香港著名樂評人袁智聰都係熱血之士，噚日七一遊行，佢都想將香港人為自由民主普選嘅消息帶去內地，就喺微博貼咗噚日遊行超多人迫爆銅鑼灣嘅相上微博，當然，會俾微博河蟹啦。 好啦，喺一個極權社會上發聲，通常都要兜個圈，好似上年反國教運動咁，內地網民想將香港人反國教嘅相放上去，但下場一定唔使1分鐘就被河蟹，所以就將人頭湧湧嘅相，配上「iPhone5提前發售」呢段假新聞，睇下逃唔逃得過國安法眼。 今朝袁智聰就用同一種方法，化身旅遊大使，將兩張遊行嘅相配上「軒尼詩道簡介」同「銅鑼灣簡介」，好快就收到微博管理員嘅email，話 「【軒尼詩道簡介】已被管理員加密。此微博不適宜對外公開。」 連一條街都不宜對外公開，中國真係好危險呀! 逢周五隨《蘋果日報》附送的時尚美容雜誌《add》第九期已經出版，封面人物是梁詠琪。大家還可以上《add》的官網： http://add.appledaily.com睇足本網上版。除有Gigi專訪，還有很多時裝靚嘢睇！

【7.1上街】
袁智聰貼「銅鑼灣簡介」講遊行微博照河蟹

恭喜恭喜!陳小春嘅大人……叮叮應采兒噚日喺山頂港安醫院誕下六磅Jasper，今早兩口子已急不及待，喺微博公告喜訊。心情靚絕嘅小春更接受傳媒訪問，分享初為人父嘅喜悅! 小春話，叮叮噚日生B嗰陣，佢都有入產房打氣。佢話: 「當然有入去啦，冇理由個大肚婆入去，自己一個印印腳喺出面0架嘛﹗」 Man爆! 至於生產過程呢，小春話非常順利: 「差唔多六磅，我又唔驚，好堅強。（是否順產？）唔係，我一落機，即刻飛嚟醫院，落車即刻衝上三樓產房，冇辦法，咁啱等到一齊入去。」 講到抱B嘅感覺，呢個新手爸爸話: 「未抱住，因為BB某一部份要觀察，噚日觀察緊，今日有重大改變，認為嗰個觀察必需要做，做完之後今日應該唔使喺箱，可以抱（係咪要照燈？）嗰啲術語我唔知，總之佢做過嗰啲咁嘅嘢，好多BB都會做，做一做會順啲。」 《蘋果動新聞》新版App已經推出，居家遊行上街上網都咁方便，快啲更新，全民動起來！ 立即下載↓↓ 【iPhone版】 http://bit.ly/appledailyiPhoneapp 【Android版】 http://bit.ly/appledailyandroidapp

【應采兒生B】
Jasper重6磅小春仲未抱囝囝

細個嗰陣，爸爸媽媽成日「嚇鬼你」、話你係石頭爆出嚟——其實，唔一定係石頭，由蛋糕爆出嚟都得0架。 今日0靚模余曉彤（Hidy）、女子組合AOA同鄒文正喺中環出席蘭桂坊音樂啤酒節活動，擔任活力大使嘅Hidy，就被安排喺蛋糕裡面爆出嚟；合照嗰陣，同主辦嘅盛智文咬耳仔兼抱抱。 Hidy話自己想畀驚喜大家，所以先有「爆糕」呢個諗頭，仲話自己學完功夫，好鍾意打添。至於書展寫真大戰又嚟，Hidy話：「啲寫真愈嚟愈騎呢，我同Jeana（何珮瑜）儍過，今年唔鬥儍啦，想拍電影為主，目標做第二個楊紫瓊。」

【連環圖】
索爆余曉彤破蛋糕而出胸頂盛智文

吳鎮宇呢幾日同陳法拉、張智霖、胡定欣同吳卓羲，喺馬來西亞宣傳無綫新劇《衝上雲霄II》，一直都幾開心，點知噚日鎮宇喺微博度留言話雖然完成大馬嘅宣傳，但佢接受訪問時因為言語有別，搞到佢嘅意思俾傳媒誤解，鎮宇唔想因為誤會而影響到其他人，所以講明以後做訪問可能只係簡單回答，佢仲話希望以後做訪問時運氣好啲，唔知鎮宇遲啲返港宣傳時，會唔會咁口密呢？

逢周五隨《蘋果日報》附送嘅時尚美容雜誌《add》雖然早已派完； 拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！

電視撈飯：鎮宇大馬遭誤解

昨日不少藝人參與遊行，但亦有被指為維穩騷的回歸騷舉行，當中荃灣有回歸街坊騷本來請了任達華撐場，但公關指他身在澳門，最後只有王敏德、廖安麗、王馨平及林漪娸等出席。來港30年的王敏德支持港人有投票權，他說：「我今日嚟支持香港，希望香港繼續努力，香港係自由港，希望人人有投票權。」由於王敏德昨日有工作未能參與遊行，惟已植根香港娶妻生子的他對政府亦有訴求：「最重要有言論自由，一國兩制，能夠發聲。」對於被市民狠插的特首梁振英，王敏德不評論其處事能力：「我唔會講好與壞，希望佢繼續向前，有更好表現。」

王馨平保持中立態度說：「我知道&#134513;家民怨幾深，今日遊行人數應該幾多，藝人言論好影響其他人，始終政治比較敏感，自己想保持中立。」但她亦覺得政府要改善房屋問題，雖然推出很多打擊炒樓動作，但問題依然未解決。廖安麗亦說：「希望政府繼續努力，唔同市民有唔同需要，每個階層滿足晒好難，好佩服政府管理層。」 採訪、攝影：黃曉妍

有料放？想收料？入嚟【蘋果互動】啦！ 【蘋果互動】是蘋果日報與讀者緊密互動、放料及收料的聚腳地。 http://fb.com/AppleDailyExchange

添馬艦慶回歸　霆鋒冇影

王敏德回歸騷倒米

紅足20年的日本型男福山雅治，日前來港為電影《神探伽俐略2真夏方程式》進行大型宣傳活動，他旋風式來港，並接受本報訪問。將伽俐略演得出神入化的福山，自嘲老了之外，又力撐今集被換走的舊拍檔柴崎幸。

型佬福山雅治今次來港雖然行程緊密，但仍保持靚仔樣見大家，接受訪問時，福山坐下就有助手拿着毛毯給他蓋着雙腿，這位型男似乎有點怕冷。在《真夏方程式》中福山與童星山崎光有大量對手戲，他如何與小童星溝通呢？原來福山要被迫扮cool，他稱：「由於伽俐略這角色討厭小孩，所以我沒有跟他談話，要盡量保持距離。」片中伽俐略為做實驗製造了一支精美的膠火箭，問他童年時有沒有製造過類似的東西，福山笑着說：「沒有啊，只是玩過一些火箭型的煙花！」

基本上觀眾都將伽俐略與福山畫上等號，他又認為自己是否與伽俐略相似呢？他說：「我與伽俐略相似之處是大家都對自己有興趣的東西一直沉迷下去，會不斷追求，但通常這樣的人會令人產生一種他是個怪人的感覺。」有觀眾感到今次片中的伽俐略比上集成熟，福山幽默的說：「我沒有特別去將角色演到有分別，大家有如此的感覺，都只是因為我老了的關係吧！」

提到《神探伽俐略2》劇集與電影都將女主角由柴崎幸換成吉高由里子，福山認為兩者誰較適合伽俐略呢？福山即力撐被飛的柴崎幸：「柴崎幸演的內海薰一角，在年紀上較為適合，她與伽俐略就是大人對大人的交流，吉高則較為年輕，就似大人與小孩，如果要去解決事件，柴崎會比較適合。」不過，他又立即補鑊說：「但吉高也很有活力，幹勁十足。」

今年憑着電影《誰調換了我的父親》參加康城影展，福山表示沒有特別想在演技上獲獎，最重要的是交流：「我到康城最開心的是與歐洲電影人見面，電影是世界語言，我希望可以多到外地交流，就像今次來港與大家見面，我也很開心！」福山認真識講說話，難怪紅足20年。 採訪：阮瑜 攝影：陳慧安

福山自嘲又老又怪

剛宣佈與吳雨霏（Kary）一年情玩完的余文樂，昨帶領籃球隊橫洲工業到灣仔作賽，剛甩拖的樂仔賽前熱身時與隊友有講有笑，但正式上陣時表現失準，稍後更被換走。 換出休息時樂仔靜坐一旁觀賽，神情認真，後再被調落場已回復水準，多次投射得分，最終橫州工業以83比72分勝對手Love Peace。

賽後樂仔接受訪問，被問到分手心情是否已平復，他坦言OK：「冇影響打波，比賽唔諗其他嘢。」對於多份雜誌都指分手原因是Kary太黐身，二人為此而嗌交，樂仔對前度女友處處維護：「同Kary仲有聯絡，我今日想講係雜誌所講嘅嘢對女仔好唔公平，我哋冇嗌交，和平共識分開。」

樂仔亦坦白承認跟Kary合不來：「但我唔想外間覺得佢有問題，我最清楚佢，要保護女仔，呢段時間唔好畀太大壓力佢。」有指Kary努力箍煲，樂仔說：「我哋共識做一件事，係因性格不合，我亦冇兩次提分手，冇呢樣嘢，唔好誤會佢。」

同場的周柏豪於黃家駒死忌在社交網留言祝家駒生辰快樂，成為笑柄，他昨承認出錯，並向家駒家人致歉：「家駒係我尊重嘅前輩，當時一時手快。」 此外，曾客串拍電影《春嬌與志明》的王馨平，昨日在荃灣出席回歸活動時被問到樂仔與Kary分手是否覺得可惜時說：「旁人唔方便發表，藝人拍拖好辛苦，佢哋仲後生，兩個處理好，我唔方便講，唔熟佢兩個。」 採訪：卓寶花 攝影：陳順禎

樂雨戀玩完　樂仔勇護舊愛唔黐身

「我哋和平分手冇嗌交」 樂仔錫住Kary

擁有梁朝偉、劉嘉玲、張智霖同張震等藝人嘅澤東電影，近日發現有人以佢哋嘅名稱「Block 2 Pictures Inc.」開設www.block2pictures.com網站，又擅自盜用佢哋嘅商標，該網站訛稱係澤東電影作品嘅製作方，發放虛假訊息指澤東將開拍新片。為免有人中招受騙，噚日澤東發聲明澄清冇授權任何人製作有關網頁，而該網頁嘅內容亦非事實，澤東方面已報警備案。 撰文：馮仁昭

當年今日