琦琦前日獨自現身中環ifc購物，對於米高積遜（MichaelJackson）突然離世，她表示十分惋惜，她說：「每次想睇佢演唱會都睇唔到，今次佢喺倫敦個演唱會都買咗飛睇，家留番張飛做紀念。其實佢逝世都好sad，佢係一個天才，不過係一個悲劇人物。」

問琦琦有否將MJ的事迹對囡囡作教材，她說：「好少人有咁嘅童年，由細到大都冇父愛，冇家庭溫暖，個人又lonely，高處不勝寒，個女都有問我佢點解會死，希望佢喺上面搵到天使，喺另一世界得到快樂。之前華仔（丈夫任達華）都喺清水灣電視城同佢合照，不過我哋搬咗屋，幅相喺個倉度，遲啲拎番出嚟留念。」 採訪、攝影：LawWaiMan

琦琦嘆MJ悲劇人物

風流富商趙世曾身邊女伴經常換畫，前日他又拖新女到中環ifc商場蹓躂，該女伴長髮、上圍豐滿、皮膚白皙，身穿白衫及牛仔褲，不過笑容欠奉，全程與趙公子零交流。

當時趙世曾和女伴走進商場內的戲院，兩人在櫃位前四圍望，研究有甚麼新戲上畫，但始終未合趙世曾心水，二人隨即離開戲院，男方帶頭行，女方則尾隨，彼此相隔一大段距離。其後他們走出商場外，司機一早已將趙世曾的勞斯萊斯名車駛至，更開定車門等候，待兩人上車後即離開。 採訪、攝影：李志明

趙世曾悶爆新女伴

吳君如和錢嘉樂主持的無綫節目《星星同學會》昨日在觀塘apm商場錄影最後一集，並請來一班曾參演《歡樂今宵》的演員做嘉賓，包括江欣燕、李香琴、梅小惠和阮兆祥等。 君如表示今次主持《星》節目共做了26集，問她最喜歡那一集時，君如發揮搞笑本色說：「有好幾集都好鍾意，最開心係可以扮到鄭融，其實有好多嘉賓都未請到，好似郭富城，我怕佢俾小美押住嚟唔到，黎明有樂基兒唔畀佢嚟。」

君如續說：「張學友都未嚟過，成日見佢俾人影到湊女同孭書包，唔知仲以為佢又想從頭再讀過書，後生就幫老婆攞袋，家就揹書包，唔通佢一世都係女奴命，呢啲惟有下一輯再做嘅時候先邀請啦。」君如表示下半年會拍戲，之後便休息一年，努力造人。 採訪、攝影：胡比

君如寸勻三大天王

無綫製作資源部總監樂易玲昨日53歲牛一，前晚在中環舉行生日會，無綫旗下一眾小生花旦傾巢而出祝賀，包括佘詩曼、謝天華、林峯、陳豪、廖碧兒、陳法拉和黃秋生等，星光熠熠如台慶一樣。 手持D-Mop袋到場的佘詩曼透露已買了一樣自己的心頭好送給樂易玲，她說：「係可以戴可以用，不過唔知size啱唔啱，我祝樂小姐青春常駐，開開心心，唔好咁辛苦，多啲休息。」

前晚壽星女樂易玲在現場表現興奮，滿場飛與來賓飲酒，她更親自迎接黃秋生，兩人見面即時擁抱。滿帶醉意的郭政鴻步出時不慎撞到玻璃門，他笑說：「我係練武之人，所以練吓鐵頭功。」 此外，早前周汶錡的法籍男友Julien因與張苡澂親吻致情變，前晚Julien與兩位友人路過現場，雖然周汶錡揚言已原諒他，但他一見到記者拍照，即顯得十分避忌。 採訪：藍文浩 攝影：黃文偉

當年今日