現年53歲嘅大台藝人王綺琴，早前喺《平安谷之詭谷傳奇》演「樹根嫂」深入民心，開始多咗觀眾認得佢。不過今日雜誌報道，爆出佢患上腦動脈血管瘤，俗稱「腦血瘤」，呢個病可大可少，所以王綺琴聽醫生講，入院做切除手術，仲用咗半年時間休養。

報道指王綺琴o依家好愛珍身體，又睇中醫針灸調理，仲勤練瑜伽，食方面都揀多咗有益嘅食物。《蘋果》問番王綺琴，佢話：「係舊年年中嘅事，我搭飛機返香港，飲完杯香檳之後暈咗，空姐拍醒我嗰陣，我已經失禁！落機之後我睇醫生，醫生叫我照下個腦，點知就發現有個4mm嘅血管瘤。跟住8月我就做微創，o依家冇事啦。我都算好彩，可以做微創，唔駛開刀，其實嗰次暈低，同血管瘤無關，都唔知道嗰次暈嘅真正原因。」

綺琴話因爲有事，所以舊年《逆緣》有個角色要佢攞刀斬人，佢都唔敢拍。不過早排佢已經開番工，拍完潘嘉德監製嘅《好日子》。

精選娛聞，喺晒《娛果》 http://fb.com/appledailyent

【《平安谷》樹根嫂】王綺琴爆患「腦血瘤」：我都算好彩可以做微創

朝日電視台新劇《大叔的愛》開播後引起網結熱話，好戲大叔吉田鋼太郎扮演有老婆嘅同志上司，對田中圭飾演嘅直男主角一往情深，吉田鋼太郎在劇中不時流露出少女心，演繹出嘅反差萌成為劇集最大看點。

《大叔的愛》大玩職場HeHe三角戀，更發展到男男不倫情節，可惜首集收視低開得2.9%，與口碑及話題唔成正比。不過電視雜誌《The Television》公佈最新視聽熱排行榜，《大叔的愛》以大比數拋離多套日劇成為榜首。至於以吉田鋼太郎劇中角色身份開設嘅Instagram帳號，不時上載模擬偷拍男下屬嘅照片，圖中說明又充滿少女心，令IG日前已破10萬粉絲追隨，目前follower已達12萬，比起《大叔的愛》官方IG嘅9萬幾嘅follower簡直有過之而無不及。

精選娛聞，喺晒《娛果》 http://fb.com/appledailyent

【大叔IG粉絲勁升】《大叔的愛》爆紅 拋離對手登視聽熱榜首

今日假期，天朗氣清，最適宜郊遊，如果自己有間望海嘅別墅，就更加係無敵啦！不過唔係普通人可以享有。大美人李嘉欣就唔同喇！嘉欣今日喺instagram貼相，hang tag「 #labourday #thankful #whereigotmarried #perfectday」，喺一個綠草如茵嘅大花園，背景係一大片海，加埋藍天白雲，同狗狗一齊同陽光玩遊戲，真係羨慕死人。

嘉欣畀晒提示#whereigotmarried，嘉欣同老公許晉亨2008年結婚時，就係喺老爺許世勳當時名下嘅石澳別墅舉行億元婚禮。今日勞動假，囝囝Jayden唔使返學，一家人去別墅玩吓休息吓，都咪話唔疏干。

相中見着住淺藍色裙，戴白色帽嘅嘉欣，踎低摸緊愛犬個頭，襯托埋咁好嘅天氣，好有夏天feel。唔知張相係老公定囝囝操刀影呢。

【另類打卡】趁假期兼好天氣 李嘉欣返石澳別墅嘆世界

黎明女友Wing上月誕下女兒，如今已返回黎明位於上水雙魚河的St. Andrews Place豪宅休養。之前已有報道指為了方便照顧Wing，故黎明安排住在藍田公屋的Wing母，遷進同樣御林皇府獨立屋，與Wing所住地點相距車程不足五分鐘。

Wing已誕下囡囡，黎明亦在fb發聲明，報喜之餘也表現出對女友早產曝光的憤怒。不過今日黎明同Wing再度成為周刊封面人物，指女方雖然為黎明生B，但至今仍「兩袖清風」，名下未有物業。

報道又指，Wing中學在觀塘一家女校就讀，異性緣旺而且早熟，有舊同學爆料指Wing一放學就會約埋同學去隔籬嘅學校識男仔，仲話對Wing嘅印象係「佢好早就喺出面識男朋友，放學就去拍拖。」

此外，Wing的富二代賽車手舊愛趙偉猷（Vincent）亦成追訪對象。Wing與陳姓前夫於2011年1月結婚，陳生略有家底，幫屋企打理餐館。離婚後Wing與Vincent撻著，至去年10月仲一齊以情侶姿態出席周國賢胞妹婚禮，但計番條數，當時Wing應與黎明已發展感情……

周刊到訪Vincent嘅車行，如常工作，間中煲煙。記者上前採訪，Vincent禮貌地報以微笑，但當知記者問及Wing前事，以及Wing是否一腳踏兩船，Vincent則面色一沉，封口拒回應，急步返回室內。

【名下冇物業】黎明女友被揭讀女校異性緣旺 富二代舊愛封嘴

小朋友真係大得好快，楊愛瑾（Miki）嘅囝囝Baby Luken剛滿1歲，現在已開始牙牙學語。Miki噚日喺IG嘅限時動態上載一條短片，片中見Luken坐喺BB櫈上，眼仔睩睩望住鏡頭，個樣同爸爸郭永淳餅印一樣。

唔少父母都會好care仔女叫爸爸先定媽媽先？負責拍片嘅爸爸郭永淳不停引導Luken講：「You say again bye bye DaDa(爸爸).」，Luken都好醒目，有時都會跟住講到「DaDa」同「爸爸」，講「bye bye」時手仔仲識做拜拜手勢。

聽到囝囝不停嗌爸爸，身為媽咪嘅Miki似乎有少少呷醋，留言﹕「人哋話叫邊個先就邊個辛苦啲，咁我唔同你爭喇。」呢句唔知真話定反話，但肯定Baby Luken仲未識嗌「媽媽」。

精選娛聞，喺晒《娛果》 http://fb.com/appledailyent

【牙牙學語】1歲囝囝識嗌「DaDa」 Miki呷醋﹕叫邊個先就邊個辛苦啲

Marvel英雄巨作《復仇者聯盟3：無限之戰》（Avengers: Infinity War）破盡北美及全球票房開畫記錄，一向抵死嘅超級英雄「死侍」賴恩雷諾士（Ryan Reynolds）都有喺網上祝賀，仲話曾經想加入復仇者但被拒。

「死侍」賴恩喺社交網站tag#恭喜復仇者，然後上載咗一封回信，顯示佢曾經想加入復仇者聯盟，但遭鐵甲奇俠拒絕，對方回覆：「絕對唔可以，你去煩X教授。」信上顯示日期係2012年4月14日，亦即《復仇者聯盟》上映之前，認真搞笑。

【賀《復仇者3》勁收】死侍自揭欲加入復仇者聯盟被拒

韓劇《太陽的後裔》男星宋仲基（左）自去年拍完電影《軍艦島》就未有新作，但昨日有報道指他受邀主演tvN歷史新劇《阿斯達編年史》，而女主角亦有望由其《太陽》舊拍檔金智媛（右）演出。假如宋仲基及金智媛落實拍攝，將是兩人繼《太陽》後二度合作，同時網民亦關注宋慧喬會否客串一角。《阿斯達編年史》由《六龍飛天》的金英賢、朴尚妍編劇共同執筆，劇集將100%事前製作，預計明年中旬播出。

宋仲基金智媛或拍古裝

HotCha噚日到商台宣傳下月舉行嘅演唱會，佢哋好興奮咁話型男嘉賓終於落實，但要保持神秘。張惠雅（右）話好驚喜大家進度比想像之中快，兩日排好六隻舞，張紋嘉（左）坦言事前好擔心跳舞，佢話：「到排舞時好開心，揾番大家有幾熱愛跳舞嘅感覺，跳起時好有火，好有默契。」黎美言話兩星期後要北上拍戲一個月，屆時同導演請假三日返港做騷，期間惟有自己喺酒店練。 撰文：馮仁昭

【馮仁昭四圍超】HotCha搵到型男嘉賓

歌神張學友前晚假台北小巨蛋舉行巡唱第157場騷，吸引巨星級好友組成至強撐場團朝聖，包括梁朝偉及劉嘉玲、邱淑貞一家五口、梁家輝一家四口、周杰倫和老婆昆凌、曾志偉、林俊傑、葉童夫婦、杜德偉夫婦、甄珍母子、王心凌、潘瑋柏等，眾星獲安排坐在包廂睇騷，雖然離舞台較遠，但就沒受騷擾。

難得巨星雲集，嘉玲在社交網貼相及短片，留言：「我們來看你的演唱會。」見到偉仔投入地揮動螢光棒，露出招牌迷人笑容，梁家輝更興奮到揮手吶喊；身為台灣天王的周董，在群星面前變了後輩級，他在社交網貼相，留言稱羨慕：「學友哥的一幫老朋友從香港特別過來支持，這種感覺真棒，希望我以後也有這樣的朋友，今天到了《祝福》這首歌的時候，我終於懂了平常歌迷的感覺，原來聽到老歌的感覺，真好，謝謝學友哥，給我們一場這麼棒的演唱會。」 完騷後偉仔等拉隊食消夜，離去時因夜太深，邱淑貞的細女已睡着，要由爸爸沈嘉偉抱着上車，大女沈月就越大越靚。而學友就先到慶功宴，之後再趕來跟老友聚會。他在慶功宴上宣佈，明年1月假香港舉行尾站巡唱，已經打破上次「1/2世紀巡迴演唱會」146場紀錄的他說：「到時是第幾場沒關係，也不重要，這是一場做的很開心的演唱會。」

對於歌迷擔心是最後一次巡唱，學友坦言：「我就盡力，能做到甚麼時候就做到甚麼時候，常常說80歲、90歲是天方夜譚，雖然不知道能不能，但我還是抱持着非常樂觀的態度，然後堅持下去，因為這個真的是我最愛做的事情，我希望可以堅持到底，謝謝。」 撰文：皓騫

當年今日