喺健身室入面除咗可以操肌曬body之外仲可以做乜？係變啞鈴呀！點變？睇吓何雁詩咪知囉。

事緣何雁詩噚日喺IG度post咗一段佢喺健身室拍嘅「男仔力的表現」影片，影片中着住運動衫嘅佢先係瞓喺地下，然後就先後被周志文、羅天宇同埋李興華當抽起，片段中就以周志文、羅天宇最輕鬆，輕易而舉就可以將何雁詩抽起三次以上，而李興華則只抽一次就擰晒頭咁將何雁詩放番落地。難怪何雁詩都話三人裡面只有李興華話佢重，其餘兩個都都話佢好輕。

嗱，最近有傳因為要保住男友鄭俊弘事業而放棄同星夢娛樂續約、要番去打高爾夫球轉型嘅何雁詩（相關新聞： https://bit.ly/2uSO6y5），雖然冇得同星夢續約，不過成條片見何雁詩玩得鬼咁開心，心情似乎都冇乜受影響！ 

精選娛聞，喺晒《娛果》 http://fb.com/appledailyent

【三王一后乜玩法？】何雁詩健身室變啞鈴 三男輪住舉

60歲嘅梁家輝同老婆江嘉年結婚31年，生咗一對孖女梁靜禧（Nikkie）同梁穎晨（Chloe），一對孖女都27歲咁大個女，家輝依然keep得好好，可算係城中美魔男。

佢一對孖女應該同家輝關係越大越sweet，成日都不時「開倉」，貼佢一對父母後生相同片段，今日，Nikkie又益網民，擺了一條92年嘅video，即係家輝當時34歲，而Nikkie仲喺初生BB。

片中，Nikkie就已經瞓緊覺覺豬，家輝就好溫柔又摸佢額頭仔、唱一陣歌仔，又錫錫囡囡，家輝嗰樣好冧，暖爸指數爆棚。睇返年份，同家輝當時髮型，當時佢喺同梁朝偉拍緊《風塵三俠》年代，當年佢做角色好經典，做花心浪子程仁，睇中偉仔細妹朱茵，又有子夜情人袁詠儀，戲內要花心，返到屋企對住「小情人」囡囡又好情深，真係要抽身都唔易0架！

【26年前喇】孖女又開倉 梁家輝《風塵三俠》Look攬實情人唱歌

黃心美、朱薰今日去到荷里活廣場，出席香港世界宣明會舉辦嘅「舊書回收義賣大行動」。

心美帶咗本書《斷捨離》，教人消費前三思，心美話好適合愛購物嘅妹妹黃心穎閱讀，心美話：「佢幾十呎房放滿晒嘢，工人房碌架牀都放滿，全部衫褲鞋襪，工人姐姐都話佢污糟。」

心美爆心穎習慣唔執嘢，兼且購物慾強，全因媽咪寵壞，加上心穎出世時家境較富裕，每次返屋企前總要買嘢。心美話：「我唔會入佢房，一入去見到就忟，我好整齊唔會有多餘嘢。」心美表示，心穎選港姐出埠時，曾經為妹妹房間執拾，隨後當然回復原狀。

現在妹妹搬出自住，曾經表示家中冇水，心美話：「我第一時間諗起佢冇交水費，不過原來唔係。」對於心穎如此生活習慣會否嚇怕馬國明，心美話：「應該唔會，佢好腍善，作為男友應該受接受埋佢其它。」

【馬明知唔知㗎？】爆黃心穎唔執嘢 黃心美：工人姐姐都話佢污糟

韓國男星宋仲基自前年拍完神劇《太陽的後裔》就一直未有新作，雖然早前多次傳出佢將與《太陽》舊拍檔金智媛、《金裝律師》男星張東健合作tvN歷史新劇《阿斯達編年史》，不過tvN方面一直否認消息。

直到今日，tvN先宣佈官方消息，表示宋仲基、金智媛、張東健落實演出新劇《阿斯達編年史》，劇集係100%事前製作，所以預計下半年開拍，並於明年上半年播出。《阿斯達編年史》以虛構嘅古代都市「阿斯達」為中心，而展開嘅權力鬥爭、愛與成長故事嘅奇幻古裝劇，由《善德女王》、《六龍飛天》嘅金英賢、朴尚淵編劇共同執筆、《Signal》、《我的大叔》金元錫導演執導。至於早前有報道指韓片《惡女》女星金玉彬亦會加盟，不過官方就未有宣佈相關消息，似乎金玉彬方面亦未落實演出。

據悉宋仲基飾演嘅「銀蟾」，係接受藍色彗星之息嘅預言之子，失去雙親後獨自一人喺非議中長大，有住異於常人嘅外貌、性格、能力，日後成為阿斯達嘅征服者。金智媛飾演懷著藍色彗星之息而生嘅預言少女「譚雅」，係「銀蟾」嘅初戀，至於張東健飾演嘅「塔昆」就係阿斯達帝國嘅第一位王。

宋仲基、金智媛等人落實演出新劇，令粉絲都相當期待，加上其演員老婆宋慧喬之前亦落實與朴寶劍合作新劇《男朋友》，雙宋夫婦同時回歸公仔箱都令外界相當關注。另外，喬妹代言嘅護膚品牌今日再公開其新相，大晒白滑肌膚。

更多韓流，喺晒《娛果》 http://fb.com/appledailyent

【韓流】終於落實！宋仲基拍新作《阿斯達編年史》戀金智媛

陳慧琳(Kelly)噚晚喺旺角麥花臣場館，為佢嘅新碟《Watch Me》舉行MOOV Live音樂會，首度喺旺角開騷，獲全場爆滿嘅Kelly就落足心機，全晚換足三套衫，除演繹新碟歌曲外，仲兩度Encore唱出《最佳位置》及《最愛演唱會》答謝Fans，但Fans們依然唔肯走，Kelly就話：「冇歌啦，要聽就要紅館再見。」

首次空降旺角開騷，Kelly大讚：「呢度真係好方便好近屋企，五分鐘就返到去。」問到一對寶貝蝦餃仔同小籠包點解今晚唔嚟捧場？佢話：「佢哋兩個晏晝彩排有嚟，呢排喺屋企已經聽我唱好多，聽到佢哋嘔咁濟。」 kelly又表示忙完今次演出，終於可以陪囝囝放暑假：「可以同佢哋出埠玩吓，去主題樂園呢啲一定唔少得，佢哋就玩到癲，我就一定曬到燶。」

問到下一站係咪計劃再開紅館？Kelly話：「我都想，希望唔好太耐，但要等我再儲多啲歌先，希望盡快啦，上一次開紅館已經係15年。」

精選娛聞，喺晒《娛果》 http://fb.com/appledailyent

【空降旺角開騷】Kelly大讚好方便：5分鐘就返到屋企

韓國賣座電影《與神同行》下集《與神同行：終極審判》，將於下月在香港開畫。河正宇昨日接受韓媒訪問時，表示如《與神同行》開拍第三及第四部，亦樂意繼續演出，並對之後的劇情十分好奇。 另外，《與神同行》一眾主角下月初將到台灣宣傳造勢，並會在台北市政府市民廣場舉辦亞洲首映會。據知場地可容納上萬人，而活動沒有名額限制，粉絲可免費入場，預料現場將會非常墟冚。

河正宇冀《與神同行》再添食

資深演員夏萍於50年代拍攝粵語片入行，在80年代踏入中年時，加入電視圈，演出人母甚至祖母級角色，橫跨演藝圈60年，是圈中出名金牌綠葉的老戲骨，在無綫重播的《刑事偵緝檔案》系列劇集中，在第二及第三輯都有見到她飾演梁榮忠伯娘一角。 Apple姐原是獨居老人，與首任丈夫育有一對子女，但鮮有聯絡，近年因身體問題淡出電視圈。她於15年時，曾被發現在家中跌倒，逾十小時後，才有人發現事件送往醫院。Apple姐出院後行動不便，擔心獨居再出事，她便搬往老人院，接受護理人員照顧。圈中尚有與Apple姐聯絡的，包括有她的契仔林家棟及演員梁健平，她近年已未有公開露面，對她狀況了解甚少。

不過，本報讀者潘先生日前透過「爆相爆片」分享Apple姐的最新影蹤。當時為下午時份，Apple姐現身葵涌石籬邨一茶餐廳，從潘先生提供片段中見到她坐在輪椅，與女友人食午餐，她身穿白色圖案tee、紅色披肩及紅色cap帽，桌上則擺放一副太陽眼鏡，可見她仍然注重打扮。Apple姐食飯期間，全程自己一手揸匙羹、一手拎住飯碗自己進食，食兩啖又與朋友聊天。雖然她露出白鬢，又要以輪椅代步，但精神飽滿，氣色自然。 問到當時Apple姐當時情況，潘先生表示：「放lunch食飯時，望過隔籬枱就見到一個超精靈嘅老人家，睇真啲原來係夏萍姐，好開心見到佢可以自己食嘢，唔使人餵，希望佢一直都咁健康、精靈。」

本報嘗試聯絡Apple姐，但她的電話號碼已經停止使用，Apple姐契仔林家棟現於深圳拍戲，他以短訊回覆本報：「佢&#134513;家OK呀，健康都幾好呀，始終有專業人員睇住，其實我都係定時定候探佢。」此外，大前年接她出院時的好友梁健平亦向本報為Apple姐報平安，透露她已停用手機，因為想安安靜靜生活，不想被人人騷擾，他表示：「我近排只係同佢電話聯絡過，佢話自己情況OK，佢話自己肥咗㖭！大家唔使擔心。」 採訪：魯吉、葉晴

80歲夏萍住老人院閒食茶記　梁健平：佢話自己肥咗

深怕獨居再出事 80歲夏萍老人院養肥　閒食茶記

日本實力派女歌手AI昨日透過Ig上載一家三口的近照，她表示將有家庭新成員加入，已見肚的她被囡囡平和摸住肚皮，是她結婚四年來的第二胎，而AI的預產期將會是大除夕，相信她今年無緣參與年底各大音樂盛會。 AI丈夫HIRO是組合KAIKI GESSHOKU的隊長，二人婚後恩愛，育有快滿三歲的囡囡，而AI去年來港宣傳及開騷時，HIRO亦抱囡囡撐老婆，可謂婦唱夫隨。

AI晒肚年尾生第二胎

第75屆威尼斯影展將於下月29日至9月8日舉行，英國金像女星雲妮莎烈格芙（Vanessa Redgrave）今年會獲頒終身成就獎，墨西哥金像導演吉拿域戴拖路（Guillermo del Toro）則成今屆評審主席，有指他將率女星娜奧美屈絲（Naomi Watts）及65歲台灣導演張艾嘉擔任評審，身為金馬獎前主席的張艾嘉會是影展上第七位華人女性評委。而賴恩高斯寧（Ryan Gosling）主演的新片《登月第一人》（First Man）成開幕電影，大會昨日公佈其他入圍電影，妮坦莉寶雯（Natalie Portman）偕祖迪羅（Jude Law）合演的《Vox Lux》亦有份角逐最高榮譽金獅獎。

至於西藏導演萬瑪才旦、王家衛監製電影《撞死了一只羊》則入圍地平線單元爭獎。 另外，多倫多國際電影節（TIFF）於9月6日至16日舉行，主展映單元名單已陸續公佈，內地作品有《影》以及姜文執導兼主演新片《邪不壓正》入選。 撰文：哥羅

張艾嘉任威尼斯影展評委

葛民輝昨日為商台長壽節目《十八樓C座》50周年客串做嘉賓，阿葛正忙於為朋友搵舖位及裝修一間咖啡室，他笑言：「估唔到深水埗𠵱家好多文青舖，我通常都係行鴨寮街。」阿葛同時為另一個朋友開設一間醫療中心進行裝修工作，他說：「我冇投資，間醫療中心行高檔路線，有防輻射房間、衞生技術，自己都要做功課。」 阿葛跟著名髮型師馬桂燦（Jacky Ma）相交多年，Jacky Ma早前接受切胃手術後，隨即相約眾友飯敍，阿葛說：「佢康復得好好，見佢食好多嘢，冇咗個胃，直上直落，佢第二日仲再約朋友食飯。」 採訪、攝影：張俊銘

葛民輝為朋友變裝修佬

ViuTV節目《入住請敲門》喺舊年推出咗第一輯，雖然佢起用新人莫竣名同林婷，播出之後坊間嘅反應都好好，結果ViuTV添食，喺呢個月推出第二輯，今次主打泰國同馬來西亞呢啲地方，迴響比之前更加大。

林婷和莫竣名日前在銅鑼灣接受訪問，莫竣名一坐低就即笑住話林婷係咪食咗藥，猛問佢係咪唔驚，抑或係驚到冇表情，搞到林婷冇咁好氣話：「咁唔多唔少係一定會驚，不過今次係換咗個方式，冷靜地驚，今季主要多啲靈探點，多咗啲遊戲，成件事豐富啲。」

其實喺電視畫面，周不時見到有一隻紅色眼嘅icon出現，話俾觀眾聽邊個位置出現靈體，佢哋話：「我哋有一個幕後本身睇到，所以剪片嘅時候專登俾佢睇，等佢再話俾大家知邊度有。」不過最令佢哋覺得安心嘅地方，原來仲有一個師父：「佢唔想出鏡，但係佢有時會同我哋一齊拍，睇吓嗰個地方適唔適合。」莫竣名話：「佢有時話俾我哋知啲靈體有法力，不過之後會叫我哋繼續拍，好似有一次我去咗醫院拍嘢，師父喺門口set咗個壇，埋位之前同我哋唸經，篤吓個額頭，跟住會同其他人外面等，變咗我哋個人安心好多，佢都有俾度符我，不過拍拍吓唔知放咗去邊。」

講到有冇見到怪事，林婷先話：「咁又冇真係見到，最多只係聽到有音樂，好似其中有一集，不過冇出到街，去咗吉隆坡一間酒店，半夜聽到有啲音樂，我咪即刻WhatsApp隔籬房嘅導演，問佢係咪播歌，點知佢哋話冇，之後行咗走出間房，係冇音樂聲，我間房嘅另一係後樓梯，啲窗又係密封，真係唔知邊度嚟。」

林婷之後喺另一集去咗一間祖屋拍攝，其間亦有啲怪事：「嗰間祖屋10幾層，成間屋留低咗好多嘢，師父話間屋係有法力嘅鬼，我哋最多只係去到頭嗰幾層拍，結果我哋真係拍咗4層，之後上唔到去，而且全程我個頭都勁痛，好唔舒服！」

莫竣名就話：「除咗喺第一集讀聖經嘅時候，聽到有笑聲之外，仲有另一集我哋喺芭堤雅拍，係上年發生過藏屍案，廁所個水喉好似俾人撳住咁長開，搞到濕晒，當時廁所係冇人，真係好得人驚！我嗰晚仲被鬼壓，瞓得好差。」佢補充話：「其實一直我都對呢方面半信半疑，而且聽到啲師傅講得好實在，所以先敢去，想親身睇吓係咪可以聽到、睇到，想感受見到嘅人睇到會點。」

採訪：何慧斯 化妝：@Scarlettymakeup（莫竣名） 服裝：Beams @ ithk（林婷）、@theholymtm（莫竣名） 場地提供：HMV Kafé

當年今日