程芷渝今日以婚紗look喺會展出席婚紗展，原本有份行騷嘅佢，由於流程有啲混亂，最終搞到佢冇得行，不過都有四位數字酬勞落袋，真係少勞多得。 講到對結婚嘅憧憬，程芷渝話：「我都想快啲搵到合適對象，我想著住黑色婚紗，有匹白馬，所以依家物色緊男友。」問到佢嘅擇偶條件，佢就表示：「最重要係專一同錫我。」

【少勞多得】程芷渝唔使行騷照袋酬勞

Hermès一向是名媛淑女最愛，賭王四房千金何超盈近年亦愛Hermès，經常使用不同款式的手袋。 日前，超盈孖住超蓮一齊出席曾昭亮同外籍男友倪嘉廉的婚禮，超盈穿以一身成熟斯文打扮，藍色top襯白色闊褲，再加黑色長褸，驟眼看打扮猶如OL，完全被身旁穿上黑色deepvjumpsuit的超蓮比下去。不過超盈手拿一個灰色的HermèsKellybag，成功為造型增加番優雅貴氣。 更多時尚新聞，即上： http://add.appledaily.com

【add即時．尚】超盈愛Hermès孭Kellybag襯OLlook赴婚禮

神劇《大時代》今個星期來到結局周，雖然各主角的結局觀眾都心裏有數，但大家依然引頸以待，神劇的吸引力就在此。當年居中策劃的大監製韋家輝為我們作最後的大解構，不老的周慧敏到今時今日仍然是慳妹不二之選。 1.林保怡：今年2015年，點解當年搵我做陳滔滔角色呢，請回答。 韋：林保怡先生太耐嘅事真係唔記得，除咗天意我相信好嘅演員自然有人搵。 2.艾威：假如當年《大時代》收視理想，你會唔會留番係TVB？ 韋：人係唔同時間應該有唔同嘅嘗試，好多都係上天安排好。 3.黃智亨：好想知當年鄭少秋佢接咗丁蟹嘅角色嘅反應，係興奮定藐嘴？ 韋：秋官係一個好出色嘅演員，任何角色都可以應付自如，丁蟹嘅角色當然唔例外，演得好出色。作為一位咁專業演員遇到有挑戰角色，應該係急不及待去試。 4.郭子健：敏敏（楊羚飾演）嘅醜事俾人貼通街之後，羞愧跳樓自殺、丁蟹定罪之後，丁家搵人掟晒方家啲人落樓死剩方展博呢兩幕最後都因為敏感冇出到街。想知除咗呢兩場之外，仲有冇其他場口係拍咗冇出街呢？ 韋：當時好想拍跳樓同掟人落街嘅情節，所以第一集已經有五蟹跳樓嘅戲。記憶中應該冇其他鏡頭冇出街。 5.周秀娜：再拍《大時代》電影版嘅話，你覺得我啱唔啱做慳妹呢個角色？ 韋：好多謝周秀娜小姐咁鍾意慳妹個角色，如果真係拍，周慧敏個樣都冇變，好啱，或者佢會駕輕就熟啲。 6.杜琪峯：《大時代》嘅成就代表香港歷史文化同香港電視光輝一頁，韋家輝係咪真係拍電影版呀？ 韋：杜Sir，不如我問返你，你拍我咪拍囉。 7.陶大宇：韋家輝先生好耐冇見呀，你知唔知我係邊個？我係大宇即係丁蟹個仔丁益蟹，點解當初搵我做嘅？聽講本來係艾威做，點解最後搵咗我做？ 韋：陶大宇先生你好，你之後都拍咗好多出色劇集。咁多年前嘅嘢都真係唔記得，不過應該係天意安排。 8.唐寧：你寫呢套戲非常刺激，角色好兇狠，慘嘅好慘，惡嘅好惡。我睇番都覺得唞唔到氣，到底你寫嘅時候會唔會寫到唔忍心或者你都會覺得唞唔到氣？ 韋：套劇其實係集體創作，好多幕後手足都有參與，曾謹昌先生亦有好多好提議，我將一啲經歷同想拍嘅情節加咗入去。要寫好一個古仔，創作人投入同代入創作好緊要，希望答到你嘅問題。 9.曾謹昌：當年度《大時代》大家日以繼夜半年返屋企嘅次數都係4、5次咁多，嗰時見你枱頭有個樽仔載住粒藥丸，好想知嗰粒係乜嘢藥？係咪搞唔掂時用嚟啪咗佢？ 韋：曾謹昌先生你記性真好，應該仲好過我，因為我都冇乜印象，多謝你提起。 10.吳詠紅：韋生戲裏面我做方芳，除咗呢個角色你覺得我仲會啱邊個角色？ 韋：吳詠紅小姐你演嘅方芳好出色，我相信劇中好多角色你都可以勝任。

韋家輝親解謎天意造就《大時代》

日本女歌手中島美嘉去年底同排球選手清水邦廣拉埋天窗，相差三年嘅姊弟戀終於開花結果，唔少粉絲都期望美嘉可以盡快做媽咪，今年3月開始仲傳佢秘密懷孕，不過純粹係歌迷一廂情願，美嘉近期仲為事業發力，後日會喺東京開騷，更落實出席9月5日喺福島舉行嘅慈善音樂會「RockCorpssupportedbyJT2015」，話晒福島係輻射重災區，咁樣睇嚟佢仲未有陀B打算喎！ 唔少人話美嘉婚後越來越有女人味，最近佢就獲當地電台安排，一嘗做OL嘅初體驗，既化身接線生又斟茶遞水，美嘉仲將自己認真工作嘅照片放上Instagram，大把網友都讚佢係簡直係個白領麗人。

中島美嘉造人無期轉行做OL？

「689」都有好嘢嘅時候？！ 講緊嘅係由6月8日起、晚上9點播出《蘋果》20周年特別版【人人問足一「星」期】，屆時劉嘉玲、鄭秀文、陳奕迅、容祖兒、李克勤、李嘉欣、吳鎮宇(排名不分先後)一連七巨星，現身即時娛樂蘋台，逐一解答市民問題。 《蘋果》20周年，巨星人人敢言。

準時恭候！七星拱照「689」

阿臣陳奕迅依家喺內地開巡迴，重心市場已然轉移。不過，原來阿臣都有不獲內地審批嘅時候——講緊嘅，係佢2013年隻碟，《The Key》。全碟有8首歌，有6首，不獲內地審批。 日前阿臣出席商台節目《陳奕迅無條件點唱會》，顧名思義係點唱會，當然有阿臣清唱，不過更多人關心嘅係大碟不獲審批一事，此事對阿臣而言，是一次重大打擊。 阿臣於節目中話:「上一隻碟有啲挫敗感，2012年尾開tour，放咗三個月假，7月又開騷，又要搞隻碟，好趕，隻碟有十首歌，結果兩隻做唔起。」 阿臣續道:「其實呢隻碟……我都好想內地朋友有得聽，但唔知點解八隻有六隻批唔到。(咩叫唔批？)即係過唔到審批。香港好彩唔使審批住……仲。唔知點解《任我行》一定批，但又唔知點解《床頭床尾》都唔過喎，《斯德哥爾摩情人》又唔過喎，嗰陣開始好懊惱，開始有個陰霾，都陰霾咗年幾。」 咁當時仲有邊四首歌係唔批？或者簡單啲，有邊兩首歌係獲批嘅呢？ 1.《主旋律》 2.《告別娑婆》 3.《斯德哥爾摩情人》 4.《任我行》 5.《遠在咫尺》 6.《失憶蝴蝶》 7.《床頭床尾》 8.《阿貓阿狗》

Eason大碟8首禁6首　過唔到大陸審批

Eason大碟8首禁6首 過唔到大陸審批

【製作人狂熱】由韓國男神金秀賢、「收視女王」孔孝真、車太鉉及IU主演的KBS新劇《製作人們》昨晚播出第8集，四位主角在劇中複雜的感情線越來越受關注，在前晚一集中金秀賢向單戀對象孔孝真步步進攻，又告白又四度攬女方，令觀眾非常期待二人譜出姊弟戀，怎料在臨尾一刻，一直冧爆金秀賢的IU就先聲奪人，突然咀男神表明心意，即時嚇窒男神和觀眾，同時令主角們的感情線再次畫上問號。

在前晚播出的第7集，對卓藝珍（孔孝真飾）存有好感的白承燦（金秀賢飾）為拉近二人關係，主動提出車對方去醫院、又多次出手緊攬對方膊頭保護對方外，更在遊戲中偷偷向對方告白，非常可愛。不過在劇集尾聲時，當羅俊模（車太鉉飾）及白承燦帶Cindy（IU飾）到公園慶祝生日時，Cindy在跟白承燦獨享二人世界時，就道出很後悔當上明星的心境，又流淚告白指父母因為她才遇上意外，令她每晚都非常內疚，白承燦見狀後即走近Cindy為她抹眼淚，令Cindy大受感動，一直冧爆白承燦的她更突然主動咀向對方，令白承燦一臉驚恐，同時令劇集的感情線更加複雜。 IU打破韓劇的第8集咀嘴定律，在第7集突咀金秀賢表明心意令觀眾非常驚訝，同時亦成功刺激收視，即使對住強勁對手、大熱綜藝節目《叢林的法則》，《製作人們》的收視亦未受威脅，第7集就錄得11.7%，比上周五第5集收視升了0.5%，而《叢林》就有11.8%成為同檔之冠，兩者僅相差0.1%，《製作人們》要跑贏《叢林的法則》亦不是沒可能。而對於IU突咀金秀賢，網民都反應不一，有部份網民就對金秀賢配孔孝真仍未死心，堅信二人最後會成為一對，更對IU的行為表現反感，不過有部份網民亦對IU配金秀賢非常滿意，指二人年齡及外貌都很相襯。

而在昨晚播出的第8集，承接Cindy在白承燦在公園裹擦上微微愛火，白承燦雖然有少少受驚，但仍然跟Cindy盡情遊玩，留下美好回憶，不過當白承燦期後會合卓藝珍及羅俊模之後，三人又再糖黐豆，卓藝珍更搭住白承燦膊頭看煙花，令IU醋意大發，更特登行到中間分開二人，非常搞笑。之後，白承燦跟羅俊模就參加電視台舉行的運動會，卓藝珍更在觀眾席上為二人打氣，二人都表現落力，希望得到卓藝珍注視。 撰文：金美兒

當年今日