影后劉嘉玲近年踩入唔同行業，喺商界大展拳腳，其中佢喺上個月18號喺上海自家工作室正式宣布用佢個英文名CarinaLau成立品牌，首波推出紅酒同香檳，更於阿里巴巴旗下嘅天貓商城開賣，至今個幾月，已經賣出超過25萬支。阿里巴巴總裁馬雲今日更請咗嘉玲姐去到杭州西溪園區企業總部見面，嘉玲姐仲帶埋喺法國合作嘅酒莊夥伴到訪，非常大陣仗。 雖然馬雲同嘉玲姐唔係初相識，但話晒今次係以生意夥伴嘅身份會面，所以佢哋都有準備見面禮，馬雲送咗一對有寓意嘅公仔畀佢，而嘉玲姐就梗係送上啱啱由法國香檳區空運嚟嘅頂級金瓶CarinaLau香檳畀馬雲。 馬雲話，希望明年農曆年前，嘉玲姐啲酒嘅銷量可以突破1,000萬支，刷新紀錄。

【見面禮係咁送嘅】劉嘉玲送頂級香檳馬雲用公仔做回禮

全智賢日前宣佈陀B十周，轟動亞洲娛圈！懷孕初期的全智賢未有即時全面停工，反而在韓國頻頻現身，過去一個月積極宣傳新片《復國者聯盟》，非常勤力，早前穿上ThomBrowne、Givenchy西裝散發有型魅力。 陀B十周的全智賢依然狀態大勇，在接受訪問時穿上粉色tweed鬆身裙，大方甜美，換上另一件黑底白字「#DOYOUSPEAKBALMAIN」背心，襯rufflesot短裙，潮人街味打扮型在骨子衽裡，傘形的ruffles亦巧妙地收好肚仔，加上得天獨厚手腳還是纖幼非常，至靚準媽媽當之無愧。 更多時尚新聞，即上： http://add.appledaily.com

【add即時．尚】一周之最：全智賢有喜有型初孕look未見肚

台灣樂團蘇打綠一連4場《蘇打綠2015再遇見》世界巡迴香港站，噚晚0係紅館開鑼，開三面台，全晚只係換咗兩套衫，青峰、馨儀、阿龔、阿福、家凱同小威六個成員每人著住唔同顏色嘅歌衫，好似條彩虹咁，另一套就係銀色。 開騷喇!阿福話想聽下粉絲嘅聲，叫佢哋大聲嗌下，觀眾又好聽話即刻大叫，一開場，已經好好氣氛。跟住著紅色衫嘅青峰對住著綠色衫嘅阿福講：「紅和綠，十足搞臭屁。」你一言，我一語咁，蘇打綠台上造氣氛一流，阿福仲話第三次喺香港開騷，上一次開騷嗰時，成員小威上演即場求婚記，0依家小威老婆大咗肚，所以青峰講笑話：「第三次，小威老婆會否在台上生產呢?」 青峰笑話蘇打綠喺香港紅過喺台灣，因為台灣都未試過一連開四場，所以有人問過佢哋會唔會留力唱：「留力太對不起之前看的觀眾，張惠妹開了十場，陳奕迅也開了十多場，我們還年輕，要和前輩看齊。」 阿龔唱到《控制狂》時，冇彈銅琴，而係狂跳舞，仲走去緋聞女友馨儀身邊好落力起勢咁跳，觀眾即刻起哄，阿龔就乘機攬攬馨儀，馨儀怕怕醜醜咁掩面，阿龔再作狀錫馨儀。之後唱《相對論》，阿龔唱到攰，又借啲宜俟住馨儀，青峰都忍唔住對馨儀話：「你腳下有變態佬。」馨儀笑住回應：「是，我還著了短裙。」 青峰全程不停搞笑搞氣氛，再爆料話阿福成日跌野，有次跌左張房卡，於是就入咗阿福房間，仲係佢嘅鏡上面寫咗：「i'mwatchingyou」不過阿福根本就冇發現唔到，最後搞清楚原因，原來阿福根本就唔照鏡。 到家凱同青峰合唱，兩個人坐住升降台唱歌，家凱因為畏高，好驚咁攬住青峰條腰，青峰提議坐低唱會冇咁驚，一坐低就發現家凱條褲嘅重要部份穿咗個窿，青峰即話：「你破洞了，褲中有點紅，那個來了嗎?企喺大銀幕後面嘅馨儀忍唔住大笑，搞到勁尷尬。 最後encore點唱環節，有個男粉絲好熱情不停咁嗌，當青峰走到對方附近時，個男粉突然大聲嗌：「在一起。」嚇到青峰好驚咁話：「我真的有點怕你。」 個男粉更加興趣更加大聲嗌話：「我愛你，在一起。」青峰笑話：「在一起，你有病嗎?」 後台訪問蘇打綠，講到點解歌衫變晒色，佢哋話因為之前都係黑灰白，好悶，想改下色，老闆就決定轉彩色。有冇爭顏色?俾隊友笑似大香蕉嘅小威搶住話：「我怎會挑這色。」彩虹係咪撐同志意思?青峰答：「只不過是這套衫著得久，領先了，不好意思」 上次開騷，小威同太太求婚，依家太太有咗BB，青峰提議佢兩公婆可以一邊唱一邊生，仲可以做埋直播。馨儀同阿龔傳緋聞，大家提議留畀阿龔向馨儀求婚，但馨儀一口拒絕，但阿威做過再做就似做騷。

【台灣都未試過】蘇打綠香港連開四場騷笑言紅過喺台灣

電影《燈塔下的戀人》音樂預告今日於灣仔會展動漫節宣傳，播放預告片及電影歌曲MV，演員蔡瀚億（Babyjohn）、陳慧敏、新晉演員陶禧玲及導演梁德森現身支持。 電影MV主角Babyjohn同陳慧敏喺MV中有唔少親密合作，陳慧敏多次親吻Babyjohn及有個大特寫鏡頭影住陳慧敏痛哭流淚，兩人於台上互動時互嘲對方，陳慧敏話：「要錫babyjohn唔係唔喊嘛。」Babyjohn亦回敬：「我都眼淚在心裡流，你喊到開水喉咁，拍完滴到我成件衫都濕哂。」事後兩位受訪透露原來兩人不僅首次合作，電影中一嚟就演床戲，陳慧敏講明驚畀Babyjohn粉絲詐型。 另外，陶禧玲在試鏡時成功擊敗百多位對手，導演梁德森因為睇中佢有種70年代美感，憑獨特個性脫穎而出。

【動漫節】Babyjohn陳慧敏MV錫錫台上互嘲

梁家輝和老婆江嘉年所生的一對索爆孖女Nikkie和Chloe，今年大學畢業，早前舉行畢業禮時，家輝夫婦都有出席，孖女放了大量畢業禮照片到Instagram分享喜悅。學成歸來的孖女，近日分頭出動，細孖Chloe前日走落街市買餸煲湯，更一天之內連走三場，陪家人朋友食飯聊天；大孖Nikkie昨日則做廿四孝女友陪外籍男友去剪髮。 新聞連結： 【狗仔出更】入得廚房仲識煲湯如果梁家輝個女係我…個女： http://goo.gl/1vrHaA 【狗仔出更】梁家輝索女拖仔剪髮肥咗漲咗仲係咁靚： http://goo.gl/jo3hKe

【短片】【C1頭條】梁家輝孖女分頭覓食
大孖陪仔剪髮細孖約友訴苦

據知聽日娃娃舜就會喺荔園出席活動，而當年狠批娃娃舜、最近轉行做保險嘅江華自己亦翻hit，日前佢接受有線訪問，大談網民將佢同劉江、劉華同劉江華嘅惡搞，包括「四人合體」照，江華大方話唔介意，仲自爆一直都有留意佢哋嘅惡搞，覺得佢哋好有創意，如果擺喺藝術創一定好出色咁話。 之後主持問江華覺唔覺得自己似劉華，江華諗都唔諗就答：「唔似！佢靚仔過我好多！」但講完又笑住補充：「禮貌上我應該咁答！」搞到大家哈哈大笑。不過，佢都正經話好感激網民嘅支持，仲承諾大家，佢一定會拍一部非常精采嘅戲回報大家㖭！

被讚似劉德華
江華禮貌上話：佢靚仔過我好多

林夏薇今日繼續喺位於山頂柯士甸山道嘅豪宅設宴款待親友，而啱啱喺十一點左右，賓客都開始陸續離去，而樂易玲都同佢老公一齊走，走嘅時候問到入面嘅氣氛如何，樂小姐就話好好。 之後再問到樂小姐林夏薇係唔係雙喜臨門，佢就話：「緊係唔係啦！不過都祝佢哋連生貴子。」

林夏薇雙喜臨門？樂小姐：祝佢哋連生貴子

日本富士電視台特備節目《27小時TV》噚晚首播，節目由噚晚黃昏播到今晚播足27個鐘頭，日本組合SMAP都有份參加，五位成員仲同諧星岡村隆史所率領嘅一組落水玩遊戲。 節目就喺泳池舉行，觀眾席坐滿着住比堅尼嘅女觀眾，兩組人唔單止參加游水比賽，仲要玩遊戲，當中SMAP成員中居正廣月初先喺個節目自爆上個月割喉嚨腫瘤，屬工作狂嘅佢好快已經復工，點知呢一日佢仲為個節目落埋水，唔少粉絲都好擔心佢嘅健康狀況。

【上月割完喉瘤】中居搏殺落水錄節目

韓劇《主君的太陽》男星蘇志燮繼上年之後，噚晚再喺台灣舉行粉絲見面會。外表cool到爆但實質係大暖男一名嘅佢，喺見面會上繼續冧爆在場超過3,000名粉絲，出場時粉絲嘅歡呼聲雖然令蘇志燮怕醜微笑，但到之後表演嘅時候蘇志燮就變得勁high，仲首次演唱佢嘅新歌《SoGanzi》。 見面會上，蘇志燮就多次提到自己肥咗好多，不過又話去到台灣呢個美食天堂，加上本身好鐘意食辣嘢，就打消咗減肥嘅念頭。蘇志燮又講到出門旅行時，就會完全放低演員身分，做返自己，會搭經濟艙之外，仲自爆曾經試過旅行時唔沖涼，就咁着件輕便衫，踼對拖就行。蘇志燮仲話試過搭飛機嘅時候遇過一個大叔擘大對腳咁坐，自私行為令佢好無奈。 而被問到平時去旅行都會帶咩時，蘇志燮就話會帶書同埋蠟燭，而一直單身嘅佢，仲漏口話自己好想帶住個女朋友手牽手咁去旅行，可惜仲未有機會。 另外，蘇志燮喺見面會上因為着住西裝現身嘅關係，喺訪問期間都熱到大汗疊細汗，搞到佢係咁抹汗，而粉絲亦趁機大叫「脫、脫」，令蘇志燮尷尬儍笑。

【韓流】蘇志燮台灣開騷自爆搭飛機遇自私大叔

為上位可以去到幾盡？韓國女團要突圍而出，除靠實力外，亦要靠「旁門左道」來製造話題，好像出道五年的四人女團Bambino，上月推出首支單曲《Oppa Oppa》後，正式以歌手出道，不過Bambino日前出席校園活動時，以超短褲上陣的隊長Hadam跳舞時因腿張開而被懷疑冇着底褲，其跳舞短片更在網上瘋傳，短短三日已有逾二百萬點擊，成為全城焦點，但同時卻被網民鬧爆唔檢點教壞細路。

由Hadam、Dahee、恩率和Minhee組成的Bambino，2010年成立時主要靠翻跳其他團體舞蹈在各慶典露面，再憑藉粉絲拍攝的視頻吸納人氣，情況如同上位女團EXID早前靠一段粉絲拍的視頻而在韓國大獲人氣。而Bambino中，成員恩率因身材驕人，加上表演時愛賣萌而令組合為人認識。不過要出位，女團都不惜「賣肉」取勝，表演時衣服越來越少布，性感辣舞更是必需品，再加上網民討論，要紅起來也事半功倍。Bambino似乎深明此道理，她們於本月21日參加某學校祝際演出時，隊長Hadam就以一件單膊貼身背心配一條超短如底褲的牛仔褲「戰鬥look」上陣吸客。 當日音樂一起，Hadam即起勢勁舞，自摸、趷籮、扭腰通通做齊，之後她更來一招半蹲姿態擘大對腳，不停扭動下半身，在一班學生哥面前表演似乎非常不雅，而現場有人拍下她表演短片並上載上網，隨即成為熱話，短短三日已經有逾二百萬點擊人次，網民發現當她做出腿張開的動作時，更疑似冇着底褲，令人大感咋舌，有網民留言怒插Hadam：「點都應該着條底褲再上台」、「甚麼都被人看了」、「露底都要配個淫蕩的表情，像甚麼樣？」亦有人插埋其他女團，指她們為上位而沒有底線。 撰文：施洛冰

上位冇底線　性感韓女團出騷疑冇著底褲

疑冇着底褲出騷 Bambino被轟唔檢點

鍾鎮濤趁着女兒放暑假，日前帶同鍾懿及鍾幗一同到倫敦旅行，先後欣賞哈利波特魔法世界和到車路士足球會參觀，旅程中邱淑貞的11歲二女沈日亦有同行。

已定居新加坡的張栢芝上月趁着兒子謝振軒（Lucas）與謝振南（Quintus）放暑假回港，到山頂蠟像館朝聖，昨日她更帶兩個囝囝回新加坡行科學館（圖），被不少途人野生捕獲。

賭王何鴻燊四房孻女超欣正在英國讀書，趁着暑假，超欣先與母親四太、姐姐超盈與哥哥猷君一同於巴黎欣賞時裝騷，之後一家遊意大利後返港。

有Ball后之稱的薛芷倫與前夫馬清偉所生、現年25歲的女兒馬桂珩（Tess），於倫敦大學修畢英國文學，回港後於香港大學修讀新聞系碩士，Tess現為外國時裝月刊Manifesto的記者。

湯鎮業一對20歲的孖仔君慈（Bruce）及君耀（Chris）樣子俊朗，6月放暑假從美國返港，本打算找暑期工吸取工作經驗，卻獲腕錶品牌天梭錶主動邀請拍廣告，殺入娛樂圈。

星二代的暑假　逃離香港最夠FUN

各有出路：名人二代有乜搞？

梁家輝與太太江嘉年結婚28年，育有一對22歲孖女Nikkie與Chloe，梁家屬圈中公認的模範家庭。梁家輝與老婆的愛情故事十分動人，30年前他剛出道，一度陷入經濟困境，當時於香港電台任製作人的江嘉年，主動邀請他參演廣播劇，二人漸生情愫，90年代傳出黑幫強押藝人拍片，當時梁家輝帶江嘉年到越南拍攝《情人》，卻突被押到菲律賓拍另一部片，江嘉年更遭軟禁，二人共度患難，不離不棄，兩公婆走到哪裏總是十指緊扣。 而梁家輝對兩個寶貝女愛護有加，更曾形容愛女是他生命中的天使，經常與女兒旅遊，不時攬頭攬頸，三父女更曾經一同穿上泳裝拖手合照，認真惹人羨慕！

天倫樂：梁家輝模範家庭

韓國男團Super Junior（SJ）不少成員已先後入伍，好像利特、金希澈、藝聲和強仁都已經當完兵，目前服役中的就有神童和晟敏。據知今年就輪到崔始源、銀赫和東海入伍當兵，近日更有網民在入伍名單中發現銀赫的名字，並指他的入伍日期在下月25日，而據知東海和始源亦通過義警考試，希望能投身義警行列。而SJ成員聯同少女時代、EXO等同門，分別於前日及昨日由韓國飛到日本大阪，準備參加昨晚舉行的SMTOWN演唱會。而銀赫、東海和利特亦於下月1訪台，為服飾品牌「SPAO」宣傳。

當年今日