林芊妤（Coffee）雖然工作忙碌，但佢更忙都會抽時間陪囝囝──講緊係佢兩個可愛侄仔呀，噚日係假期，Coffee就專誠帶兩個侄仔率先睇《迷你兵團》，相信Coffee侄仔見到啲Minions，應該開心到爆，而Coffee就話侄仔未出發先瞓覺，一坐上巴士就眼瞓，侄仔仲撲喺Coffee心口呼呼入睡，Coffee笑言雖然做咗一日「BB座位」，但絕不介意，唔少網民讚Coffee母愛滿瀉。

【母愛滿瀉】樂做「BB座位」
Coffee陪侄仔睇《迷你兵團》

工作狂的莫文蔚（Karen)與德國籍丈夫Johannes結婚將近4年，婚後Karen在工作上依然拼搏，兩公婆經常分隔異地，今年9月她又將舉行「看看世界巡迴演唱會」，至少半年時間冇得見面，Karen說：「好驚呀！演唱會喺香港綵排，一開始就要每個禮拜表演，所以應該有半年時間番唔到英國，都唔知點算好，要老公諗吓辦法。」 Karen與老公經常分隔兩地，但她就喜歡小別勝新婚的感覺，回到英國就變做平凡人妻，萬能的丈夫更為愛妻下廚煮愛心餐，「通常都係老公煮畀我吃食，佢鍾意煮意大利菜，喺英國就過好普通嘅二人世界，老公放工後就一齊買餸返屋企煮飯，得閒睇吓舞台劇，過好普通嘅生活。」 事業上Karen是女強人，在丈夫面前可會變回小鳥依人？「哈哈，喺屋企我都係女強人，老公遷就我多啲，我唔係要話晒事，兩公婆有商有量，我哋實在太了解對方嘅性格，由17歲識佢，佢好識點handle我。」問Karen會給自己做太太角色多少分數？她二話不說：「梗係爆燈啦！」 近年圈中女星多嫁老外，包括莫文蔚的好友梁詠琪，還有李玟、周汶錡和官恩娜的另一半都是外國人，為何她們不揀港男嫁老外？Karen說：「其實世界社會一路喺度變，唔單只係圈中藝人，其實世界已經越來越冇咩界限，你去接觸唔同地方嘅人同文化，或者去唔同地方工作嘅機會都多咗，唔同上一代，所以同來自唔同地方嘅人結婚一啲都唔出奇。」 更多時尚新聞，即上： http://add.appledaily.com

【add即時．尚】萬能老公愛下廚
莫文蔚樂做無飯主婦

今日有周刊爆，男友Phil瞞胡杏兒北上拍劇去夜場鎅女，媾32C翻版「栢芝」CrzTo(陶枳樽)不時耳語兼輕撫玉臂(新聞連結： http://bit.ly/1GPB40a )。 本報今日問過杏兒，佢透過短訊回覆：「Crz是Philip好友的女朋友，當晚大家都在場，傾偈時男友就在旁邊，而最好笑是他們整個談話過程不到十秒，就可以變成一個峯迴路轉的封面，Philip有很多朋友，當中包括男性及女性，和朋友交談很正常，大家真的不用太緊張，下次再影到我也沒必要再解釋了，thankyouandhaveagoodday!!」

【短片】【撐男友冇曳！】翻版「栢芝」係人哋女友
胡杏兒：談話過程不到十秒

Marvel超級英雄電影《蟻俠》（Ant-Man）雖然本月中先正式上映，但近日宣傳開始越嚟越多，扮演螞蟻俠嘅保羅活特（PaulRudd）仲被安排於荷李領取名人之星，太太Julie、一對仔女Sullivan同Darby都有到場支持，阿仔Sullivan更向老竇送抱！至於同佢一齊演出嘅金像影帝米高德格拉斯（MichaelDouglas），更上台發言力撐保羅。 《蟻俠》亦公開咗一條新預告片，係米高扮演嘅博士教着起戰衣嘅保羅，點樣縮細自己身體穿過個門匙匙，但佢係咁失敗撞門，十分搞笑。

「蟻俠」領名人之星
老婆仔女支持

離巢大台嘅胡杏兒，上年同有「港姐殺手」稱嘅金融才俊李乘德(Phil)熱戀中，現年35歲嘅杏兒踏入適婚年齡，一直表明恨嫁，早前已傳佢同男友有共識，計劃年底拉埋天窗，不過，杏兒現時轉攻內地市場，拍緊《領養》，冇時間做跟得女友，男友更被爆只係佔夜場Play嘅二十分之一嘅股份，亦唔係公司董事，更冇物業喺手，早前仲搬咗去杏兒嘅單位同居(新聞連結： http://bit.ly/1T7Y1UX )。 今日有周刊更爆，Phil趁杏兒北上拍劇，佢仲鎅32C翻版「栢芝」CrzTo(陶枳樽)，據知，CrzTo亦係參加過選美出身，據知，Phil最近成日去銅鑼灣一間酒吧去玩，嗰度不時有唔少「竹升妹」夜蒲。 周刊於上個月23日，影到Phil同翻版「栢芝」CrzTo玩得好埋，風趣嘅Phil更主動氹對方開心，輕撫CrzTo嘅玉臂，據知情者向周刊指，Phil多數夜晚9點幾就同喺夜場打躉，傾得埋仲會同啲「竹升妹」又錫面又攬腰。 據知Phil當日滿場飛，掟完乒乓球又擲飛鏢，當Phil發現有周刊記者在場，佢即用眼神啤一啤對方，丟下CrzTo就走，Phil貴為夜場「Play」股東之一，玩夜場game一向好叻，其實未向CrzTo出冧招前，已向一個大露背「竹升妹」玩得好埋，二人不時咬耳仔，睇嚟Phil落場真係好快冧到女。 周刊都有問番CrzTo當晚係唔係畀Phil媾，CrzTo就話嗰日好多藝人都有落去，指Phil本身鬼仔性格、好熱情，佢哋之前已經識，係見面傾兩句，冇留意對方當時係唔係四圍媾女。 報道又指，手揸成4千萬物業嘅杏兒，一直視男方為結婚對象，Phil都知女友嘅心意，有傳男方早前同杏兒去馬爾代夫已趁機求婚，佢哋返港之後，男方仲搬去杏兒屋企。

【短片】【瞞女友夜場鎅女】杏兒北上拍劇
Phil媾翻版32C「栢芝」撫玉臂

大台黃金檔兩線劇被大陸劇佔領，師奶觀眾局住睇…但原來又未必，至少仲有一部份師奶會sayno。 由星期一播到星期七嘅《武則天》，收視先跌後回，女主角范冰冰即刻度期來港造勢兼慶功；至於大導王晶八點半嗰套《風雲天地》，第一日係高開報捷，平均有26點(約168萬人次)，最高有28點(約181萬人次)。王晶更曾表示，收視一定會過30點(即約194萬人次)。 不過，《風雲》/《天地》播出後，即刻被網民揶揄係非一般「膠劇」，除咗劇情膠，連主角都一樣咁膠，收視係咁跌，上周五播第五集，更一度跌到20點(約129萬人次)，冇咗8點，即流失約517,280人次。 7.1公假日，《風雲》/《天地》收視報數平均22點(約142萬人次)，低過三線劇中唯一一部「港劇」《愛．回家》，王導當日聲稱劇好不怕被抹黑，自信會招來四方客，似乎就…… 都係嗰句，一男子造就一台獨大，收視壟斷，同時強國股東接連入主大台董事局，連內地觀眾都唔睇嘅《西遊記》都放喺黃金時段播，早前又宣佈同阿里巴巴合作，打造迎合內地市場嘅「港劇」。這是文化接軌還是潛移默化洗腦？王晶會否說又是抹黑？

【短片】【師奶sayno】大陸劇佔領兩線黃金期
《風雲天地》跌至20點

鍾麗緹（Christy）早前被爆同細佢12年嘅內地男演員張倫碩，因拍真人騷《如果愛》而爆出愛花，譜出姊弟戀，今日兩人接受訪問時，未因為爆緋聞而尷尬，反而態度親暱影相，而Christy亦讚男方浪漫。 經歷過兩次婚姻嘅Christy，被問到會否考慮第三次結婚？佢即大笑：「嘩，唔會有第三次咩？自己覺得緣份要順其自然，要睇兩個人夾唔夾，睇個天嘅安排，以前淨係諗要個人好高、好有名、成功，0依家要睇緣份。」 Christy透露會與三個女兒講感情事：「大女18歲都已經有拍拖，我會同佢傾點睇男人對自己係好唔好，叫佢唔好諗咁深同期望太大，因為佢出年返加拿大讀大學，可能會分開，最緊要每日都開心，會同佢分析。」另外，問到三個女兒會否選美？佢笑言：「大女比較內向，第二同第三個可能會，佢哋好鍾意上電視。」

【考慮第三次結婚？】鍾麗緹大笑：
要睇兩個人夾唔夾

吳綺莉跟囡囡不和，圈中不少藝人曾經歷過，當中有能重修舊好，有些不相往還。

容祖兒15歲時父母離婚，她與弟跟母一起生活。去年11月，容父欠債被貼街招，祖兒經理人霍汶希代為表示以後容父不管發生任何事，都跟祖兒無關。

梁齊昕曾多次在社交網站炮轟母親梁唐青儀表裏不一，又指母親曾推她埋牆及出言辱罵，齊昕更因此離家出走。但齊昕與父親梁振英關係卻要好，早前CY於超市買魚生與齊昕撐枱腳。

周杰倫父母早已離異，周董與母親生活。初出道時，周董寫了一首關於家暴的歌《爸我回來了》，被指是對父親的控訴。但之前結婚，父親也有出席。

李彩華曾自爆為父還了近七位數字的債項，一度與父親劃清界線。但隨着內地知名度提升，李彩華的身家急升不少，與父親的關係亦得以改善。

蔡少芬早年傾盡積蓄為嗜賭如命的母親還債，之後蔡少芬開記招宣佈脫離關係，到04年蔡少芬信奉基督教，才與母和好。

名伶新馬師曾於97年離世後，留下遺產約四億二千萬元，祥嫂洪金梅跟四子女爆爭產風波，關係決裂十年，至06年子女為祥嫂擺61歲大壽才破鏡重圓。

當年今日