諸葛紫岐（Marie）與丈夫薛嘉麟今日於金鐘為細仔Andersen舉行百日宴，現場以馬戲團歡樂氣氛為主題。除了色彩繽紛的氣球，還有印有Andersen名字的馬卡龍、以朱古力爆炸糖製成的「雪卡」及Marie最愛的麵包超人卡通cupcake及蛋糕。薛嘉麟更親自設計兩款音樂旋轉木馬及音樂首飾盒百日禮盒，代表太太及兒子如珠如寶。

薛嘉麟與Marie齊齊受訪，透露今晚延開二十二圍，賓客都以親戚為主，薛嘉麟說：「今日呢個馬戲團主題，都係想一家人開開心心，因為我太太好鍾意馬戲團，仔仔又特別鍾意旋轉木馬，所以想將現場佈置成遊樂場咁，希望大家玩得開心。」

Marie表示湊兩位小朋友不太辛苦：「有第一個嘅經驗，今次冇咁緊張啊。」她大讚細仔好好湊，但仍未戒夜奶：「3個鐘就食一次，想4個鐘都唔得，冇覺好瞓。」Marie笑指囝囝未識分爸爸媽媽，但先叫誰亦冇所謂：「叫哥哥先啦，哥哥成日同佢講要叫哥哥先，唔好叫爸爸媽媽。」

再問囝囝Andersen的中文名？薛嘉麟表示稍後才透露，但指中文名是哥哥揀的：「我哋好尊重佢㗎，佢唔呷醋，又保護弟弟。」Marie接着說：「佢好開心，好錫細佬，所以我哋今晚會頒個『最佳哥哥』獎畀佢，而家佢五歲，好識嘢，有次我哋去旅行落雨，佢見啲BB衫喺出面，自動出去幫手收衫，我覺得佢好叻呀。」

談到Marie已極速修身，早前陀B亦未見肚，惹來代母產子的傳聞，她說：「都幾開心呀，keep到咁嘅身材。」薛嘉麟亦為太太未有公佈懷第二胎解釋，他謂只是不想太太有壓力：「第一個嗰時好大壓力，尤其生產完會有情緒波動，想畀多啲空間，等佢舒服啲。對哥哥都做咗好耐功夫，解釋畀佢知，所以哥哥錫佢都唔係必然㗎。」問到Marie孕期的keep fit之道，薛嘉麟即搶答說：「畀晒啲嘢我食囉。」

至於兩人會否再追個囡？薛嘉麟笑言要問細仔意見。問到Marie，丈夫薛嘉麟現時排第幾位？她隨即甜笑，薛嘉麟又搶答說：「冇所謂啦，總之太太係我心目中係排首位，我喺太太心目中有位置就得啦。」

------------------------------ 【每周送10萬】 升級壹會員獨家尊享，立即參加<a href=" https://hk.adai.ly/e/ShQ44kiA4X ">10萬火急大抽獎</a> ! *推廣生意的競賽牌照號碼：52302-9

------------------------------- 錶迷必讀！ 89頁腕時計電子書 66款嚴選年度新錶 https://hk.adai.ly/e/v7jEA0MC1X

【Andersen百日宴】諸葛紫岐餵夜奶冇覺好瞓 薛嘉麟唔想老婆有壓力

張致恒（Steven）昨日在IG公告與28歲的未婚妻雯雯踏入人生另一階段，及後他更分享二人已做了父母，二人生了兒子「天寶」，囝囝已100日大。Steven的雙喜臨門消息火速地被他的「現在進行式」的花心偷食新聞蓋過，除舊愛April外，不少「苦主」女友也在社交網站爆料。

雯雯成「正印」做準張太，更為Steven秘密產子，本來是喜事，但未知她見到未婚夫情史越揭越臭有何感想。而雯雯的背景亦十分神秘，有指她是Steven的粉絲，《蘋果》就收到讀者報料，指雯雯是一名模特兒，在一個名為「Hello Online Model」的網站上，搵到一個名叫區雯雯的模特兒，樣貌疑似準張太雯雯。區雯雯身高僅151cm，即5尺未夠，而三圍就只有32A、26、28，身形相當嬌小，網站上有多張雯雯的模特兒相，攝於14年，她擺的甫士生硬。此網站是給人上網留言安排預約工作，即是一般愛好拍攝的「龍友」也可以在網站直接留言搵她工作。

Steven食女無數，之前的女友質素都不差，有「人間胸器」的莊端兒、歌手傅珮嘉、鍾舒漫、富貴台妹Doris及模特兒梁皓恩（April）等，而他最後情歸「龍友」模特兒的雯雯，真係越食越樸素。

【越食越樸素】張致恒未婚妻雯雯起底 5尺未夠做龍友Model

泳兒今日去到新城電台為新歌《野木蘭》宣傳，前同事張致恒（Steven）昨日宣佈婚訊兼已升呢做老竇，在IG幸福晒出一家三口相，問到泳兒有否恭喜Steven，泳兒有口難言地說︰「噚日見到呢個訊息，唔知點講，成家立室係踏入人生另一個階段，係值得開心，但係網上見到好多留言，希望佢可以處理得好好，希望喺呢件事上面嘅人物，都會能夠有一個好舒服嘅解決方法，感情事係要畀番人哋私人空間，我唔識April（梁皓恩），愛情事當事人最清楚，要搞清楚關係，唔好傷害到任何人，我自己嘅愛情觀係鍾唔鍾意一個人都要坦白，唔好令身邊人受傷害。」

此外，泳兒表示《野木蘭》是未灌錄已非常喜歡的歌曲，過往的歌曲給予人軟弱感覺，泳兒指自己其實好硬淨，她說︰「首歌講每個人都有瘋狂嘅一面，好多人對唔公平嘅事，心裏太大壓抑，除咗喺而家呢個社會氛圍啱聽，其實人出世就要面對好多壓力，要去抒發。」

----------------------------- 【每周送10萬】 升級壹會員獨家尊享，立即參加<a href=" https://hk.adai.ly/e/ShQ44kiA4X ">10萬火急大抽獎</a> ! *推廣生意的競賽牌照號碼：52302-9

【要坦白】泳兒祝福張致恒成家做老竇  搞清楚關係勿傷害身邊人

陳潔儀（Kit）、李幸倪（Gin Lee）與江海珈（AGA）昨晚於灣仔舉行音樂會，Kit閨密鄧萃雯及前Sun Boyz成員麥子豪（Dennis）亦有到場欣賞。Kit與Gin Lee合唱《心痛》後，Gin Lee變身小歌迷說：「我而家好似發緊夢，因為我鍾意咗Kit好耐，死啦，無啦啦變咗表白。我由細到大都聽Kit啲歌，佢啲歌又好聽，把聲好有親切感同好溫暖嘅感覺。《心痛》呢首歌 我之前喺《中國好聲音》唱過，冇諗過可以一齊唱，rehersal嗰陣，我想搣自己，佢竟然喺我隔離唱呢首歌。」Kit表示這是緣份，大讚Gin Lee有美麗的聲音：「我有睇過你唱，我覺得呢個女仔唱得好過我，真的。」

完場後三人齊齊受訪，Kit笑指今次合作只是開始：「咁講好似好唔謙虛，但係rehersal嗰陣已經覺得好好聽，有時聽錄音同真人會被人呃㗎嘛，但佢哋真係唱得好好，三個都係唱家班。」AGA謂綵排時，即使不是自己的部分，亦會留下來聽。

至於小歌迷Gin Lee，對於能與Kit同台仍感覺夢幻，Kit說：「我喺台度見到你嘅表情好得意，有時好似細路女咁。」Gin Lee即接着說：「見到我啲心心眼出晒嚟，頭先獨唱《擔心》嗰陣最緊張，原來喺原唱者面前唱，真係好緊張。」Kit表示會給Gin Lee九分，留一分進步空間。

至於鄧萃雯亦有到場支持，Kit笑指要趁機澄清：「我哋喺個圈咁耐，網上啲人亂講，佢係我好好朋友。有啲人覺得佢性格難相處嘅地方，好直，直到你面皮薄會頂唔住，但係我又覺得好易接近，咁樣先容易做朋友。」

她表示看到大家以為她們是同性密友，感覺好好笑：「我哋又係抵死，張相我個樣好似男仔咁，我錫佢面之嘛。有啲朋友好戇居，以為我哋係。我唔會避忌，真性情，對好朋友就係會好熱情。」問到Kit會否擔心嚇怕追求者？她說：「會怕㗎，我哋兩個最驚呢樣，要幫我哋澄清。」

另外，問到Dennis好友張致恒榮升爸爸、結婚，並將於紅館舉行演唱會三喜臨門？他說：「真係時來運到，真心恭喜佢，有個咁好嘅女仔，又有咁好嘅BB，真係人生中最開心嘅時刻。」他透露兩、三個月前才見過張致恒，當時對方只是暗示：「大家有共識，唔會問呢啲。我都未見過（未婚妻及BB）呀，message咗佢講恭喜，不過佢未send BB相畀我睇。」他表示會與太太商量送甚麼賀禮，笑謂自己要追上對方腳步，盡快做爸爸。

採訪：盧妹 ------------------------------ 【每周送10萬】 升級壹會員獨家尊享，立即參加<a href=" https://hk.adai.ly/e/ShQ44kiA4X ">10萬火急大抽獎</a> ! *推廣生意的競賽牌照號碼：52302-9

【真性情】陳潔儀與鄧萃雯被傳同性密友  擔心嚇怕追求者趁機澄清

大熱日劇《大叔的愛》去年在亞洲掀起一片BL熱潮，又帶挈男主角田中圭吐氣揚眉，連帶其他演員亦人氣急升。

《大叔的愛》今年添食開拍電影版，田中圭剛於本月10日度過其35歲生日，已婚的他與太太Sakura育有兩個囡囡，雖然田中圭拍攝新劇《輪到你了》要開工半年，近期更加是忙得不可開交，但他仍騰出時間，獲圈中人開P補祝生日。雜誌《女性自身》就拍得田中圭於日前到一間烤肉店晚飯，一行人約7至8人，當日他們Book房慶祝，《大叔的愛》的27歲女星內田理央亦有同場。

去年曾有雜誌拍得田中圭於深夜時份密會內田理央，兩人在食店的獨立房間撐枱腳3小時，當時內田理央否認與田中有不尋常關係，形容對方是個很好的前輩。據田中圭早前接受傳媒專訪，他直認收工後通常不會直接返家，習慣會找朋友或做gym，田中自言並非唔顧家，只是不喜歡每日過住開工及返家的生活，他表示也會擔心惹老婆不滿而睇住時間盡早歸家。

------------------------------ 【每周送10萬】 升級壹會員獨家尊享，立即參加<a href=" https://hk.adai.ly/e/ShQ44kiA4X ">10萬火急大抽獎</a> ! *推廣生意的競賽牌照號碼：52302-9

【唔驚老婆鬧？】《大叔的愛》撮合 田中圭獲內田理央賀35歲生日

荷蘭著名男星、曾於世紀科幻經典《2020》（Blade Runner）中飾演奸角Roy Batty的路加侯亞（Rutger Hauer），於本月19日在其荷蘭家中逝世，享年75歲，外媒報道指他的喪禮已於昨日舉行。路加侯亞於《2020》中飾演複製人，與男主角夏里遜福（Harrison Ford）展開廝殺戰，最終在雨中一幕「雨中淚水獨白」，被稱為電影史上最動人的死前獨白：「所有的那些時刻，都將消逝在時光中，一如淚水，消失在雨中。死亡的時刻到了。」據指這幾句獨白是路加侯亞即興創作，在拍攝現場表演該段對話時，電影工作人員更集體鼓掌，有些人甚至當場哭了。

《2020》的金像導演列尼史葛（Ridley Scott）昨日發文致哀，他表示：「路加是個溫柔的巨人，在那1982年片場的第一天第一個早上，我未見過一個人會如此緊張，而那部電影是叫《2020》。我們在整個拍攝過程中都互相幫助，因為那很具挑戰性。我會掛念他。」 路加侯亞於1969年拍攝保羅韋浩雲（Paul Verhoeven）執導的中古電視劇《Floris》出道，之後拍過三部荷蘭本土電影後便進軍荷李活，首部荷李活作品是1981年與動作巨星史泰龍（Sylvester Stallone）合作的《夜鷹》（Nighthawks），1985年又拍過《鷹狼傳奇》（Ladyhawke）、1986年《魔鬼司令》（The Hitcher）、1989年《義膽游龍》（Blind Fury），同年的《末世聖鬥士》（Salute of the Jugger）更是與華裔女星陳沖合作。近年，路加侯亞仍活躍於影壇，近作有《罪惡城》（Sin City）、《蝙蝠俠：俠影之謎》（Batman Begins）和《淘金殺手》（The Sisters Brothers）等。

路加侯亞生前是綠色和平活躍人士，並成立非牟利Starfish Association，收益全放到愛滋病活動。有兩段婚姻的他，與第二任妻子Ineke ten Cate結婚50年，跟首任妻子育有一女Aysha Hauer，也是一名演員。 撰文：何德

路加侯亞逝世 《2020》經典獨白永懷

彭家麗、黃淑儀、車淑梅及洪卓立等昨日到銅鑼灣出席《聽出好戲勢》分享會，宣傳為視障人士而設的聲音導航劇集系列。首次以聲音導航的彭家麗，對能協助視障人士感高興：「我最近加入咗業餘田徑運動隊嘅先進隊，其實以前叫耆英隊，好多隊員都為視障人士做領跑，我自己都好想試，但係要操練多啲先。」 彭家麗表示聲音導航比平日唱歌更有難度：「因為要夾時間做旁述，唱歌只要自己啱拍子就得。」車淑梅對聲音導航很有經驗，曾即場聲演予視障人士，對於近日外界的「反紅媒」聲音，她說：「我覺得所有媒體都應該中立，將事實擺喺觀眾、聽眾面前。我自己都會做多啲正能量嘅節目，SARS都過到，希望可以手牽手發揮香港人精神，令到香港人可以開心啲。」 採訪、攝影：盧妹

彭家麗操弗做領跑

王梓軒、林德信及葉蒨文等前晚到紅磡欣賞音樂劇《我們的青春日誌》。王梓軒之前為劉松仁執導的舞台劇《利瑪竇》演出，暫時獲通知明年會於文化中心再度公演，明年亦會有演唱會版本。

王梓軒說：「期待音樂劇有演唱會版及舞台劇重演，同松哥（劉松仁）合作，令到我適應能力同抵抗壓力嘅能力都提高咗，松哥本人好和藹，工作時候要求好高，每次演到中場都會同我講當日做得唔好嘅位，叫我下一場好好留意唔好咁演，初初都好驚，不過每日改少少，自己總算處理到，多得松哥錫住。」 採訪：張明 攝影：林賓尼

王梓軒抗壓提高多得松哥

現年34歲Boy'z成員張致恒（Steven）噚日喺Ig貼出一張同女友雯雯嘅自拍照並留言：「感恩！我們將踏入人生另一階段，謝謝你！」好友鄭希怡（Yumiko）立即回覆：「wow，恭喜你呀！」眾粉絲亦恭喜Steven，同時留言向38歲關智斌（Kenny）催婚。有傳Steven跟28歲女粉絲雯雯交往，女方近日仲為佢生咗個仔，佢哋上周為BB搞百日宴，Steven馬上畀女友名份。 Steven分享婚訊，佢嘅前經理人霍汶希（Mani）噚日話：「我哋有個group，阿Sa、阿嬌等個個都恭喜緊佢呀。」Steven舊愛、「波波姐」莊端兒噚日都有大方送祝福：「有點意外，但好開心有好消息呀！祝佢哋幸福美滿！」Kenny就話：「恭喜晒我個好兄弟Steven，我聽到呢個消息都有啲驚訝同突如其來，又開心，佢喺人生度行入另一個階段，我呢排成日同佢一齊做嘢，都覺得佢越來越成熟，喺呢度祝福佢。」

Steven剛出道時曾同鍾舒漫拍拖，2013年因「漏M女」孫旗介入導致分手，其後孫旗控訴Steven奪咗佢嘅「初夜」後即受冷待致分手，不過，Steven當時否認兩人曾經拍拖，只承認同對方有過一夜情，自認「衰鹹濕」，跟着Steven跟莊端兒相戀，但2015年Steven被爆背女友追富貴台妹，Steven公開道歉兼宣佈結束兩年情，Steven喺2016年同舞台劇演員梁皓恩（April）公開戀情，讚女友令佢變得成熟，但今年Steven又被揭有新女，盛傳背正印April偷食，原來佢最後情歸女粉絲雯雯。 撰文：馮仁昭

當年今日