「毛記」母企「毛記葵涌有限公司」之名今日遞交上市申請，擬於主板上市，換句說話嚟講即係「腦細」林日曦(原名徐家豪)、陳強(原名陸家俊)、阿Bu(姚家豪)三位即將升呢做上市公司老闆。《蘋果》就搵嚟「腦細」回應，不過佢就短訊回覆話：「不好意思，現階段未能回應！」

呢份上市申請文件，披露了《100毛》業務狀況，2016年財政年度(截至2016年3月31日)收入達5,482萬元，毛利3,633萬元；至於2017年財政年度收入，除稅後利潤達3,626萬元。

「毛記葵涌」主要收入為數碼媒體業務，去年度佔近8成，印刷媒體則帶來1成收入，其餘1成為藝員管理及活動策劃。而文件中亦披露，「毛記」由「印刷媒體」轉營至「數碼媒體」。其中「印刷媒體」由2015年佔收入百份比9成9延年遞減至1成，而「數碼媒體」由2016年開始佔收入近52%，至2017年增至約72%。

文件亦顯示，本月12日，黑紙派2,200萬元特別股息俾股東。

「腦細」就話上市單嘢唔講得住，咁東方昇點睇呢？佢以短訊回覆：「我都唔清楚呀，我作為小員工，只係關心公司上市，係咪會有錢分？有得加人工㗎？定係工作量會增加，我要OT呀？」

咁一眾「真 ‧ 老闆」(即係讀者同網民)又點睇呢？

有網民就話：「上咗市，係咪仲可以咁「順灘」諷刺時弊呀！？」、「一上市就好難自主，會變質。」似乎對於「毛記」上市態度謹慎。

亦有網民抽得就抽：「元秋口中的雜誌仔要上市了.....」（詳見：  http://bit.ly/2h2L5XP  )、「毛記葵涌, 係咪惡搞和記黃埔XD」

【腦細發達了】「毛記」主板上市 黑紙派2千萬特別息俾股東

出演韓國選秀節目《PRODUCE 101》而出道嘅男團Wanna One近期人氣急升，佢哋因為劇集帶挈深受年輕粉絲歡迎。

下月7號正式出道嘅Wanna One出道在即，已受到各方關注，當中佢哋喺香港都有唔少粉絲，而今日根據主辨單位公佈佢哋落實喺10月3號首度襲港，喺亞博館開騷，估計到時又引起一眾粉絲追星熱。

另外，Wanna One亦有唔少搞作，今早佢哋為《一周的偶像》拍攝外景時，吸引逾百粉絲喺門外聚集，令到附近嘅居民大為不滿。而佢哋嘅四位成員朴志訓、姜丹尼爾、尹志智等就出演人氣親子節目《超人回來了》，並變身年輕「爸爸」，同大發BB見面。

【韓流】Wanna One首襲港 10月3日亞博開騷 

歌王法蘭仙納杜拉（Frank Sinatra）遺孀，Barbara Sinatra周二於美國加州寓所中離世，終年90歲。Barbara為法蘭豹第4任妻子，二人結婚22載，一直相當恩愛，二人並無子女。她生前熱心慈善，與法蘭仙納杜拉於1986年創立了Barbara Sinatra Children's Center幫助受虐待兒童。近月她身體情況開始轉差，直到周二於家人陪同下安詳離世。

【終年90歲】歌王法蘭仙納杜拉遺孀 Barbara Sinatra逝世

唔少藝人有投資，買磚頭開舖嗰啲都係常見事，仲有一啲愛投資股票，好似國際巨星范冰冰（范爺）咁，係大陸影視製作公司「唐德影視」嘅「星級」股東。

據今日台灣《鏡週刊》報道指，喺今個月19日，唐德影視股價一度下滑，收巿時跌至21.56元（人民幣，下同），比年初開盤時嘅28.47元下跌6.91元，跌幅逾24%，以范爺嘅為644.96萬股持股量嚟計，佢份身家唔見咗4,456.6萬元（約5,249萬港元）。

好在唐德影視呢幾日「爭氣」，股價回升，至今午1時10分，股價一度回升至22.32元，比年初開盤時嘅股價28.47元下跌6.15元，不過范爺份身家依然唔見咗3,966萬人民幣（約4,671.7萬港元），只係比一星期前好少少咁解…

其實唐德影視係喺10幾年前成立嘅公司，旗下拍過逾30套劇集，最為港人知嘅應該係范爺主演嘅《武媚娘傳奇》。其實唐德影視前年上巿時，范爺同《還珠格格》中嘅好姊妹趙薇都有現身唐德影視嘅股東大會（新聞連結：  http://bit.ly/2uzKWhz  ），兩人都係投資者，據知仲有趙薇哥哥趙健。而范爺當初嘅投資成本為296.7萬元（當時持股量為128.99萬股），今日嚟計佢喺唐德影視份錢都已有1.43億元，係當初投資嘅48倍，所以「唔見」咗4,000萬人仔，其實都唔叫好入肉啫……

【算係咩錢？】《武媚娘》製作公司股價下滑 范冰冰身家唔見5千萬

日本資深動畫師增尾昭一在前日早上11時36分不幸病逝，終年57歲。增尾昭一所屬公司今日透過官網公佈其離世消息，據了解他近期健康欠佳，臨終前亦一直養病，不少動畫迷今日紛紛在網上悼念增尾昭一。

增尾昭一於80年代入行，是動畫製作公司GAINAX的元老級動畫師，1984年為電影版《超時空要塞：可曾記起愛》參與副作画監督工作，並為《新世紀福音戰士》、《阿基拉》、《A子計劃》、《BB與我》、《冒險少女娜汀亞》、《無責任艦長》等擔任製作，其死訊教不少動畫迷感到惋惜。

【參與多套經典作品】資深動畫師增尾昭一病逝 終年57歲

【新增回應】 如果要數圈中孝順仔，黃又南都算係幾好仔，入行16年，一直孭住家庭重擔，早年爸爸生意失敗，欠債7百萬，黃父又一度沉迷賭博，當時仲係Shine成員嘅又南代父還債，日夜返工，試過體力透支，喺首映禮暈咗，而且Shine喺圈中發展初時紅過，後嚟因為唱片公司嘅問題，令佢咃未能發展未如理想，又南就捱得更辛苦，決定外闖北上拍戲，好在喺大陸有市場，總算喺電影圈有立足之地。好景不常，又南最近又為家事擔心!

今日有周刊指，黃父患腦退化，今年7月中更喺將軍澳失蹤，趁老婆外出時，離開日出康城寓所，隔咗第6日，警方查黃父嘅八達通記錄 ，最終喺紅磡搵到黃父，事後又南已立即請專人照顧爸爸，之前又訂咗GPS，不過未到手，就發生失蹤事件，又南喺報道就話只係想爸爸身體健康，最擔心黃父有一日連仔女都唔記得，報道講番又南喺2012年個唱，曾講過還錢日子嘅辛酸，有問過圈中人陳曉東同樊少皇借錢，又試過叫朋友請食杯麵，近年終於還晒所有錢，又南自言冇怪過爸爸，亦唔覺得爸爸係負累，出年3月，又南同天佑就喺紅館開Shine個唱。

又南經理人錢小姐今日接受《蘋果》電話訪問時表示事件發生喺傍晚，佢話：「又南當時係心急同緊張，佢同朋友都有去返爹哋經常去嘅地方、舊居搵，好在警方一直都有黃爸爸用八達通嘅消息，證明佢平安先。搵番之後黃爸爸係瘦咗，但就冇話污糟邋遢 。」

【曾代還債幾百萬】父患腦退化 黃又南唔覺得爸爸係負累

【廣州直擊】林峯去年底拍內地清裝劇剃光頭後，再黐毛扮孫悟空，完成兩個劇集拍攝，昨日終於變回時裝人，在廣州出席9月23日舉行的「Heart Attack」演唱會記者會。主辦單位向他送上巨心氣球及68片寫有歌名的竹簡，預祝票房大賣。

林峯於記者會開始前接受傳媒訪問，頭髮已慢慢長出的他，表示近日已開始操肌，因為去年開演唱會好弗。他透露演唱會編排基本跟去年香港的一樣，機關會輕微改動。早前林敏驄紅館演唱會冧升降台，林峯說：「都怕㗎，但工作人員怕啲，不過都OK嘅，之前都會check清楚。」 最近有傳他和23歲女友吳千語情變，那千語BB會否去廣州捧場？林峯笑言：「唔會喇，上年香港都睇咗！」問他可擔心分手傳聞再升級？他續笑謂：「估唔到唔喺香港6、7個月，大家都咁關注我。」 林峯語氣堅定否認分手，指他不准千語BB夜蒲，他表示沒有這回事，還講笑說最不滿是沒有帶他去。傳林爸爸對千語BB不滿，林峯指爸爸根本不知道有這些新聞。揚言和千語BB感情穩定的林峯，被問到可有結婚計劃？他說：「大家都係工作為先，佢年紀都細，要好好做嘢！」 林峯透露，早前跟千語BB去了歐洲旅行一星期，同行還有其他朋友，至於千語BB是否已進駐其8千萬愛巢？他說：「男女朋友探吓好正常，我哋各有各住，拍拖都有自己空間！」豪宅有否加千語BB名，林峯亦表示私人事不回應。 採訪、攝影：曾小嘉

操肌備戰9月開騷 林峯唔妥千語　私自夜蒲

陳展鵬今年3月被《蘋果》踢爆跟落選港姐單文柔摸黑上山頂開餐談心，事後陳展鵬聲稱自己單身未婚，又指未與胡定欣拍拖。而一直否認和單文柔拍拖，只是互相了解中的他，頻頻被影到拍拖撐枱腳，昨日有周刊指他為方便和女友見面，在藍田麗港城花兩萬元月租一間屋予女友入住，位置與他和父母同住的地方只距離10分鐘車程。

報道又指，早前陳展鵬趁有一個星期假期，和女友去泰國東邊一個情侶蜜月勝地旅行，其間單文柔在Ig貼旅行相，相信相片由陳展鵬拍攝。 撰文：小米

陳展鵬租私竇　與女友單文柔過二人世界

陳展鵬傳藍田築愛巢

拍廣告受傷的劉德華，其實一直有「拼命三郎」之稱，他在拍《俠盜聯盟》時，有一場進入密室的戲份，懸吊在空中的他不慎撞到頭部受傷，但也忍痛堅持完成拍攝。華仔早前談到《俠》片最辛苦的莫過於一場工廠大戰戲份，他說：「工廠入面塵埃嚴重，但演員又唔可以戴口罩，每日你嘅鼻孔，包括咳出來的痰都是污糟嘅，嗰場戲我哋嗌咗好耐，聲音有啲啞，喉嚨又痛。」 另外，在《俠》片的海報中，華仔、舒淇及楊祐寧演的「俠盜三人組」以全副武裝亮相，戲中他們將迎戰尚連奴演的幹探和張靜初演的寶物鑑定師，電影將於下月底在香港上映。 撰文：李森

工廠打戲吸污塵嗌辛苦

43歲嘅楊恭如，貴為1995年亞姐冠軍，但同好多人一樣，行街鍾意睇平民貨，知慳識儉。 楊恭如喺上海出世，之後移居到加拿大，95年贏咗亞姐就開始演藝生涯，參演過亞視經典《我和殭屍有個約會》，又拍過電影《甜蜜蜜》、《風雲》等，絕對係亞姐之最。 喺95年同楊恭如一齊爭亞姐后冠嘅佳麗，仲有今時今日都好活躍嘅宮雪花，呢位年齡最高嘅亞姐，最終只係得第5，威脅唔到楊恭如。唔止咁，當年楊恭如嘅風頭仲蓋過港姐冠軍楊婉儀同亞軍李嘉慧，幫亞視爭番啖氣呀。

【亞姐之最】楊恭如靚過港姐　撼贏宮雪花奪冠

【亞姐之最】楊恭如靚過港姐 撼贏宮雪花奪冠

台灣女歌手王心凌同台灣男演員姚元浩喺今年2月被揭結束4年情，噚日有台灣《蘋果》讀者爆料，一個叫「靠北女友」嘅facebook專頁，出現咗張王心凌着住桃紅底褲，身穿白色小背心，手遮面嘅瞓覺相，而王心凌經理人張嘉容就承認呢張咁私隱嘅相係姚元浩影嘅，但當時王心凌係唔知被人影咗相，嗰時佢哋拍緊拖好甜蜜，姚元浩覺得女友瞓覺個樣好可愛，所以就影低咗。其實一兩年前已發現張相流出，當時質問姚元浩，姚元浩坦承張相係佢影，仲話唔知點解外洩。

王心凌所屬經理人公司噚日發出正式聲明：「那是心凌在家賴床午睡的照片，流傳這個照片已經涉及妨害秘密，嚴重侵害藝人私隱，已與律師研究，針對拍攝及散佈者提出民、刑事法律訴訟。」 姚元浩就透過經理人回應：「發誓，不是我散發出去的。我真的不知道為甚麼照片會流出去，當時（上次流出）有跟她道歉。」姚元浩經理人話會同律師討論，循法律途徑追查係邊個流出張相。 至於係咪呢件事導致與心凌分手，姚元浩就冇回應。而讀者爆料所講嘅fb專頁，圖文已被刪，不過搜尋網絡仲見到有段片流傳。另外，王心凌所屬天晴音樂亦發出聲明，指出流傳相片已涉及妨礙秘密，嚴重侵害藝人隱私，已經同律師研究，會針對拍攝同散佈者提出法律訴訟。 其實呢次並唔係王心凌第一次有私密照被放上網，00年開始與王心凌拍拖5年嘅范植偉，10年喺facebook上載咗一張赤裸上身、擁抱住王心凌嘅自拍照，甚至聲言：「我原本以為她17歲，第一次是給我，但不是的。」又承認對舊愛動粗，語出驚人。 撰文：馮仁昭

當年今日