近日主持無綫新遊戲節目《變身男女chokchokchok》的伍詠薇，昨晚返電視城錄影，適逢當日是她和老公練海棠結婚12週年，節目監製及其他嘉賓突然在錄影期間，搬出蛋糕上台，而練海棠亦在場給伍詠薇驚喜。 此外監製又安排兩位猛男穿貼身衣陪伍詠薇跳貼身舞，令她玩得相當開心，當然伍詠薇和老公在全場人起哄下，即場咀嘴。

伍詠薇 和老公結婚12週年

近日忙於宣傳新碟的韓國人氣組合2PM，昨晚在首爾廣場參加音樂騷，六子例牌勁歌熱舞，成員佑榮更突然表演一招倒立舞步，令台下嘩聲四起，順利搶走同場單飛出碟的SS501成員金賢重，以及4MINUTE等表演嘉賓的風頭。 此外，韓國組合BOYFRIEND的孖仔成員英敏和光敏，一向被指與金賢重似樣，日前他們三人碰頭影合照，被指似足三胞胎。

2PM佑榮倒立舞搶風頭

查小欣早前在商台節目揭謝霆鋒和張栢芝的婚變傳聞，並在節目中狂數張栢芝陰乾霆鋒資產，事後遭網友和粉絲質疑和狂轟。日前查小欣接受內地傳媒訪問，對網友的反應嗤之以鼻說：「我不看那些評論，因為我知道自己在做甚麼。這是我的工作，事情出來後評價總會有好有壞，但我不會計較。」 記者問她會否感到生氣？她說：「一點都不氣憤，有很多人在我微博上罵我，但我一句都不回覆，因為你根本不知道事實真相。有些粉絲罵得很難聽，那不是我的問題，那是他們的問題。我在博客裏也寫了──不是我難看，而是他們的偶像難看。有甚麼樣的偶像，就會有甚麼樣的粉絲。」

此外，霆鋒的好友張衞健，眼看好友鬧婚變，他日前在內地無奈地表示：「我當然是想看到好朋友結婚、得影帝這些消息啦！最不希望聽到離婚消息，希望大家給他們空間來處理和思考啦！」撰文：葉雪

查小欣：網民不知真相

張曼玉（Maggie）近日獲英國愛丁堡大學頒授榮譽博士學位，以表揚她多年來在演藝事業上的傑出成就。 化了一點淡妝的Maggie，前日穿上紅色博士袍出席愛丁堡大學舉行的頒授證書儀式，當她上台時全場掌聲雷動，在場不少人稱呼她做銀幕女神，逗得Maggie開心不已。Maggie在台上發表簡單英語演說，之後還在大學禮堂外跟校長和粉絲們合照，看來心情靚爆。

張曼玉榮升英榮譽博士

關楚耀昨日擔任長沙灣一間小學的表演嘉賓，過去一年他走訪多間學校分享自己日本吸毒事件的經歷，最近有出版商為他出書講述有關分享，並會將著作放於全港學校供學生借閱。日前關楚耀大方公開正與圈外人拍拖，他笑言還未被狗仔隊跟蹤，也不會刻意閃避，至於跟前女友衞詩經已沒有聯絡。

關楚耀拍拖無暇理衞詩

鄭兆良心目中的完美晚裝，是令顧客穿上身漂亮動人，自然產生的快樂指數比創意來得重要。18年的設計生涯，他珍藏大量天書，裏面都是前人大師的偉大設計及大自然創造的自然瑰麗，這些就是令人產生感恩及快樂指數的動力來源，也是他私藏的瑰寶參考。　撰文：嚴祖莉

鄭兆良（Barney）是香港擲地有聲的晚裝設計師，他坦承其設計風格從沒有跳蹦蹦青春期，一開始就決定做elegant、timeless的設計，他說：「好多人同我講，最賣就係少女嘢，佢哋貪新鮮，追新款，我會諗：咁40、50歲嗰批邊個理？另一樣會賣嘅係sexy，但亦唔係我想做嘅嘢，我想做嘅係正面、長線，或者我仲係oldschoolthinking，我做晚裝，無非都係想人靚，我會幫人隱惡揚善，要着嘅人睇起嚟高啲瘦啲靚啲。」

Barney對設計要求是：「100分嚟計，創意只值10分，我會畀60分喺剪裁、車工、細節上面，商業價值佔10分，有20分我會擺落快樂指數上面，簡單嚟講係要令我啲客開心，佢哋着上身，感覺好，有自信有光芒呢樣好重要。」會怎麼形容自己的設計？他說：「禾稈冚珍珠！唔係煞有介事，睇起嚟好輕鬆自在，但係細心睇，翻兩翻，你會發現工同料都係有水準。」 從93年成為時裝設計師至今，Barney自評成績OK：「唔算乜嘢成功大生意，唔係人哋睇咁風光，家studio養住15個人，有段時間好辛苦，不過金融海嘯都死唔去，家有內地市場，仲更加好。」Barney沒有讀過時裝設計，做設計師最初的動力動機只是：「想證明畀人睇，香港唔係淨係得copy同埋渣料，香港都有有水準嘅設計，呢樣嘢算達到咗。」

但是18年來，Barney並不是沒有挫折的，他說：「我以前一直都淨係我、我、我，唔係唔好，但焦點錯咗，設計又係我，QC又係我，追數又係我，慢慢就burnout，同埋我太堅持quality，後來先發現特別係做成衣（ready-to-wear），行業內大把人冇呢份堅持，仲要係外國人！」 做生意成功不易，Barney說：「一盤成功嘅生意等如一個金三角，自己只係一點，仲有兩點就係睇全盤數嘅人同埋productionpartner，我爸爸成日同我講：『你其實要搵一個猶太人返嚟幫你。』就係因為我曾經太快發展ready-to-wear，落單嘅仲係美國大大百貨公司Bergdorfgoodman。有年我去紐約，順便就去Bergdorf探吓自己嘅衫，嘩！成衣連晚裝咁多貨嘅？又mark貴咁多，但係啲quality…，我搵返佢嚟問，答案係：『同咗你講reorder，你唔做，我咪搵第二個做囉。』即係抄款？咁都得？原來外國人先至唔堅持quality！」

Barney續說：「呢件事就證明咗得我我我一個人係唔work，結果就俾人呃囉，因為咁停咗唔做ready-to-wear。度身訂做有得對返人，簡單啲，自己都enjoy好多。如果我搵到另外嗰兩點同我連成一個三角形，或者會考慮做返ready-to-wear，家心態同價值觀改變好多，唔會淨係我我我，雖然我一個人能力係有限，就用我設計上面嘅能力，做一啲好事囉，所以我近年好into做慈善幫人。」最後以過來人身份會如何勸勉新一代想入行的年輕人？他說：「唔好只顧我、我、我囉，最好去大公司做咗先，享受吓人哋嘅資源，我就冇呢個經歷啦！哈哈！」

鄭兆良，有「名媛設計師」稱號，沒念過時裝設計的他，在加拿大UniversityofWaterlooFineArt學士畢業。93年在香港青年設計師比賽得獎後，正式投身時裝設計師行列，他的婚紗晚裝深得名媛明星歡心，客戶數之不盡，包括有鞏俐、周凱旋、楊紫瓊、楊敏德、雷林靜怡、賭王媳婦羅秀茵等等。同時也為大集團如信興（Panasonic）、ifc及太古（Swire）設計制服。

愛時裝做時裝的，同時也愛書，在鄭兆良工作室內存放了多本時裝典籍，他坦言「邊得嚟咁多創意」，反而珍惜無敵大自然景觀生物及前人大師的設計，因為這些正是他的瑰寶參考。他說：「呢啲係自然，係歷史，冇以前就冇將來，所以要尊重歷史，對大自然感恩，呢啲先至唔過時，設計師再運用自己嘅聰明智慧，唔好話新，或者話係特別啲嘅嘢出嚟。」

「呢啲顏色組合豐富嘅昆蟲相，啟發我對組合顏色嘅和諧或者刺激，套用喺一條裙或者髮型化妝都得，好多人一見到昆蟲就話核突要踩死佢，但係細心睇，其實不知幾有欣賞價值，靚過好多心地唔好嘅人就真。」

「HauteCouture強調嘅人手一針一線，當中投入嘅精密心機，幾乎已經係絕迹，我哋做晚裝，好講求釘工細節等等finishing，呢啲相唔只係睇到啲刺繡有幾無瑕，啲石有幾閃，仲有係注滿loveoflabour。」

「呢啲相，對構思一件晚裝嘅shape，texture甚至details都好有用，英國NaturalHistoryMuseum都將呢本書當係重頭典籍，因為大自然嘅美妙偉大就係一切都係自然但係又款款唔同嘅精采，唔係點解naturalbeauty係最無敵？」

「係我最欣賞嘅其中一個設計天才，喺當時咁反傳統，家睇又永遠classic，唔過時。」

「另一個祖師奶奶級人馬，點解我成日講要尊重歷史？因為佢哋開創咗一啲新嘅嘢，後人得到啟發，先可以善用沿用，好似JohnGalliano就係好鍾意仿效Vionnet嘅無敵draping。」

６）《VOGUE：Historyof20thCentryFashion》

「好多新一代想入行，我都會問佢哋知唔知20年代風格係點？ArtDeco風格有乜特色，佢哋都話：『我唔知呢啲，但係我有創意！』咁就死啦，唔夠啦，睇返過去先至有將來，有forward，睇返每一個年代嘅時裝演變對設計唔只有幫助，直頭係must！」

名氣場：鄭兆良書中自有顏如玉

日本搖滾勁旅LUNASEA結他手INORAN（圖），前晚和葉世榮、ZEN等人參加假九展舉行的RockOnAsia2011。壓軸出場的INORAN一貫其少說話多彈唱的本色，他唱出多首個人新歌，並表示以個人身份來港感到高興，而世榮則唱了Beyond年代的《AMANI》，祝願地球遠離天災。

INORAN勁歌會港迷

韓國男星權相佑連月來都身處海外拍戲，繼於內地拍攝《影子愛人》後，近日則在法國趕拍與成龍合作的新片《十二生肖》。 有粉絲發現權嫂孫泰英掛夫心切，日前秘密飛抵法國探班，兩口子更甜蜜蜜撐枱腳。當日權權戴上帽子，與英妹在餐廳內對坐，兩人有說有笑，但不見兩人囝囝的蹤影。有粉絲認出權權夫婦要求合照，他們並無托手踭，其間權權更搭着愛妻的膊頭影相。

權權夫婦法國撐枱腳

廖碧兒已正式離開無綫，結束雙方10年賓主關係，據知她已簽約內地公司，一如其他花旦般走上內地賺人仔之路。近日碧兒開始中、港兩邊走鋪排事業，不過日前她也抽空探訪病童，以及將善款捐往慈善中心。

廖碧兒將之前推出的寵物書部份收益，捐往Benji's兒童中心，當日她在中心內進行支票移交儀式，其間她更陪伴兩名病童聊天及繪畫，場面溫馨。 提到行善，廖碧兒昨日在電話中說：「呢間機構主要係幫啲低收入家庭嘅病童，我當日同啲小朋友坐埋一齊，佢哋都有畫畫送畀我，我覺得好開心。其實我每次出書，都會自己上網check吓可以幫到乜嘢慈善機構，大嘅慈善機構有好多資助，但細嘅就更需要幫忙。」 撰文：夏琴

廖碧兒離巢搵人仔

韓國女星李英愛自今年初誕下龍鳳胎後，便專心湊仔，減少幕前演出。不過愛姐為了解悶兼賺奶粉錢，早前接拍了榨汁機廣告作為產後復出頭炮，只見她在廣告中已成功收身，不少影迷更大讚她貌美如昔。雖然少拍廣告，不過愛姐至今依然是韓國最高薪酬女星。

李英愛復出拍廣告

真正的藝術品，簡單如一幅畫，一張照片，一件雕塑，都有生命。不同的觀賞者，會有不一樣的感受和想像。更何況是時間和空間可以無限壓縮或無限擴張的電影作品，不同的觀眾絕對可以有截然不同的解讀和詮釋。《生命樹》簡單地說，是美國小鎮的倫理親情故事，父子之情，兄弟之情，而中心人物是畢彼特飾演的嚴父。但泰倫斯馬力克有勁爆的創作野心，一場河灘旁的恐龍戲，不但暗示了天地間弱肉強食、適者生存的規律，亦一下子把一億六千萬年的時間高度壓縮，於是令我生出了「固一世之雄也，如今安在哉？」的感嘆。 當然，西方觀眾不可能有蘇東坡這種情懷，他們會從聖經《約伯記》的要義，去闡釋和閱讀這個不太有傳統起承轉合的故事。他們會從宗教和永生的角度，去理解片中人物的思想感情。片中的鏡頭，像孫悟空翻觔斗般從小鎮的樹枒翻到外太空，視點一下子無限擴張到蒼穹宇宙，其效果正正是「渺滄海之一粟」，人類在天地間是如何渺小，人生在歷史長河中又是何等短促，不正是「寄蜉蝣於天地」嗎？ 撰文：黃國兆

蘋影話：《生命樹》 寄蜉蝣於天地　渺滄海之一粟

正當張栢芝身在寧波為電影《河東獅吼2》開工之際，謝霆鋒舊愛王菲也於昨日和明日一連兩晚在長沙舉行個唱。前日大批fans一早在機場守候，豈料王菲原來選擇坐火車抵達，令一眾粉絲在機場撲空，大失所望。

據主辦單位表示，由於日前長沙暴雨影響交通，王菲方面為怕飛機航班延誤，於是決定改搭火車。據工作人員表示，王菲下午抵達酒店後，只稍作休息，至傍晚時間又再出動，到演唱會場地進行綵排。 穿一身花衣服的王菲戴上黑超練歌，表現專業，就算現場有大批等候粉絲大叫，王菲也未受影響繼續練歌，並排足3小時才離開。 撰文：林妃

王菲長沙開騷搭火車

英國著名樂隊Radiohead一向支持西藏獨立，並不親中，但昨日他們卻突然開了微博，令歌迷十分激動，表示難以置信。Radiohead發佈了第一條微博，用英文寫着：「正在測試微博。」Radiohead希望藉此與內地音樂人和歌迷直接交流，並且宣傳全新專輯，想知道內地樂迷的反應。據悉今年將有兩場向Radiohead致敬的演出分別在北京及上海舉行。

Radiohead突轉軚開微博

荷李活特級猛片《變形金剛：黑月降臨》（Transformers：DarkOfTheMoon），於前日7.1回歸假期，以1,000萬港元打破本港單日票房紀錄，上映三日錄得2,300萬港元的票房成績，令人譁然。不過高票房也許與3D票價高昂及片長加價有關。

《變3》於美國票房一樣走勢驚人，單是周三美國開畫已錄得3,700萬美元（約2.9億港元），是史上第六高開畫紀錄，預料四日票房可以衝破1億美元（約7.8億港元）。直至昨日，全球票房已達1.3億美元（約10億港元），導演米高比爾（MichaelBay）應飲得杯落。 撰文：黃珈楠

《變3》港開畫收千萬破紀錄

好多女藝人為咗靚，會死忍痛楚去整容，「異形」就最擅長僭建同變形，有次佢公開演出，唔知係咪怕記者影到佢變臉嘅醜怪樣，於是定咗好多規矩限制傳媒影相，搞到神憎鬼厭，大會都懶理佢耍大牌，由得傳媒狂影佢喺台上烏龍百出嘅醜態，平日勁歌熱舞零喘氣嘅異形仲即時俾人踢爆咪嘴。最慘係異形唔練好啲歌，反而擔心自己上鏡個樣唔夠瘦同靚，仲話要執瘦佢喎，真係笑大人個口。 Textby關仁

當年今日