禮達，英格蘭足總代表本是FIFA執委會成員，見白禮達獲選連任，立即辭職，表示羞於與白禮達為伍。 照計美國FBI目前雖未指控白禮達，但堂堂FIFA委員，竟有多人被捕，北美中美及加勒比海足協前會長華納收南非一千萬美元「大禮」，有晒證據，在其他機構，主席必定引咎辭職，但白禮達面皮厚，憑平時向亞洲非洲足協（以發展足球名義）大派津貼，故此今次5月29日選舉中，佢仍然以133票對73票擊敗對手阿里王子連任。今次嘅FIFA貪腐風景，顯示出歐洲人與亞洲人嘅思維完全唔同。UEFA唔駛FIFA派錢，對白禮達非常反感，要趕佢落台，但亞洲非洲人眼中，只見金錢恩惠，不計其他，照樣死力支持白禮達，包括香港在內。中國足球正因為貪腐，歷年沉痾不起，習近平愛好足球，親自過問，又在全國大打貪官，照計唔應該支持貪腐入骨嘅FIFA嘅噃，但中國完全唔出聲，都唔知為乜事，唔通因為呢次打貪係由美帝國主義警察出手，故此默不作聲？好彩，習近平還不至於學俄羅斯總統普京，公開力捧白禮達，斥責美國多事。呢個世界有好多不平之事，FIFA係跨國獨立組織，因財源過厚（即我地球迷奉獻），不怕任何國家規管，是故夠膽收錢收得就收，點知道美帝咁鬼多事嘅啫，美帝好似好霸道，但呢次干預外政，大快人心噃！ （按：79歲老翁白禮達厚面皮難敵FBI調查，在6月2日瑞士時間晚上6時45分見記者宣佈辭職，支持佢嘅香港足協應自摑幾巴掌。）

【即時文摘】美帝干預快人心（左丁山）

白羊座：面對工作挑戰宜採取謹慎態度，不要鹵莽行事，衝動是沒有用的。 金牛座：約會宜穿白色衣物，今天有人請你吃飯，天南地北開心聊一整晚。 雙子座：真命天子出現了，若佩戴粉晶飾物加以配合，或可遇到美滿良緣。 巨蟹座：事業上遇到強勁競爭對手，只要有信心定能擊倒對方，努力加油。 獅子座：嫌棄情人沒有情趣，氣得你說不出話，想分手？冷靜下來再算吧。 處女座：吃力不討好，別多管閒事，槍打出頭鳥，做好自己本份方為上策。 天秤座：創意無限的一天，把今天想到的統統寫下來，對將來或許有幫助。 天蠍座：家中發生變化，令你精神緊張，放工即刻回家，快安撫家人情緒。 人馬座：今天是郊遊好日子，不妨郊遊呼吸新鮮空氣，好好享受藍天白雲。 山羊座：受幸運之神眷顧，你相信世界還有奇蹟，做人做事又充滿幹勁了。 水瓶座：遇到較現實的朋友，小心因財失義，吃喝玩樂可以，最好別合作。 雙魚座：暗戀對象對你忽冷忽熱，令你煩躁，方寸大亂的你不知如何是好。

當年今日