賭王何鴻燊三姨太陳婉珍前晚以東華三院總理身份，帶同龍鳳胎兒子猷啓和女兒超蓮一起出席電影《赤壁》在中環舉行的東華三院慈善首映禮，三姨太佩戴不少名貴鑽飾赴會，她說：「呢啲鑽飾全部係老公送嘅，老公送咗好多鑽飾畀我。」

三姨太踢爆超蓮是金城武迷，所以前晚專程來看偶像，並希望可以與偶像合照，三姨太說：「個女好想同金城武影張合照，但唔知今晚有冇機會，佢真係好喜歡呢位藝人。」 此外，霍震霆前晚也有看首映，他說：「華語片難得可以拍到咁高水平，所以我一定要嚟支持。」記者問他近期有否留意前妻朱玲玲的新聞？他說：「我睇戲啦！」然後掉頭即走。 採訪：MaKinWah 攝影：DickyChan

超蓮勁冧金城武

梁安琪（左）同曾航生（右）前晚拍住拖，出席亞視節目《樂壇風雲50年》之《男人之夜》嘅錄影，佢哋仲合唱咗一曲《再見不是朋友》。問佢哋拍咗拖13年咁耐，點解仲唔結婚呢？梁安琪話：「我哋對婚禮嘅形式有分歧，因為佢想旅行結婚，而我就想大搞熱鬧啲，不過今年嘅酒席已經滿晒，要等到明年二月先至有。」

馮仁昭四圍超：梁安琪未傾掂嫁曾航生 - 馮仁昭

近年狀態回勇的日本女歌手安室奈美惠，本月30日會推出相隔6年的全新精選大碟《BESTFICTION》，兩個不同版本的封面照剛在日本曝光，封面照上的安室明顯做過手腳！

安室奈美惠的全新精選大碟《BESTFICTION》，將會推出CD版及CD加DVD版，為了兩個不同版本，安室拍攝了兩個不同的封面照，原來今次她在精選大碟封套上的靚相上加了噴筆效果，令皮膚更光滑，仿似全無毛孔，果然是假得有道理！

安室出碟封面造假

曾奪奧運體操金牌的李寧所創立的運動品牌，昨日在旺角新世紀廣場展覽部份焦點服飾，邀請了葉翠翠行騷，內地短道速滑冠軍楊揚，以嘉賓身份現身支持，與葉翠翠交流運動心得。 候選港姐4號高海寧被刊登半裸照，翠翠當年參選港姐時曾發生類似事件，她力撐高海寧說：「自己當年都係受害人，覺得張相只係普通背影，係時裝相，冇乜不雅成份，唔會影響參選。」

翠翠早前被揭發購買3,000萬豪宅，惹起各種揣測，她力稱是投資回報，丘凱敏也表示要向她學習，昨日翠翠聽到言論後反擊說：「根本都冇人知我賺咗幾多，好似跑步100米咁，有人贏有人輸，你唔可以話贏係出貓，係公平賽事。」再問翠翠賺幾多時，她即引用今次品牌宣傳口號說：「總之『一切皆有可能』！」 採訪、攝影：卓寶花

當年今日