黃貫中、夏韶聲、單立文（豹哥）、鄧建明（Joey）同恭碩良五位band壇強人首次合作，今晚喺紅館舉行首場「搖滾大俠奏」band騷，由於豹哥有份拍大台處境劇《愛．回家》，兼且「豹嫂」胡蓓蔚係胡說八道會成員，豹哥獲得最多圈中人撐場，包括胡杏兒同老公、胡定欣、姚子羚、李施嬅，仲有湯盈盈及一眾《愛．回家》演員，另外蔡一傑、杜德偉、陳奕迅爸爸、楊秀惠、袁偉豪等都現身睇騷。

舞台模仿工廠大廈外牆，有街頭開騷feel。甫開騷五子逐個出場埋位，Joey大叫問觀眾：「Are You Ready？」跟住五子合唱太極《紅色跑車》、Beyond《我是憤怒》等rock歌，夏韶聲話：「今晚我哋係Hong Kong Band，香港嘅樂隊。」跟住就唱出《搖擺心窩》，夏韶聲邊彈結他邊唱，仲走去打埋鼓，表現high爆。之後輪到黃貫中solo唱《踩界》，其他人就負責伴奏。

接着唱完演唱會主題曲《膽生毛》後，豹哥問觀眾：「點先？畀啲聲聽下好無呀？未食飯呀？今次第一次成軍演唱會，無理由咁快有咁多fans各有黨派。」之後豹哥再問現場有冇佢嘅fans？台下大叫，豹哥搞笑話：「我啲fans無用㗎，都係嗰啲愛回家、尋寶圖、胡說八道嗰啲，無用㗎……一係你哋每人捐100蚊畀單立文基金。」全場爆笑。

精選娛聞，喺晒《娛果》 http://fb.com/appledailyent

【我哋係Hong Kong Band】孖黃貫中、夏韶聲大俠奏 豹哥：我啲Fans無用㗎！

陶大宇、趙學而同李焯寧噚晚喺香港亞洲國際博覽館出席一個群星演唱會，最近大台重播陶大宇主演嘅劇集《刑事偵緝檔案》系列，吸引到一班深夜觀眾，所以當佢出場唱歌時，引起現場起哄。

喺過萬人面前一展歌喉，陶大宇仲模仿張學友嘅蘭花手唱《倒轉地球》，之後再唱慢歌《愛你一萬年》時更大送禮物，令現場fans high爆。被問做蘭花手好似歌神張學友，陶大宇話：「我只係配合歌詞，自然流露出嚟嘅動作。」

首次踏足亞博獻唱嘅李焯寧，臨出場前主辦單位特意叫佢放輕鬆，但現場所見她喺台上表演淡定，完全唔似初哥。李焯寧話：「亞博係一個好多巨星踏足過嘅舞台，而我都有幸被邀請，今日仲有好多唱加班在場，其實我好緊張，好大壓力。」

精選娛聞，喺晒《娛果》 http://fb.com/appledailyent

【好嘢唔怕學】陶大宇萬人前唱歌 本能反應跟學友擺蘭花手

當年由方力申、鄭中基同梁漢文主持嘅《美女廚房》笑到觀眾肚痛，特別係小方一句驚天地泣鬼神嘅：「啲奶假0架！」到今時今日仍然成為美談。

大台最近播出新一輯，網民卻向主持林盛斌、蕭正楠同張振朗派嬲，話個節目悶到抽筋。咁其實都唔係好關佢哋三個事嘅……新一輯首集都仲有嘉賓農夫頂住，第二集更慘，被網民狠批節目沉悶，主持亂噏，製作水準遠遜前一輯。

小方今晚到中環出席腕錶發佈會，佢話：「第一集有捧場，自己都覺得好睇，睇報道見到有啲負面批評，其實播出第一集，唔好咁快批評，畀機會再睇吓先。當年我哋嗰套有鄭中基好好笑，因為佢係出名搞笑演員。」

對於有網民話新主持唔及舊嗰代賤嘴，小方硬撐：「都話第一集好難判斷，畀機會睇多幾集。」問到覺唔覺你哋賤嘴過依家三位主持？小方坦言：「我哋三個係好朋友，做《美女廚房》時有人質疑我嘅人格好衰格，其實係為咗節目效果先做得衰格啲，節目確實有啲影響，形象深入民心。」都係嘅……

【啲奶假㗎】怨《美女廚房》破壞形象 方力申：有人質疑我好衰格

大劉劉鑾雄大仔劉鳴煒（MW）近年熱衷從政，關注青年事務，佢之前做青年事務委員會升咗格，唔單只由政務司司長親自領軍，仲連個名都改埋做青年發展委員會，做開主席嘅佢就過渡，成為青發會副主席。（新聞連結：  https://bit.ly/2M3iYmC  ）

MW從政有幾投入，睇佢之前幫海洋公園扮鬼扮馬就知，佢今日喺IG貼咗幾張新相，就扮中學生，唔知係咪同佢青年工作有關，要佢37歲扮中四學生，「減齡」20年都真係有啲難度，佢就留言：「It’s part of my job to go undercover into schools to gather information about young people.」要比喻…就好似星爺喺《逃學威龍》嘅周星星咁同學生哥「套料」，連佢自己hashtag都有tag「逃學威龍」、「扮中四學生唔容易」同「真係有功課要做」。

MW用心良苦，有網友留言讚佢係最喜愛嘅演員，讚佢用電子錶都好「入戲」，話佢拍《逃學威龍3》。其實，劉鳴煒早年喺香港讀漢基國際學校，之後去咗英國讀大學，如果要關注香港青少年嘅本地教育問題，真係要下唔少功夫，做吓功課。

精選娛聞，喺晒《娛果》 http://fb.com/appledailyent

【關注青年係咁做的？】37歲劉鳴煒扮中四學生 電子錶最有Feel

Cartier近年拍下不少微電影，亦和荷里活電影關係密切，最近就成為大片《盜海豪情：8美千嬌》的獨家珠寶贊助，更打造一眾雌大盜的終標偷竊目標：巨鑽頸錬。 新片日前在紐約舉行全球首映，紅地毯上，Cate Blanchett、Rihanna等頂級女星雲集，靚衫如雲，儼如Met Ball ! 主角Anne Hathaway（安夏菲慧）、Mindy Kalingand和Helena Bonham Carter都佩戴了卡地亞珠寶出席，閃爍動人。身穿Jean Paul Gaultier的Anne Hathaway，搭配1997年出品的vintage耳環。

更多娛聞，喺晒《娛果》 http://fb.com/appledailyent

【add即時．尚】《盜海豪情：8美千嬌》紐約首映  雲集荷里活頂級女主角

好多人拍拖、結婚都會搵師傅夾八字，祈求婚後生活美滿又幸福，&#134513;家香港的麥玲玲師傅就設計了呢個Minni八字交友APP，3月14日（白色情人節）上架。只需輸入自己的八字即可計算和對方的合拍度，慳返唔少時間磨合！另外，玲玲師傅更為Ketchuper同場加映，贈桃花外遊路線，及桃花最旺的4個生肖。想知自己有冇份，交友APP有咩必玩位？即去片。

【Ketchuper】免費每日運程同場贈桃花外遊路線/最旺4生肖  麥玲玲推交友APP

方力申到中環出席某品牌腕錶發佈會，現場仲見到小方嘅父母，原來為品牌鐘錶設計嘅女仔，係方家相交多年嘅世侄女，小方表示：「因為嗰個女仔畫嘅畫，曾經喺我爹哋畫廊做展覽，我哋好friend，所以嚟撐場。」記者笑問有冇機會對襯家？小方話：「佢啱啱結咗婚，當時全家都有祝賀。」

問到仲有冇其他世侄女？小方笑笑口話：「冇，我都準備搵契女，因為冇女朋友，所以先要搵契女囉。」記者攞番N年前小方同鍾欣潼（阿嬌）嘅緋聞講笑：「叫阿嬌生個畀你契？」小方即刻好大反應咁話：「嘩！咁遙遠，契唔係人哋叫我就會做，都要考慮，唔會自己主動話契。」

阿嬌噚日偕夫賴弘國返港（不過未簽紙…年底先至舉行婚禮），有冇送上祝賀？小方坦言：「冇，但我有睇報道，知佢啱啱度完蜜月返嚟。」覺唔覺得阿嬌個樣好sweet？小方避答：「人哋啲嘢，我唔答啦。」

阿嬌話12月擺酒，如果請到去唔去飲呢？小方話：「你要問番人哋啦，我唔答呢個假設性問題。」

相關報道： 阿嬌蜜月後偕夫返港拖手現身 唔肯俾老公滿分：怕佢驕傲 https://bit.ly/2LsyUO5

【十指緊扣】度蜜月後返港無所不談 阿嬌深情與老公互望 https://bit.ly/2HqdUoQ

【難離難捨...】賴弘國今離港返台 阿嬌貼老公相：今日笑一笑 https://bit.ly/2JfWmS1

精選娛聞，喺晒《娛果》 http://fb.com/appledailyent

【阿嬌偕夫現身】方力申抗拒回應：你問番人哋啦，我唔答假設問題

曾於2007年以韓國女團Cats成員身份出道嘅32歲女星韓昭宥，今日被爆上月發生車禍受重傷，由於受傷部位集中喺臉上，慘令佢毀容。

據報道指，韓昭宥上月與友人行喺路上時唔小心跌咗電話，當佢執電話嘅同時，遭到一架迴轉嘅車直接撞到，鼻、腳骨折，額頭、顴骨、臉部嚴重撞傷，立即被送到醫院開刀治療，未來仍要住院兩個月接受治療，韓昭宥目前傷勢穩定。

Cats喺樂壇短暫活動後解散，之後韓昭宥身兼演員、歌手繼續演藝活動。據悉佢將於下半年拍攝新劇，卻遇上車禍，令佢受訪時都感到心碎：「呢段時間，我為咗回歸戲劇，不斷練習演技、減肥，依家所有計畫都要延後，人生原來係咁絕望。」

更多韓流，喺晒《娛果》 http://fb.com/appledailyent

【韓流】32歲韓女團成員遇車禍重傷

「香江才女」林燕妮上星期五日因肺癌於養和醫院離世，享年75歲。

跟林燕妮相識多年的馬浚偉，兩人09年拍檔參加無綫遊戲節目認識，馬浚偉前日曾表示希望林燕妮死訊唔係真：「但我只希望，這不是事實！其實一個星期前同朋友去佢屋企探咗佢一次，仲好精神，好唔捨得佢！」有指馬浚偉與黃霑主毒節目《江山如此多FUN》認識，黃霑曾讚馬浚偉尊敬前輩，每逢過時過節總會致電問候，當時霑叔仍未與林燕妮分手，早有耳聞馬浚偉為人正直。

馬浚偉今日與胡定欣、黃心穎等人宣傳《深宮計》，再次講起好友林燕妮，馬浚偉坦言：「話唔難過係呃人嘅，幸好我喺一星期前有去過佢屋企探佢，佢係一位大才女，亦係我一個亦師亦友的前輩。」

【林燕妮病逝】與前輩亦師亦友 馬浚偉：話唔難過係呃人嘅

近日韓國娛樂圈掀起新一輪「2018冰桶挑戰」，呼籲大眾關注漸凍人症嘅「肌萎縮性脊髓側索硬化症」(ALS)病人，及支持韓國興建首個肌萎縮性脊髓側索硬化症嘅療養院，已經有多名藝人參與。

今年2月因甲狀腺機能低下症而停工休養嘅女星金裕貞，亦被點名參加冰桶挑戰，不過佢就以捐款代替淋冰水嚟支持行動，並喺Instagram公開自己捐咗210萬韓圜(約1.5萬港元)嘅善舉，希望外界更關注漸凍人。

另外，韓國型男鄭雨盛今日喺Ig拍片表示畀男星呂珍九點名接力參與「2018冰桶挑戰」：「佢點名當時我正喺海外，未能即時作出回應。之後我搜尋冰桶挑戰嘅規則，發現被點名嘅人24小時內未接受冰桶挑戰，便要捐款畀相關組織。」鄭雨盛隨即表示已經捐咗錢，更即時淋冰水力撐行動。

更多韓流，喺晒《娛果》 http://fb.com/appledailyent

【韓流】鄭雨盛 金裕貞捐款助漸凍人

楊證樺今日到電視城出席「六月星辰」活動，本月26日就43歲嘅楊證樺，噚日已經喺fb公佈咗收到第一份同最開心嘅生日禮物，就係太太沈可欣證實再度懷孕，噚日佢回覆傳媒時就講到仔女都冇所謂，最重要係BB身體健康，仲話BB嘅預產期係12月㖭(新聞連結：  https://bit.ly/2kScYRj  )！

今日活動上，楊證樺就話已經知道太太腹中塊肉係男丁，佢仲好開心咁話第二個BB就係佢今年最好的生日禮物。楊證樺話一直都有計劃生第二胎，呢個都係佢同太太嘅目標，最重要係健康同開心，一切順其自然。已育有一子嘅楊證樺，佢話大仔已經兩歲半，仲未明白咩叫做哥哥，仲會喺錫媽媽個肚時，咬咗一啖，真係好搞笑！

【大仔咬媽咪個肚…】太太預產期係12月 楊證樺：呢胎都係仔

唐詩詠近日忙住拍大台劇，喺《白色強人》演急症室醫生，不過有傳佢喺片場孤立同劇演心胸肺外科醫生嘅李佳芯，唐詩詠喺片場當李佳芯透明，又話二人好少交流，之不過傳係咁傳。

今日唐詩詠又貼出片場相，見張曦雯、唐詩詠同李佳芯一齊拎飲管啜何廣沛杯嘢飲，搞笑問網民：「如果你係何廣沛，你會覺得正定係陰功?」只見何廣沛個樣相當無奈。

而唐詩詠日前都貼過同李佳芯一齊食tea嘅相，一個包兩份食，噚日又晒出開工相，相中見張曦雯、唐詩詠同李佳芯扮呆，好似等緊埋位開工咁，不和傳聞不攻自破。

精選娛聞，喺晒《娛果》 http://fb.com/appledaily

【開工等到呆！】唐詩詠李佳芯狂啜 何廣沛勁無奈

日本人氣男星竹內涼真將相隔一年，於7月推出全新寫真集《Ryoma　Tаkeuchi》。今次寫真集係竹內涼真於今年三月去到柬埔寨取景，佢於短短三日拍咗逾4萬張寫真，而寫真集入面嘅相都係經過精挑細選，包括佢赤膊瞓喺床上誘粉絲，同埋淨係着住西裝嘅隱約騷肌照，以見證出道五年嘅佢，展現成熟男人味。竹內涼真上年寫真集《1mm》累積銷量達至8萬本，成為Oricon年度男性寫真銷量冠軍，未知今次新寫真會唔會再創銷量佳績。

精選娛聞，喺晒《娛果》 http://fb.com/appledailyent

【柬埔寨取景】竹內涼真出新寫真集 瞓床騷肌晒男人味

一年一度嘅港姐選舉即將進行招募活動，歷屆港姐亦受命出席宣傳活動，之不過喺今年嘅宣傳短片上，只係見到陳凱琳、邵佩詩、麥明詩同馮盈盈幾個冠軍級人馬，連16年亞軍劉穎鏇都有份參與宣傳，反而唔見應屆冠軍雷莊&#132231;(Juliette)，唔知「被消失」係咪同啲負面新聞，抑或係卸任後返加拿大有關？（新聞連結： https://bit.ly/2HeCYiw　） 

今日Juliette喺將軍澳出席活動，又被問到呢件事，佢話：「我唔係咁知道佢哋點樣安排，可能嗰刻我喺加拿大。」講到卸任前有冇工作安排？佢話︰「暫時有啲善事（慈善）活動，下星期有個dragon boat（龍舟），好開心可以做嗰個，其實嗰日係我中國生日（農曆生日），到時一路慶祝兼食好多糉，噚晚我婆婆開始整晒嗰啲（材料），我最鍾意食糉。」

講到會唔會覺得有好多是非？佢就話︰「我覺得都唔會，可能有時俾人影俾人寫，記者寫嗰啲，其實我冇乜跟，係我啲朋友話返俾我聽，咁都唔介意，因為香港都，我好use to …每一次我都慣咗，所以都冇乜介意。」唔知有冇影響工作嘅心情？佢就話︰「都唔會，我知道自己做緊乜嘢，我對自己嘅信心都冇乜影響，覺得自己知道做得最好。」生日願望方面，佢笑言︰「希望今年可以開心啲，快啲搵工作，同埋返到去加拿大見返啲好朋友，好掛住佢哋。」

另外，提到今日有報道指她與男友人到酒店慶祝生日一事，Juliette強調加拿大嘅男友都認識嗰位男性友人，佢仲話男朋友今朝早亦已送上珍珠耳環做生日禮物，相信7月返加拿大時，男友一定會同佢補祝生日。

卸任前不覺是非纏身 雷莊兒知道自己做得最好

【是非纏身累事？】港姐招募「被消失」 雷莊&#132231;：可能嗰刻我喺加拿大

由韓劇《大力女子都奉順》嘅26歲男星朴炯植同《紳士的品格》嘅46歲型男張東健拍攝嘅KBS新劇《金裝律師》，噚日喺韓國播出第13集，港劇迷可於Viu同步追看。

承接上集劇情，張東健同朴炯植接咗夏藍療養院護士罷工一案，但二人喺案件處理上有唔同睇法，而曾經貪污嘅咸代表回歸律師樓，佢仲令到張東健同朴炯植出現矛盾。不過張東健就向朴炯植解釋如果件案衰咗，咸代表就會將責任推畀朴炯植，所以張東健先利用朴炯植，而朴炯植明白張東健為自己著想，亦叮嚀張東健以後雙方要互相保護。

高聖熙因為朴炯植經常放飛機而大感生氣，但朴炯植就好開心，認為對方好關心自己。朴炯植帶高聖熙探望嫲嫲，仲送上戒指：「我都好在意你，我想更了解你。」兩人正式拍拖。另一邊廂，張東健喺兩年前負責咗一單懷疑汽車失靈以致他人身亡嘅案件，當時敗訴嘅遺屬因為搵到新證據，所以就再次起訴汽車公司，汽車公司更選擇咗張東健嘅死對頭蔡律師打官司，而此時張東健被搵出不法文件，佢仲解僱咗得力助手蔡貞安。

《金裝律師》噚晚一集收視有8.4%，穩坐同時段收視冠軍；而MBC嘅《過來抱抱我》就播出第13、14集，分別有4.3%及4.5%收視率，排同檔第二位。至於黃靜茵孖南宮珉主演嘅新劇《訓南正音》，噚晚播出嘅第9、10集就有3.2%、3.9%收視率，繼續包尾墊底。

相關新聞連結： 【第1集】張東健孖朴炯植發威 《金裝律師》開播穩坐收視冠軍 https://bit.ly/2jMFLGe

【第2集】朴炯植施計成功令張東健升職 《金裝律師》繼續做收視一哥 https://bit.ly/2IyWr2b

【第3集】朴炯植飲醉酒激嬲張東健 《金裝律師》收視勁升 https://bit.ly/2wwtVtd

【第4集】張東健同舊情人愛火重燃？咀完仲有下文 https://bit.ly/2rAR4Fg

【第5集】張東健被挑機 朴炯植高聖熙三角戀一觸即發 https://bit.ly/2IvqsA0

【第6集】朴炯植激到高聖熙面臨崩潰 《金裝律師》收視險勝 https://bit.ly/2Ko6unO

【第7集】高聖熙表白朴炯植：我很在意你 張東健有黑歷史？ https://bit.ly/2rW8U5Q

【第8集】《金裝律師》朴炯植被炒魷魚？ 《我的大叔》結局收視創新高 https://bit.ly/2LsxX8G

【第9集】黃靜茵新劇收視不敵《金裝律師》朴炯植張東健合力翻案 https://bit.ly/2kS8IRK

【第10集】張東健成功翻案 朴炯植 高聖熙感情升溫 https://bit.ly/2sCGu1y

【第11集】感情突飛猛進 朴炯植情深咀高聖熙 https://bit.ly/2sPppB8

【第12集】張東健同朴炯植決裂？ 《金裝律師》穩坐收視冠軍 https://bit.ly/2Je41jT

【韓流】朴炯植再咀高聖熙 送戒指確定戀人關係 

林芊妤（Coffee）陀B接近五個月，向來都有教開瑜伽班嘅佢鍾意做運動，宣佈有喜之後照樣做GYM同一字馬，日前同同未婚夫去菲律賓浮潛，換上三點式仍然未見肚。

今日Coffee再次貼咗新相，都係三點式，今次就去到沙灘，佢話：「不過太大浪我未敢落水。」佢又解釋，當地都有受到打風影響好大雨，未落水都搞到全身濕，有人就留言勸Coffee，粗身大細天氣又差，最好都係唔好落水喇。

其實唔落水，都可以輕鬆做運動紓展下筋骨，早前Coffee同何傲兒（Lily）為梁漢文、林敏驄主持嘅ViuTV世界盃遊戲節目《Good Night Show全民星戰》做嘉賓，Coffee即使陀B，但玩遊戲都好落力，連續3次拎到最高分，仲俾咗個熊抱Lily。

一向口不擇言嘅林敏驄，對住兩位女士冇留口：「今日呢對嘉賓『波』癮都好大！」Lily又講到10年前同林敏驄拍MV，俾咗螢幕初吻佢，又指林敏驄表面係鐵漢，但有柔情一面，仲主動要求：「你可唔可以示範嗰陣時你點對我？」令林敏驄措手不及，雖然怕醜但都有手牽手對望同作勢錫錫。

【懷孕逾四個月】Coffee再晒三點式 菲律賓沙灘太大浪未敢落水

吳業坤今日在商台宣傳新歌《精裝追女仔》，他指讀書時曾織頸巾追女仔，以表心意。之前他透露與日本水著女優有親暱行為，但原來很保守與日本3種性格女仔交流，對每個組別的女仔也照顧得無微不至。而在mv內坤哥並沒配合主題著泳褲，他豪氣謂若MV過百萬點擊，會在沙灘除衫，兼穿泳褲。

另外，緋聞女友薛家燕將娶新抱，坤哥到時會參加婚宴，被取笑是「新老爺」，他笑言：「只係做賓客，呢啲玩笑唔開得，但如果話珊珊（家燕姐女）就沒所謂，佢個人好好。」

【有冇人想睇？】新歌MV點擊若過百萬 坤哥豪氣：喺沙灘除衫

大熱美劇《漢娜的遺言》（13 Reasons Why）因為題材講及校園欺凌，甚至非禮、強姦、自殺等議題引發話題，上月推出第2季後，評價卻大不如前。雖然係咁，Netflix仍然宣布會於明年推出第3季，但飾演女主角「漢娜」嘅澳洲女星嘉芙蓮蘭科（Katherine Langford）就宣佈唔再拍，日前更於Instagram寫文向漢娜告別。 嘉芙蓮上月26號於IG表示，該劇係佢首次正式演出嘅角色：「好感恩，可以於第一季講出漢娜嘅故事，並受邀演出第2季。我喺6個月前終於可以講：『漢娜，我愛你，並且讓你走』，而家亦可以同你哋分享。」佢感謝工作人員同粉絲嘅支持，表示不論漢娜會唔會參與，呢齣劇永遠喺佢心目中有特殊嘅意義。

當年今日